సివిల్ సర్వీసెస్-2021 తుది ఫలితాలను యూనియన్ పబ్లిక్ సర్వీస్ కమిషన్ సోవారం విడుదల చేసింది. సివిల్ సర్వీసెస్ పరీక్షలో ఉత్తీర్ణత సాధించిన అభ్యర్థులను ప్రధాని నరేంద్ర మోదీ సోమవారం అభినందించారు.
సివిల్ సర్వీసెస్-2021 తుది ఫలితాలను యూనియన్ పబ్లిక్ సర్వీస్ కమిషన్ సోవారం విడుదల చేసింది. సివిల్ సర్వీసెస్ పరీక్షలో ఉత్తీర్ణత సాధించిన అభ్యర్థులను ప్రధాని నరేంద్ర మోదీ సోమవారం అభినందించారు. అంతేకాకుండా వారికి తన శుభాకాంక్షలు తెలిపారు. ఈ మేరకు మోదీ ట్విట్టర్లో ఓ పోస్టు చేశారు. ‘‘సివిల్ సర్వీసెస్ (మెయిన్) పరీక్ష 2021లో ఉత్తీర్ణత సాధించిన వారందరికీ అభినందనలు. మనం ఆజాదీ కా అమృత్ మహోత్సవ్ను జరుపుకుంటున్న ఈ వేళ.. భారతదేశ అభివృద్ధి ప్రయాణంలో లకమైన సమయంలో తమ పరిపాలనా వృత్తిని ప్రారంభిస్తున్న ఈ యువతకు నా శుభాకాంక్షలు’’ అని మోదీ పేర్కొన్నారు.
మరోవైపు ఈ పరీక్షలో విజయం సాధించని అభ్యర్థులను కూడా ప్రధాని మోదీ ప్రోత్సహించారు. ‘‘సివిల్ సర్వీసెస్ పరీక్షలో ఉత్తీర్ణత సాధించలేకపోయిన వారి నిరుత్సాహాన్ని నేను పూర్తిగా అర్థం చేసుకున్నాను. అయితే వీరు ఏ రంగంలోనైనా తమదైన ముద్ర వేసి భారతదేశం గర్వపడేలా చేసే అత్యుత్తమ యువత అని కూడా నాకు తెలుసు. వారికి నా శుభాకాంక్షలు’’ అని మోదీ ట్వీట్ చేశారు.
ఇక, సివిల్స్ 2021 ఫలితాలను యూనియన్ పబ్లిక్ సర్వీస్ కమిషన్ సోవారం విడుదల చేసింది. సివిల్ సర్వీసెస్కు మొత్తం 685 మందిని యూపీఎస్సీ ఎంపిక చేసింది. సివిల్స్లో శృతి శర్మ మొదటి ర్యాంక్, అంకిత అగర్వాల్.. రెండో ర్యాంక్, గామిని సింగ్మా.. మూడో ర్యాంక్ సాధించారు. ఈసారి మొత్తం 685 మందిని ఎంపిక చేయగా.. వీరిలో జనరల్ కోటా నుంచి 244 మంది, ఈడబ్ల్యూఎస్ నుంచి 73 మంది, ఓబీసీ నుంచి 203 మంది, ఎస్సీ కేటగిరి నుంచి 105 మంది, ఎస్టీ కేటగిరి నుంచి 60 మంది ఉన్నారు. పోస్టుల వారీగా చూస్తే.. ఐఏఎస్కు 180, ఐపీఎస్కు 200, ఐఎఫ్ఎస్కు 37 మంది ఎంపికయ్యారు.
నేడు ప్రకటించిన సివిల్స్ ఫలితాల్లో తొలి మూడు స్థానాల్లో అమ్మాయిలే నిలిచారు. శృతి శర్మ ఆల్ ఇండియా ఫస్ట్ ర్యాంక్ కైవసం చేసుకుంది. శృతి సెయింట్ స్టీఫెన్స్ కాలేజీ, జవహర్లాల్ నెహ్రూ యూనివర్సిటీ పూర్వ విద్యార్థి. జామియా మిలియా ఇస్లామియా రెసిడెన్షియల్ కోచింగ్ అకాడమీలో UPSC సివిల్ సర్వీసెస్ కోచింగ్ తీసుకున్నారు.
సివిల్స్ -2021లో తెలుగువారి విషయానికి వస్తే యశ్వంత్ కుమార్ రెడ్డి 15 వ ర్యాంకు సాధించారు. పూసపాటి సాహిత్య.. 24వ ర్యాంక్, కొప్పిశెట్టి కిరణ్మయి.. 56వ ర్యాంకు, శ్రీపూజ.. 62వ ర్యాంక్, గడ్డం సుధీర్ కుమార్ రెడ్డి.. 69వ ర్యాంకు, ఆకునూరి నరేశ్.. 117వ ర్యాంకు, అరుగులు స్నేహ.. 136వ ర్యాంకు, బి చైతన్య రెడ్డి.. 161వ రెడ్డి, ఎస్ కమలేశ్వర్ రావు.. 297వ ర్యాంకు, విద్యామరి శ్రీధర్.. 336వ ర్యాంకు, దిబ్బడ ఎస్వీ అశోక్.. 350వ ర్యాంకు, గుగులావత్ శరత్ నాయక్.. 374వ ర్యాంక్, నల్లమోతు బాలకృష్ణ.. 420వ ర్యాంకు, ఉప్పులూరి చైతన్య.. 470వ ర్యాంకు, మన్యాల అనిరుధ్.. 564వ ర్యాంకు, రంజిత్కుమార్.. 574వ ర్యాంకు, పాండు విల్సన్.. 602వ ర్యాంకు, బాణావత్ అరవింద్.. 623వ ర్యాంకు, బచ్చు స్మరణ్ రాజ్.. 676వ ర్యాంకు సాధించారు. సివిల్స్-2021 పూర్తి ఫలితాలు కోసం ఇక్కడ క్లిక్ చేయండి.
