Gaganyaanలో మరో ముందడుగు.. ఆ పరీక్ష సక్సెస్ అయిందని తెలిపిన ఇస్రో..
భారత అంతరిక్ష పరిశోధన సంస్థ గగన్యాన్ (Gaganyaan) ప్రాజెక్టును అత్యంత ప్రతిష్టాత్మకంగా తీసుకున్న సంగతి తెలిసిందే. తాజాగా ఈ ప్రాజెక్టుకు సంబంధించి కీలక ముందడుగు పడింది.
భారత అంతరిక్ష పరిశోధన సంస్థ గగన్యాన్ (Gaganyaan) ప్రాజెక్టును అత్యంత ప్రతిష్టాత్మకంగా తీసుకున్న సంగతి తెలిసిందే. తాజాగా ఈ ప్రాజెక్టుకు సంబంధించి కీలక ముందడుగు పడింది. గగన్యాన్ ప్రాజెక్ట్‌ కోసం క్రయోజెనిక్ ఇంజన్ (cryogenic engine) అర్హత పరీక్షను ఇస్రో విజయవంతంగా నిర్వహించింది. తమిళనాడు మహేంద్రగిరిలోని ఇస్రో ప్రొపల్షన్ కాంప్లెక్స్‌లో 720 సెకన్ల పాటు ఇంజిన్‌ను మండించి.. పనితీరును పరిశీలించింది. ఈ మేరకు ఇస్రో బుధవారం ఒక ప్రకటన చేసింది.
ఇంజిన్ పనితీరు పరీక్ష లక్ష్యాలను చేరుకుందని.. ఇంజిన్ పారామితులు మొత్తం వ్యవధిలో అంచనాలకు దగ్గరగా సరిపోలుతున్నాయని ఇస్రో తెలిపింది. ‘విజయవంతమైన ఈ దీర్ఘ కాల పరీక్ష గగన్యాన్ ప్రాజెక్టులో ప్రధాన మైలురాయి. ఇది గగన్యాన్ లాంచ్ వెహికల్‌లోకి ఉపయోగించే క్రయోజెనిక్ ఇంజిన్ యొక్క విశ్వసనీయత. పటిష్టతను నిర్ధారిస్తుంది’ అని ఇస్రో పేర్కొంది.
ఈ క్రయోజెనిక్ ఇంజన్ సుమారు 1810 సెకన్ల పాటు జరిగే మరో నాలుగు పరీక్షలను ఎదుర్కోనుందని ఇస్రో తెలిపింది. గగన్యాన్ కోసం క్రయోజెనిక్ ఇంజన్ అర్హతను పూర్తి చేయడానికి.. మరో ఇంజన్‌కు ఒక దీర్ఘకాలిక, రెండు స్వల్పకాలిక పరీక్షలను నిర్వహించనున్నట్టుగా పేర్కొంది.
ఇస్రో ఛైర్మన్ శివన్ కొద్ది రోజుల క్రితం మాట్లాడుతూ.. గగన్యాన్ ప్రాజెక్టు డిజైన్ ప్రక్రియ పూర్తయిందని, పరీక్షల దశలోకి ప్రవేశించామని తెలిపారు. భారత 75వ స్వాతంత్ర్య దినోత్సవం 2022, ఆగస్టు 15లోపే మానవ రహిత గగన్యాన్ ప్రయోగం చేపడతామన్నారు. గడువులోపే పని పూర్తి చేసేందుకు ప్రతి ఒక్కరు తమ వంతు కృషి చేస్తున్నారని చెప్పారు. ఆ లక్ష్యాన్ని కచ్చితంగా చేరుకుంటామని ధీమా వ్యక్తం చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
