Asianet News TeluguAsianet News Telugu

అక్రమంగా హుక్కా బార్లు.. 12 మంది అరెస్ట్

హుక్కా బార్: కాన్పూర్ నగరంలో అక్రమంగా హుక్కా బార్లు నడుపుతున్న 12 మందిని కాన్పూర్ పోలీసులు ఆదివారం అరెస్టు చేశారు. నగరంలోని పాష్ లాంజ్‌లపై పోలీసులు ఆదివారం దాడులు చేశారు.
 

Police arrest 12 for running hookah bar illegally in Kanpur-Uttar Pradesh
Author
First Published Aug 23, 2022, 5:58 AM IST

ఉత్త‌ర‌ప్ర‌దేశ్: అక్ర‌మంగా హుక్కా బార్లు న‌డుపుతున్న వారిపై అధికారులు చ‌ర్య‌లు తీసుకుంటున్నారు. ఆదివారం నాడు ఉత్త‌ర‌ప్ర‌దేశ్ లోని ప‌లు ప్రాంతాల్లో పోలీసులు దాడులు నిర్వ‌హించారు. అక్ర‌మంగా హుక్కా బార్లు న‌డుపుతున్న డ‌జ‌ను మందికి పైగా అరెస్టు చేశారు. కేసు న‌మోదుచేసుకుని విచార‌ణ జ‌రుపుతున్నారు. వివ‌రాల్లోకెళ్తే.. పశ్చిమ మండలం స్వరూప్ నగర్ ప్రాంతంలో అక్రమంగా హుక్కా బార్లు నడుపుతున్న 12 మందిని అరెస్టు చేసిన కాన్పూర్ పోలీసులు నగరంలోని హుక్కా బార్లపై దాడులు కొనసాగిస్తున్నారు.

నగరంలోని పాష్ లాంజ్‌లపై పోలీసులు ఆదివారం దాడులు చేశారు. రెండు రెస్టారెంట్లలో హుక్కా అందిస్తున్నార‌నే సమాచారంతో ఏసీపీ స్వరూప్ నగర్ బ్రిజ్ నారాయణ్ సింగ్, స్వరూప్ నగర్ పోలీస్ స్టేషన్ సిబ్బందితో కలిసి దాడులు నిర్వహించారు. 'ఆన్‌లైన్ కేఫ్', 'ఫ్లయింగ్ సాసర్' బార్ అండ్ రెస్టారెంట్లలో హుక్కా బార్లు నడుస్తున్నట్లు పోలీసులు గుర్తించారు. ఘటనా స్థలం నుంచి హుక్కా, వాటి ఫ్లేవర్, ఇతర వస్తువులను కూడా స్వాధీనం చేసుకున్నారు. పైన పేర్కొన్న వాటికి సంబంధించి, స్వరూప్ నగర్ పోలీస్ స్టేషన్‌లో కూడా అభియోగాలు నమోదు చేయబడ్డాయి.

హుక్కా నిషేధించబడినప్పటికీ, నగరంలోని చాలా లాంజ్‌లలో చట్టవిరుద్ధంగా వీటిని కొన‌సాగిస్తున్నారు.  ఈసారి 12 మందిని అదుపులోకి తీసుకున్నారు. మ‌రిన్ని చోట్ల దాడులు కొన‌సాగ‌నున్నాయ‌ని సంబంధిత వ‌ర్గాలు పేర్కొన్నాయి. ADCP బ్రిజేష్ శ్రీవాస్తవ వెల్ల‌డించిన వివ‌రాల ప్ర‌కారం.. “చట్టవిరుద్ధంగా హుక్కా అందించడంపై లాంజ్‌లలో దాడులు నిర్వహించబడ్డాయి. ఈ కేసులో రెండు ఎఫ్‌ఐఆర్‌లు నమోదయ్యాయి. తదనుగుణంగా చర్యలు తీసుకుంటున్నాం'' అని వెల్ల‌డించారు. 

Follow Us:
Download App:
  • android
  • ios