కార్తీక మాసం 2023: ఈ పవిత్రమైన మాసంలో ఈ పనులను అస్సలు చేయకండి
Karthika Masam 2023: కార్తీక మాసాన్ని ఎంతో పవిత్రమైన మాసంగా పరిగణిస్తారు. అందుకే ఈ మాసంలో కొన్ని పనులను చేయకూడదు. అలాగే కొన్ని పనులను ఖచ్చితంగా చేయాలి. అవేంటంటే?
FollowKarthika Masam 2023: కార్తీక మాసంలో శివుడిని, మహావిష్ణువును పూజిస్తారు. ఈ దేవుళ్లకు ఈ కార్తీక మాసం ఎంతో ప్రీతికరమైంది. ఈ పవిత్రమైన మాసంలో చంద్రుడు పూర్తి శక్తితో నిండి ఉంటారు. ఈ మాసంలో శివుడిని, శిష్ణుమూర్తిని పూజించడం వల్ల జీవితంలోని అన్ని రకాల బాధల నుంచి బయటపడతారని భక్తుల నమ్మకం. వైష్ణవ సాంప్రదాయం ప్రకారం.. కార్తీక మాసాన్ని దామోదర మాసం అని కూడా అంటారు. దామోదరుడు అంటే గోపాలుడు. ఈ దేవుడికున్న మరో పేరు దామోదరుడు. కాగా ఈ పవిత్రమైన మాసంలో భక్తులు చేయాల్సిన పనులు, చేయకూడని పనులు ఉన్నాయి. అవేంటో ఇప్పుడు తెలుసుకుందాం..
కార్తీక మాసంలో చేయాల్సినవి
- కార్తీక మాసంలో బ్రహ్మముహూర్తంలోనే నిద్రలేవాలి.
- ఈ మాసంలో మర్చిపోకుండా ప్రతిరోజూ తులసి మొక్క ముందు దీపాన్ని వెలిగించాలి. ఈ మాసంలో తులసికి ఎంతో ప్రముఖ్యత ఉంది. అందుకే ఈ మాసంలో తులసిని నిష్టగా పూజిస్తారు.
- కార్తీక మాసంలో మట్టి దీపం లేదా పిండి దీపాన్ని ఖచ్చితంగా వెలిగిస్తారు. అలాగే పవిత్రనదిలో స్నానం ఆచరిస్తారు.
- ఈ పవిత్రమైన మాసంలో భగవద్గీతను పఠించడం శుభప్రదంగా భావిస్తారు.
- ముఖ్యంగా ఈ మాసంలో బ్రహ్మచర్యం ఖచ్చితంగా పాటించాలి.
- ఈ మాసంలో చాలా మంది నేలపైనే పడుకుంటారు. ఎందుకంటే దీనివల్ల మనస్సులో ఎలాంటి చెడు ఆలోచనలు రావు.
కార్తీక మాసంలో చేయకూడనివి
- కార్తీక మాసంలో చేపలు, చికెన్, మటన్ వంటి మాంసాహారాలను తినకూడదు.
- ఈ మాసంలో చాలా మంది కాకరకాయ, వంకాయ, జీలకర్ర వంటి ఆహారాలకు కూడా దూరంగా ఉంటారు.
- అలాగే ఈ మాసంలో బఠానీలు, పెసరపప్పు, మినప పప్పు వంటి తృణధాన్యాలను తినకూడదు.
- కార్తీక మాసంలో నూనె రాసుకోకూడదంటారు. ముఖ్యంగా స్నానం చేసిన తర్వాత శరీరానికి నూనె రాసుకోకూడదు.
- కార్తీక మాసంలో వీలైనంత ప్రశాంతంగా ఉండేందుకు ప్రయత్నించాలి. ఈ మాసంలో కోపగించుకోకూడదు. మొరటుగా కూడా ఉండకూడదు.
- అలాగే ఇంటికి వచ్చిన వారిని ఖాళీ చేతులతో పంపకూడదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
