Asianet News TeluguAsianet News Telugu

బర్త్ డే కేక్‌ను తల్వార్‌తో కట్ చేశాడు.. కటకటాలపాలయ్యాడు

మహారాష్ట్రలో ఓ కుర్రాడు తన బర్త్ డే కేక్‌ను పబ్లిక్‌గా తల్వార్‌తో కట్ చేశాడు. ఆ ఫొటోలు సోషల్ మీడియాలో చక్కర్లు కొట్టాయి. అనంతరం, పోలీసులు ఈ సెలబ్రేషన్‌లో ఉన్న నలుగురు యువకులను అరెస్టు చేశారు. మరో ఇద్దరి కోసం గాలింపులు జరుపుతున్నారు.
 

maharashtra police arrested 4 for cutting birth day cake with sword
Author
First Published Sep 4, 2022, 11:44 PM IST

ముంబయి: మహారాష్ట్రలో కొందరు యువకుల అత్యుత్సాహం వారిని జైలు పాలు చేసింది. ఓ యువకుడు తన బర్త్ డే వేడుకను వినూత్నంగా చేసుకోవాలని అనుకున్నాడు. తన బర్త్ డే కేక్‌ను బహిరంగంగా తల్వార్‌తో కట్ చేశాడు. అనంతరం ఆ ఫొటోలను సోషల్ మీడియాలో పోస్టు చేశారు. ఈ ఫొటోలు మహారాష్ట్ర పోలీసుల దృష్టిలో పడింది. దీంతో వెంటనే వారు యాక్షన్‌లోకి దిగారు. నలుగురు నిందితులను అరెస్టు చేశారు. మరో ఇద్దరి కోసం గాలింపులు జరుపుతున్నారు.

మహారాష్ట్రలోని లాతూర్ జిల్లాలో ఈ ఘటన చోటుచేసుకున్నట్టు పోలీసులు వెల్లడించారు. అరెస్టు చేసిన వారిని హృతిక్ హుల్గుండే, వాజిద్ సయ్యద్, సంవిధాన్ ధావరే, సంవక్ కాంబ్లేలుగా వివేకానంద్ పోలీసు స్టేషన్ ఎస్ఐ మహేష్ గల్గాటే తెలిపారు.

ఈ నెల 2వ తేదీన హృతిక్ హుల్గుండే బర్త్ డే ఉన్నది. ఆయన బర్త్ డేను బహిరంగంగా సెలెబ్రేట్ చేశారు. కేక్‌ను హృతిక్ హుల్గుండే తల్వార్‌తో కట్ చేశాడు. అనంతరం, ఈ ఫొటోలు సోషల్ మీడియాలో చక్కర్లు కొట్టాయి. ఈ ఘటన అభ్యంతరకరంగా ఉండటంతో పోలీసులు రంగంలోకి దిగారు. పై నలుగురిని అరెస్టు చేశారు. ఈ బర్త్ డే సెలబ్రేషన్‌లో పాలు పంచుకున్న మరో ఇద్దరు పరారీలో ఉన్నారు. పోలీసులు ఇప్పుడు వారి కోసం గాలింపులు జరుపుతున్నారు.

Follow Us:
Download App:
  • android
  • ios