ప్రేమోన్మాదానికి మరో యువతి నిండు ప్రాణాలు బలయ్యాయి. ప్రేమను కాదన్నదని యువతిమీద, ఆమె అక్క మీద రాళ్లతో దాడి చేశాడో యువకుడు. ఈ దాడిలో తీవ్రంగా గాయపడిన ఆ యువతి చికిత్స పొందుతూ మృతి చెందింది.
చెన్నై : ప్రేమోన్మాదానికి మరో యువతి బలైంది. తనని ప్రేమించడం లేదని కోపంతో stonesతో యువకుడు యువతిని కొట్టి murder చేశాడు. ఆమె సోదరిపై కూడా assassination attempted చేశాడు. సేలం ఆత్తూరులో ఈ ఘటన బుధవారం చోటు చేసుకుంది. వివరాలు.. సేలం జిల్లా గంగవల్లి సమీపంలోని కుడుమలై గ్రామానికి చెందిన మురుగేశన్ (45) రైతు. కడంబూరులో లీజుకు పంట పొలాన్ని తీసుకుని వ్యవసాయం చేస్తున్నాడు. ఆయనకు భార్య దయ(40), పెద్ద కుమార్తె నందిని( 21), చిన్న కుమార్తె రోజా(19), కుమారుడు విజయ్(18) ఉన్నారు. పంట పొలంలో నివాసం ఏర్పాటు చేసుకుని వీరు జీవనం సాగిస్తున్నారు. చిన్న కుమార్తె రోజా నర్సింగా పురంలోని కళాశాలలో బీఏ చదువుతోంది.
ప్రేమ పేరిట వేధింపులు..
ఆత్తూరు తండయార్ పేటకు చెందిన స్వామిదురై (22) చెన్నైలోని ఓ ప్రైవేటు కళాశాలలో చదువుకుంటున్నాడు. కుడుమలైలోని బంధువు చిన్నదురై ఇంటికి ఇటీవల వచ్చాడు. ఆ సమయంలో రోజా అతని కంటపడింది. అప్పటి నుంచి ఆమెను ప్రేమ పేరిట వేధించడం మొదలుపెట్టాడు. ఆమె కోసం తరచూ చెన్నై నుంచి చిన్నదురై ఇంటికి వచ్చి వెళ్లేవాడు. తన సోదరి నందినికి ఈనెల 13న వివాహం ఏర్పాట్లు జరుగుతున్న నేపథ్యంలో స్వామిదురై వేధింపులు రోజాకు తలనొప్పిగా మారాయి. దీంతో వారం రోజుల క్రితం అతడిని తీవ్రంగా మందలించింది. అయినా అతడు వినలేదు. సోమవారం ఆమె చదువుకుంటున్న కాలేజీ వద్దకు వెళ్లి తన ప్రేమను చెప్పడమే కాకుండా, అంగీకరించకుంటే చంపేస్తానని బెదిరించాడు. దీంతో ఆందోళన చెందిన రోజా ఈ విషయాన్ని సోదరి నందిని ద్వారా తల్లిదండ్రుల దృష్టికి తీసుకు వెళ్ళింది.
పెద్దల పంచాయతీతో ఆగ్రహం…
ఈ వ్యవహారం గ్రామపెద్దల వరకు వెళ్ళింది. దీంతో మంగళవారం రాత్రి పంచాయతీ పెట్టారు. ఇకపై స్వామిదురై గ్రామంలోకి రాకూడదని, రోజాను ప్రేమ పేరిట వేధిస్తే పోలీసులకు పట్టిస్తామని అతని బంధువు చిన్నదురై కు గ్రామ పెద్దలు స్పష్టం చేశారు. ఈ విషయం తెలుసుకున్న స్వామిదురై ఉన్మాదిగా మారాడు. బుధవారం నందిని వివాహ ఆహ్వాన పత్రిక ఇచ్చేందుకు రోజా తల్లిదండ్రులు, సోదరుడు బయటికి వెళ్లిన సమయంలో ఇంట్లోకి చొరబడి వీరంగం సృష్టించాడు. తన మిత్రులతో కలిసి రోజా, ఆమె సోదరి నందిని పై దాడి చేశాడు.
ఒంటిపై కిరోసిన్ పోసి నిప్పంటించి ప్రయత్నం చేశాడు. వీరి నుంచి అక్క చెల్లెలు తప్పించుకుని పంట పొలంలోని నీటి తొట్టెలోకి దూకేశారు. రక్షించాలని కేకలు పెడుతూ అక్కడి నుంచి పరుగులు తీశారు. అయితే, రోజాను వెంటాడి మరీ ఆ ప్రేమోన్మాది తన మిత్రుల సాయంతో రాళ్ళతో కొట్టి పడేశాడు. నందిని కేకలు విని స్థానికులు రావడంతో ప్రేమోన్మాది పరారయ్యాడు. తీవ్ర గాయాలతో పడి ఉన్న రోజాను ఆస్పత్రికి తరలించగా ఆమె మరణించింది. పోలీసులు కేసు నమోదు చేసి విచారణ చేపట్టారు. పరారీలో ఉన్న చిన్నదురై, అతని మిత్రుడు సమీపంలోని అడవుల్లోనే ఉన్నారనే... సమాచారంతో డీఎస్పీ రామచంద్రన్ నేతృత్వంలో గాలింపు చేపట్టారు.
