కరెన్సీ నోట్లపై లక్ష్మీదేవి బొమ్మ ముద్రించాలి: సుబ్రమణ్యస్వామి
భారతీయ కరెన్సీ నోట్లపై లక్ష్మీదేవీ బొమ్మను ముద్రించడం వల్ల మేలు జరుగుతుందని బీజేపీ నేత, ఎంపీ సుబ్రమణ్యస్వామి చెప్పారు.
న్యూఢిల్లీ: భారతీయ కరెన్సీ నోట్లపై లక్ష్మీదేవీ బొమ్మను ముద్రించడం వల్ల మేలు జరుగుతుందని బీజేపీ నేత, ఎంపీ సుబ్రమణ్యస్వామి చెప్పారు. మధ్యప్రదేశ్ రాష్ట్రంలోని ఓ కార్యక్రమంలో పాల్గొనేందుకు వచ్చిన సందర్భంగా సుబ్రమణ్యస్వామి మీడియాతో మాట్లాడారు.
also read:నాలుగేళ్ల ప్లాన్: పవన్‌తో చర్చలపై బీజేపీ ఎంపీ జీవీఎల్ ఆసక్తికర వ్యాఖ్యలు
ఇండోనేషియా కరెన్సీపై గణేశుని బొమ్మ ముద్రించడాన్ని విలేకరులు ఆయన వద్ద ప్రస్తావించినపుడు స్వామి మాట్లాడుతూ ప్రధాన మంత్రి నరేంద్ర మోదీ ఈ ప్రశ్నకు సమాధానం చెప్పాలన్నారు. ఈ రకమైన విధానానికి తాను అనుకూలమని సుబ్రమణ్యస్వామి చెప్పారు.
గణేషుడు విఘ్నాలను తొలగిస్తాడన్నారు. లక్ష్మీదేవీ బొమ్మను కరెన్సీ నోట్లపై ముద్రిస్తే భారతీయ కరెన్సీ పరిస్థితి మరింత మెరుగుపడే అవకాశం ఉందని ఆయన అభిప్రాయపడ్డారు.ఇండోనేషియాలో గణేషుడి బొమ్మ ముద్రించడం వల్ల ఆ దేశంలో విఘ్నాలు తొలగిపోయినట్టుగా సుబ్రమణ్యస్వామి అభిప్రాయపడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
