Asianet News TeluguAsianet News Telugu

గంగానదిలో చెక్కపెట్టెలో చిన్నారి: కాపాడిన స్థానికులు

 యూపీలోని ఘాజీపూర్‌ వద్ద చెక్కపెట్టెలో పసిపాపను పెట్టి గంగానదిలో వదిలారు గుర్తు తెలియని వ్యక్తులు. చెక్కపెట్టె నుండి పాప అరుపులు విన్న స్థానికుడు ఆ బాలికను కాపాడారు. 

Newborn girl found in a box flowing in the Ganga river lns
Author
New Delhi, First Published Jun 16, 2021, 3:54 PM IST
  • Facebook
  • Twitter
  • Whatsapp

ఘాజీపూర్:. యూపీలోని ఘాజీపూర్‌ వద్ద చెక్కపెట్టెలో పసిపాపను పెట్టి గంగానదిలో వదిలారు గుర్తు తెలియని వ్యక్తులు. చెక్కపెట్టె నుండి పాప అరుపులు విన్న స్థానికుడు ఆ బాలికను కాపాడారు. ఈ చెక్కపెట్టె నిండా దేవుడు, దేవతల ఫోటోల మధ్య  పసిపాపను పెట్టి గంగానదిలో వదిలేశారు. ఘాజీపూర్ లోని దాద్రిఘాట్ వద్ద ఈ ఘటన చోటు చేసుకొందని పోలీసులు తెలిపారు. పసిపాప పేరు గంగా అని  చెక్కపెట్టెలో రాసి పెట్టారు. ఈ బాలికను కాపాడిన వ్యక్తి పోలీసులకు సమాచారం ఇచ్చాడు.  బాలికను ఆశాజ్యోతి కేంద్రానికి తరలించారు పోలీసులు.  బాలిక వయస్సు 21 రోజుల వయస్సు ఉంటుందని స్థానికులు అభిప్రాయపడుతున్నారు. 

దాద్రీఘాట్‌ వద్ద చెక్క పెట్టె నుండి చిన్నారి అరుపులు విన్న ఓ వ్యక్తి చెక్క పెట్టెను తెరిచి చూశాడని పోలీసులు తెలిపారు. చిన్నారిని చెక్కపెట్టెలో పెట్టి గంగానదిలో వదిలేశారని తెలుసుకొన్న స్థానికులు పెద్ద ఎత్తున అక్కడికి చేరుకొని చిన్నారిని చూశారు.  అధికారులు అనుమతిస్తే ఆ చిన్నారిని తాను పెంచుకొంటానని చిన్నారిని కాపాడిన వ్యక్తి చెప్పాడు.ఈ విషయమై పోలీసులు కేసు నమోదు చేసుకొని దర్యాప్తు చేస్తున్నారు. 

Follow Us:
Download App:
  • android
  • ios