మహిళల నగ్న ఊరేగింపును సుమోటోగా తీసుకున్న సుప్రీం: చర్యలు తీసుకోవాలని కేంద్రానికి ఆదేశం

న్యూఢిల్లీ:మణిపూర్ లో ఇద్దరు మహిళలను నగ్నంగా  ఊరేగించిన వీడియో  బయటకు వచ్చిన ఘటనను  సుప్రీంకోర్టు సుమోటోగా తీసుకుంది.  ఈ ఘటనపై  అవసరమైన చర్యలు తీసుకోవాలని  కేంద్ర ప్రభుత్వాన్ని  డిమాండ్ చేసింది సుప్రీంకోర్టు.

ఈ వీడియో తీవ్రంగా కలిచివేసిందని సుప్రీంకోర్టు చీఫ్ జస్టిస్ డివై చంద్రచూడ్  చెప్పారు. ఈ ఘటనపై  చర్యలు తీసుకోవడానికి ప్రభుత్వానికి కొంత సమయం ఇస్తామని ఆయన  పేర్కొన్నారు. ఆ తర్వాత అవసరమైతే తాము జోక్యం చేసుకుంటామని ఆయన వ్యాఖ్యానించారు.  ఘర్షణల సమయంలో మహిళలను సాధనంగా ఉపయోగించడం రాజ్యాంగ దుర్వినియోగమని ఆయన అభిప్రాయపడ్డారు

. ఈ ఘటనపై  కేంద్ర, రాష్ట్ర ప్రభుత్వాలు సరైన చర్యలు తీసుకోలేదని  సుప్రీంకోర్టు అభిప్రాయపడింది.అమానవీయ ఘటన రాజ్యాంగ ఉల్లంఘన కిందకు  వస్తుందని సుప్రీంకోర్టు తెలిపింది.ఈ వీడియోలతో ప్రజలు తీవ్ర ఆవేదనకు గురౌతున్నారని సుప్రీంకోర్టు సీజేఐ చెప్పారు.

also read:అమానవీయ ఘటనలను ఎవరూ ఉపేక్షించరు: మణిపూర్ ఘటనపై మోడీ

పార్లమెంట్ వర్షాకాల సమావేశాలకు  ముందు  మణిపూర్ ఘటనలపై  ప్రధాన మంత్రి నరేంద్ర మోడీ  స్పందించారు. ఈ ఘటనపై ఆయన సీరియస్ గా తీసుకున్నారు.
ఈ ఘటన తనను తీవ్రంగా కలిచివేసిందన్నారు

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• manipur violence
• supreme court