Asianet News TeluguAsianet News Telugu

ఆడపిల్ల పుట్టకూడదని.. ఎనిమిదిసార్లు అబార్షన్.. చివరకు..!

2009లో ఆమె ఆడ శిశువుకు జన్మనివ్వగా.. 2011లో మరోసారి గర్భం దాల్చింది. ఈ క్రమంలో తనకు వారసుడే కావాలంటూ ఆమెకు అబార్షన్ చేయించాడు.

Mumbai Woman Forced to Abort 8 Times, Given 1,500 Steroid Injections So 'Husband Could Have Son'
Author
Hyderabad, First Published Aug 18, 2021, 7:41 AM IST


ఈ రోజుల్లో ఆడపిల్లలు అన్ని రంగాల్లో దూసుకువెళుతున్నారు. తాము ఎవరికీ తీసిపోమని నిరూపిస్తున్నారు. ఇలాంటి రోజుల్లోనూ ఇంకా చాలా మంది ఆడపిల్ల పుట్టకూడదని కోరుకుంటుండటం గమనార్హం. తాజాగా ఓ వ్యక్తి.. ఆడపిల్ల పుట్టకూడదని.. మగ పిల్లాడి కోసం దాదాపు ఎనిమిదిసార్లు అబార్షన్ చేయించాడు. ఈ క్రమంలో ఆమెకు వందల సంఖ్యలో హార్మోన్లు, స్టెరాయిడ్ ఇంజెక్షన్లు వేయించాడు. ఈ దారుణ సంఘటన ముంబయిలో చోటుచేసుకోగా... ఈ ఘటనకు సంబంధించిన పూర్తి వివరాలు ఇలా ఉన్నాయి.

ముంబయికి చెందిన ఓ యువతికి 2007లో వివాహమైంది.  ఆమెను బాగా సంపన్న కుటుంబంలో ఇచ్చి పెళ్లి చేశారు. అయితే.. పెళ్లైన కొంతకాలానికే ఆమెకు వేధింపులు మొదలుకావడం గమనార్హం. 2009లో ఆమె ఆడ శిశువుకు జన్మనివ్వగా.. 2011లో మరోసారి గర్భం దాల్చింది. ఈ క్రమంలో తనకు వారసుడే కావాలంటూ ఆమెకు అబార్షన్ చేయించాడు.

మరోవైపు తానూ చికిత్స చేయించుకోవడం మొదలుపెట్టాడు. ప్రీ ఇంప్లాంటేషన్, లింగ నిర్థారణ తదితర అంశాలకు మన దేశంలో అనుమతి లేకపోవడంతో ఆమెను బ్యాంకాక్ తీసుకువెళ్లాడు. ఈ క్రమంలో ఆమెకు దాదాపు ఎనిమిదిసార్లు అబార్షన్ చేయించాడు. చికిత్స, ఆయా పరీక్ష సమయంలో ఆమెకు 1500 పైగా హార్మోన్లు, స్టెరాయిడ్ ఇంజెక్షన్లు చేయించాడు.

మరోవైపు వేధింపులు పెరిగిపోవడంతో తట్టుకోలేక విసిగివేసారిపోయిన బాధితురాలు పోలీసులను ఆశ్రయించడంతో ఈ వ్యవహారం వెలుగులోకి వచ్చింది. 

Follow Us:
Download App:
  • android
  • ios