నాటి రాముడు సీతకు స్వర్ణ విగ్రహం.. నేటి రాముడు భార్యకు మైనపు విగ్రహం
ఆ ఇంటి గృహ ప్రవేశంలో తన భార్యలేని లోటు ఉండకూడదని అనుకున్నాడు. మనసుంటే మార్గం ఉంటుందనేలా.. వెంటనే భార్య మైనపు విగ్రహాన్ని తయారు చేశాడు. ఆ విగ్రహాన్ని ఇంట్లో ప్రతిష్టించి మురిసిపోయాడు.
ఆ నాడు రాముడు తన పక్కన భార్య లేకపోవడంతో... స్వర్ణ సీతను ప్రతిష్టించి యాగం చేశాడు. ఈ నాటి రాముడికి భార్య రోడ్డు ప్రమాదం లో దూరమైంది. ఆ బాధను తీర్చుకోవడానికి.. తన కొత్త ఇంట్లో భార్య మైనపు విగ్రహాన్ని ప్రతిష్టించాడు.
చాలా మంది భార్య చనిపోతే.. ఎప్పుడెప్పుడు రెండో పెళ్లి చేసుకుందామా అని ఎదురుచూసేవాళ్లు చాలా మంది ఉన్నారు. అలాంటి కాలంలోనూ చనిపోయిన భార్యను ఇంకా మదిలో నింపుకొని.., ఆ ప్రేమను మైనపు విగ్రహం ద్వారా లోకానికి తెలియజేశాడు. ఈ సంఘటన కర్ణాటక రాష్ట్రంలో చోటుచేసుకోగా.. పూర్తి వివరాలు ఇలా ఉన్నాయి.
కర్ణాటక రాష్ట్రం కొప్పల్ జిల్లాకు చెందిన శ్రీనివాస్ గుప్తా కి భార్య, ఇద్దరు ముత్యాల్లాంటి పిల్లలు ఉన్నారు. కాగా.. ఓ రోడ్డు ప్రమాదంలో వారి గృహలక్ష్మి కన్నుమూసింది. కాగా.. భార్య మృతితో శ్రీనివాస్ గుప్తా చాలా కుంగిపోయారు. కాగా.. ఇటీవల ఆయన నూతన ఇంటిని కొనుగోలుచేశారు.
ఆ ఇంటి గృహ ప్రవేశంలో తన భార్యలేని లోటు ఉండకూడదని అనుకున్నాడు. మనసుంటే మార్గం ఉంటుందనేలా.. వెంటనే భార్య మైనపు విగ్రహాన్ని తయారు చేశాడు. ఆ విగ్రహాన్ని ఇంట్లో ప్రతిష్టించి మురిసిపోయాడు.
కాగా... ఆమె విగ్రహాన్ని చూసి.. ఎవరైనా షాకవ్వాల్సిందే. ఎందుకంటే.. నిజంగా మనిషి కూర్చున్నట్లుగానే ఆ విగ్రహం ఉండటం విశేషం. ఇంకేముంది కుటుంబసభ్యులు అందరూ కూడా దాన్ని చూసి మురిసిపోయారు. ఆ మైనపు విగ్రహంతో ఫోటోలు దిగి సంతోషించారు. కాగా.. వారి ఫోటోలు ఇప్పుడు నెట్టింట వైరల్ గా మారాయి. కాగా.. అతనికి కలియుగ రాముడు అంటూ నెటిజన్లు కీర్తించడం గమనార్హం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
