Follow Us "చాట్ జీపీటీలో మరో అద్భుత ఫీచర్.. చిన్న క్లిక్‌తో మీకు నచ్చిన స్టైల్‌లో ఘిబ్లీ ఫొటోలు. ఎలా ఉపయోగించుకోవాలంటే")
studio ghibli: ప్రముఖ ఏఐ మోడల్ చాట్ జీపీటీ సరికొత్త ఫీచర్ తో యూజర్లను ఆకట్టుకుంటోంది. చాట్ జీపీటీ 40 ఘిబ్లీ స్టైల్ ఇమేజ్ జనరేషన్ పేరుతో ఈ కొత్త ఫీచర్ ను తీసుకొచ్చింది. ఫ్రీ ChatGPT అకౌంట్‌తో ఈ AI బొమ్మలు తయారు చేసుకోవచ్చు. ఇంతకీ ఈ ప్రాసెస్ ఏంటో ఇప్పుడు తెలుసుకుందాం..
గడిచిన 24 గంటల్లో ChatGPT 4o ఘిబ్లీ ఇంటర్నెట్‌ను ఊపేసింది. ఈ AI చాట్‌బాట్ మీ ఫోటోలను స్టూడియో ఘిబ్లీ వంటి థీమ్స్‌తో స్టైల్ చేయడం మొదలుపెట్టింది. వెబ్, మొబైల్ ప్లాట్‌ఫామ్స్‌లో ఇది బాగా పాపులర్ అయింది.
అయితే, OpenAI ఫ్రీ ChatGPT అకౌంట్‌తో ఈ స్టైల్డ్ AI బొమ్మలు క్రియేట్ చేయొచ్చా? లేదా డబ్బులు కట్టాలా? స్టూడియో ఘిబ్లీ క్రేజ్‌ను ఎలా ఉపయోగించాలో, ఈ ప్లాట్‌ఫామ్ ద్వారా ఆర్ట్‌వర్క్‌ను ఎలా తయారు చేయాలో చూద్దాం.
అసలేంటీ ఘిబ్లీ:
ఘిబ్లీ ఆర్ట్ అనేది జపాన్‌కు చెందిన ప్రముఖ యానిమేషన్ స్టూడియో Studio Ghibli రూపొందించిన అనిమేషన్ శైలిని సూచిస్తుంది. స్టూడియో ఘిబ్లీ 1985లో హయావో మియాజాకి (Hayao Miyazaki), ఇసావో తకహత (Isao Takahata) స్థాపించారు. ఘిబ్లీ ఆర్ట్ ద్వారా రూపొందించిన ఫొటోల్లో ప్రతీ అంశం హస్తకళతో తయారైన వాటిలా కనిపిస్తుంది. మృదువైన లైటింగ్, మెరిసే రంగులు, నేచురల్ టెక్స్చర్లు ఘిబ్లీ చిత్రాలకు ప్రాణం పోస్తాయి. ఇప్పుడు చాట్ జీపీటీలో ఇలాంటి ఫొటోలను క్రియేట్ చేసుకునే అవకాశాన్ని కల్పించారు.
ఇందుకోసం ముందుగా ChatGPT 4oని గూగుల్ ఐడీతో సైన్ ఇన్ అవ్వండి లేదా కొత్త OpenAI అకౌంట్ క్రియేట్ చేసుకోండి. ఇది ఫ్రీ అకౌంట్‌తో కూడా పనిచేస్తుంది. AI చాట్‌బాట్ ఫాస్ట్‌గా, ఎఫెక్టివ్‌గా పనిచేస్తుంది. ఫ్రీ ChatGPT వెర్షన్‌కు కొన్ని లిమిటేషన్స్ ఉన్నాయి. ChatGPT 4oతో స్టూడియో ఘిబ్లీ బొమ్మలు ఎలా క్రియేట్ చేయాలో చూద్దాం.
- ChatGPT వెబ్‌సైట్‌కి వెళ్లండి.
- గూగుల్ ఐడీతో లాగిన్ అవ్వండి లేదా కొత్త అకౌంట్ క్రియేట్ చేసుకోండి.
- ChatGPT ఇంటర్‌ఫేస్ కనిపిస్తుంది.
- సింపుల్ టెక్స్ట్ ప్రాంప్ట్స్, "స్టూడియో ఘిబ్లీ" అనే పదాన్ని ఉపయోగించి AI బొమ్మలు క్రియేట్ చేయండి.
- OpenAI, DALL-E పిక్చర్ జనరేటింగ్ టెక్నాలజీతో ఘిబ్లీ స్టైల్ AI బొమ్మలను క్రియేట్ చేస్తుంది.
ఉదాహరణకు, పార్క్‌లో ఉన్న కొంతమంది వ్యక్తుల బొమ్మను స్టూడియో ఘిబ్లీ స్టైల్‌లో క్రియేట్ చేయమని ChatGPT 4oని అడగవచ్చు. ఈ AI చాట్‌బాట్ బొమ్మను సేవ్ చేయడానికి లేదా దాన్ని క్రియేట్ చేయడానికి ఉపయోగించిన ప్రాంప్ట్‌ను చూడటానికి కూడా అనుమతిస్తుంది.
నెట్టింట వైరల్ అవుతోన్న కొన్ని ఫొటోలు ఇవే:
ఇవి ChatGPT ఫ్రీ వెర్షన్ వల్ల ఉపయోగాలు. ఫోటోలను అప్‌లోడ్ చేసి ఎడిట్ కూడా చేయొచ్చు. AI-స్టైల్ బొమ్మలు ChatGPT ప్లస్, ప్రో లేదా టీమ్స్ వెర్షన్స్‌లో మాత్రమే అందుబాటులో ఉన్నాయి.
