వింబుల్డన్‌లో సానియా మీర్జాకి షాక్... రెండో రౌండ్ నుంచి ఇంటిదారి...
రష్యన్ జోడి ఎలెనా వెస్నీనా- వెనోరికా కుదెర్‌మోతేవాతో జరిగిన మ్యాచ్‌లో ఓడిన సానియా మీర్జా జోడి...
మిక్స్‌డ్ డబుల్స్ రెండో రౌండ్‌లో రోహన్ బోప్పన్నతో కలిసి రెండో రౌండ్‌కి...
భారత టెన్నిస్ స్టార్ సానియా మీర్జాకి వింబుల్డన్‌లో షాక్ తగిలింది. సానియా, ఆమె డబుల్స్ పార్టనర్ బెతనీ మటెక్‌సాండ్స్, రెండో రౌండ్‌లో రష్యన్ జోడి ఎలెనా వెస్నీనా- వెనోరికా కుదెర్‌మోతేవాతో ఆదివారం జరిగిన మ్యాచ్‌లో ఓడిపోయారు.
తొలి సెట్‌ను 4-6 తేడాతో కోల్పోయిన సానియా జోడీ, రెండో సెట్‌ను 3-6 తేడాతో చేజార్చుకుంది. మొదటి రౌండ్‌లో ఆరో సీడ్స్ అలెక్సా గురాచీ- డిసైరీ క్రాజిక్‌లను ఓడించిన సానియా- బెతనీ జోడీ రెండో రౌండ్‌లోకి దూసుకొచ్చిన విషయం తెలిసిందే.
నేటి సాయంత్రం మిక్స్‌డ్ డబుల్స్ మ్యాచ్‌లో భారత టెన్నిస్ స్టార్ రోహన్ బోపన్నతో కలిసి రెండో రౌండ్‌లో పాల్గనబోతోంది సానియా మీర్జా. ఈ జోడీ బ్రిటీష్ డబుల్స్ జోడీ ఐడన్ మెక్‌హెగ్- ఎమిలీ వెబ్లేస్మిత్‌తో రెండో రౌండ్‌లో తలబడబోతున్నారు.
తొలి రౌండ్‌లో సానియా- బోపన్న జోడి, మరో భారత జోడి అయిన అకింతా రైనా- రామ్‌కుమార్ రామనాథమ్‌లను ఓడించి రెండో రౌండ్‌కి అర్హత సాధించడం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
