సారాంశం

Akshaya Tritiya: ఈ ఏడాది అక్షయ తృతీయ ఏప్రిల్ 30, బుధవారం నాడు జరుపుకుంటారు. ఈ రోజు బంగారం కొనడానికి చాలా మంది ఆసక్తి చూపుతారు. అక్షయ తృతీయ నాడు బంగారం కొనడం వెనుక చాలా నమ్మకాలు ఉన్నాయి. కొందరు ఆ రోజు మంచి ముహూర్తం చూసుకొని గోల్డ్ కొనుగోలు చేస్తారు. ఈ సందర్భంగా అక్షయ తృతీయ రోజు మంచి ముహూర్తాలు, సమయాలు ఏమున్నాయో వివరంగా ఇక్కడ తెలుసుకోండి. 

వైశాఖ మాసం శుక్ల పక్ష తృతీయ నాడు అక్షయ తృతీయ పండగ జరుపుకోవడం సంప్రదాయంగా కొనసాగుతోంది. అక్షయ తృతీయ సంవత్సరంలో వచ్చే నాలుగు ముహూర్తాలలో ఒకటి. అంటే ఈ రోజు ఏ శుభకార్యం అయినా ముహూర్తం చూడకుండానే చేయవచ్చు.

అక్షయ తృతీయతో చాలా నమ్మకాలు, సంప్రదాయాలు ముడిపడి ఉన్నాయి. అక్షయ తృతీయ నాడు బంగారం కొనడం చాలా శుభప్రదం అని పండితులు చెబుతున్నారు. ఈ సంప్రదాయానికి సంబంధించిన చాలా నమ్మకాల వల్ల ప్రజలు ఈ రోజు బంగారం కొంటారు. ఈ సంప్రదాయానికి సంబంధించిన మూడు కారణాలు ఇక్కడ ఉన్నాయి.

శంకరాచార్యులు కురిపించిన బంగారు వర్షం

ఆది గురువు శంకరాచార్యులు భారతదేశంలో గొప్ప పండితులు. వారిని శివుని అవతారంగా భావిస్తారు. ఒకసారి శంకరాచార్యులు ఒక పేద బ్రాహ్మణుడి ఇంటికి భిక్ష కోసం వెళ్ళినప్పుడు ఆయన దగ్గర ఏమీ లేదు. అయినా ఆ బ్రాహ్మణుడు శంకరాచార్యులకు ఎండు ఉసిరికాయను భిక్షగా ఇచ్చాడు. ఆయన పేదరికాన్ని చూసి శంకరాచార్యులు కనకధారా స్తోత్రాన్ని రచించి పఠించారు. దాని వల్ల ఆ బ్రాహ్మణుడి ఇంట్లో బంగారు వర్షం కురిసింది. ఆ రోజు అక్షయ తృతీయ. అందుకే ఆ రోజు కురిసిన బంగారు వర్షం వల్ల ఈ రోజు కూడా బంగారం కొనడం వల్ల శుభప్రదం అని నమ్ముతారు.

లక్ష్మీదేవి కుబేరుడిని ధనాధ్యక్షుడిని చేసింది

పురాణాల ప్రకారం.. లక్ష్మీదేవి ధన దేవత. ప్రపంచంలోని మొత్తం ధనంపై లక్ష్మీదేవికి అధికారం ఉంది. శివుని స్నేహితుడు కుబేరుడు ధనం కోసం లక్ష్మీదేవిని ప్రసన్నం చేసుకోవడానికి ఘోర తపస్సు చేశాడు. అక్షయ తృతీయ నాడు లక్ష్మీదేవి కుబేరుడికి దర్శనమిచ్చి ప్రపంచంలోని మొత్తం ధనానికి అధిపతిగా నియమించింది. అప్పటి నుండి ప్రపంచంలోని మొత్తం బంగారంపై కుబేరుడికి అధికారం ఉందని నమ్ముతారు. అక్షయ తృతీయ నాడు కుబేరుడిని ధనాధ్యక్షుడిని చేయడం వల్ల ఈ రోజు బంగారం కొనడం చాలా శుభప్రదం అని నమ్ముతారు.

బంగారం కొంటే ఇంట్లో సుఖ సంతోషాలు వెల్లివిరుస్తాయి

జ్యోతిష్య శాస్త్రంలో బంగారాన్ని గురువు లోహంగా భావిస్తారు. గురు గ్రహ శుభ ఫలితాల వల్లే జీవితంలో సుఖ శాంతులు, సమృద్ధి ఉంటాయి. అక్షయ తృతీయ నాడు బంగారం కొంటే గురు గ్రహ స్థితి బలపడుతుందని, వైవాహిక జీవితంలో సమస్యలు తగ్గుతాయని నమ్ముతారు. అందుకే అక్షయ తృతీయ వంటి శుభ తిథి నాడు బంగారం కొనడం ఒక సంప్రదాయంగా మారింది.

అక్షయ తృతీయ 2025 బంగారం కొనడానికి శుభ ముహూర్తాలు

ఉదయం 10:47 నుండి మధ్యాహ్నం 12:24 వరకు
మధ్యాహ్నం 03:36 నుండి సాయంత్రం 05:13 వరకు
సాయంత్రం 05:13 నుండి 08:49 వరకు
రాత్రి 08:13 నుండి 09:36 వరకు


Disclaimer
ఈ వ్యాసంలోని సమాచారం జ్యోతిష్యులు చెప్పినది. మేము ఈ సమాచారాన్ని మీకు అందించే ఒక మాధ్యమం మాత్రమే. ఈ సమాచారాన్ని కేవలం సమాచారంగానే భావించండి.