ఖతర్నాక్ కెమెరా.. 2 రోజుల బ్యాటరీ లైఫ్ తో లావా కొత్త 5G ఫోన్.. ! ఈసారి అనుకున్న ధరకే లాంచ్..
లావా విడుదల చేసిన టీజర్ వీడియో ప్రకారం, ఈ స్మార్ట్ఫోన్ పంచ్-హోల్ డిస్ప్లేతో ఉంటుందని తెలుస్తోంది. దీనికి 50-మెగాపిక్సెల్ ప్రైమరీ సెన్సార్, 16-మెగాపిక్సెల్ సెల్ఫీ కెమెరాతో కూడిన డ్యూయల్ AI కెమెరా ఉందని చెబుతున్నారు.
![Lava Yuva 5G: Accurate Camera... Long Lasting Battery... Lava Yuva 5G Mobile Released Soon!-sak](https://static-gi.asianetnews.com/images/01hyz8qyyygqs8bwbt5jjadtk6/download--1-.jpg?impolicy=All_policy&im=Resize=(1200) )
ఇండియన్ స్మార్ట్ ఫోన్ బ్రాండ్ Lava Yuva 5G స్మార్ట్ఫోన్ ఈ వారం ఇండియాలో లాంచ్ కానుంది. లావా కంపెనీ ట్విట్టర్లో చేసిన పోస్ట్లో ఈ కొత్త 5G స్మార్ట్ఫోన్ను మే 30న విడుదల చేయనున్నట్లు ప్రకటించింది. మొబైల్కి సంబంధించిన టీజర్ వీడియో కూడా విడుదలైంది.
Lava Yuva 5G సేల్స్ అమెజాన్లో ఇప్పటికే మొదలయ్యాయి. ఈ స్మార్ట్ఫోన్ కోసం అమెజాన్ సైట్లో ప్రత్యేక మైక్రోసైట్ను కూడా రూపొందించారు. ఆక్టా-కోర్ మీడియాటెక్ డైమెన్సిటీ చిప్సెట్తో వస్తుంది, లావా స్మార్ట్ఫోన్ మే 30 మధ్యాహ్నం 12:00 గంటలకు లాంచ్ చేయబడుతుంది.
లావా విడుదల చేసిన టీజర్ వీడియో ప్రకారం, ఈ స్మార్ట్ఫోన్ పంచ్-హోల్ డిస్ప్లేతో ఉంటుందని తెలుస్తోంది. 50-మెగాపిక్సెల్ ప్రైమరీ సెన్సార్, 16-మెగాపిక్సెల్ సెల్ఫీ కెమెరాతో కూడిన డ్యూయల్ AI కెమెరా ఉంటుందని చెబుతున్నారు.
బ్యాక్ ప్యానెల్ కింద నిలువుగా లావా బ్రాండింగ్ ఉంటుంది. బ్యాక్ ప్యానెల్ కూడా మాట్టే ఫినిషింగ్ తో కనిపిస్తుంది. కొత్తగా వస్తున్న 5G-ఫోన్ Lava Yuva 5G స్మార్ట్ఫోన్ రెండు రోజుల బ్యాటరీ లైఫ్తో 5,000mAh బ్యాటరీని అందించారు.
LXX513 మోడల్ నంబర్తో ఉన్న Lava Yuva 5G మొబైల్ గురించి ఇటీవల సమాచారం లీక్ ఇంకా వైరల్ అయ్యింది. ఈ మొబైల్ ఆండ్రాయిడ్ 14 ఓఎస్తో రన్ అవుతుందని, 6జీబీ అలాగే 8జీబీ ర్యామ్ వేరియంట్లలో అందుబాటులో ఉంటుందని తెలిపింది.
భారతదేశంలో అమెజాన్ వెబ్సైట్ ద్వారా మొబైల్ను రూ. 10,000 లోపు ధరతో విక్రయించాలని భావిస్తుంది. బడ్జెట్లో 5G స్మార్ట్ఫోన్ను కొనాలనుకునే వారికి ఈ మొబైల్ సరైన అప్షన్ అని గాడ్జెట్ నిపుణులు సిఫార్సు చేస్తున్నారు.