యజమాని కోసం కుక్కల ప్రాణత్యాగం
యజమాని కుటుంబాన్ని కాపాడే క్రమంలో నాలుగు కుక్కలు ప్రాణత్యాగం చేశాయి. ఈ సంఘటన బిహార్ రాష్ట్రం బాగల్ పూర్ లో చోటుచేసుకుంది.
యజమాని కుటుంబాన్ని కాపాడే క్రమంలో నాలుగు కుక్కలు ప్రాణత్యాగం చేశాయి. ఈ సంఘటన బిహార్ రాష్ట్రం బాగల్ పూర్ లో చోటుచేసుకుంది. పూర్తి వివరాల్లోకి వెళితే... బాగల్ పూర్ కి చెందిన పూనమ్ అనే వైద్యురాలు మూడు సంవత్సరాలుగా నాలుగు కుక్కలను పెంచుకుంటోంది. వాటిని తన ఇంట్లో కుటుంబ సభ్యుల్లాగానే వారు భావించేశారు.
ఆ నాలుగు కుక్కల్లో ఒకటి తల్లి.. మిగితా మూడు దాని పిల్లలు. ప్రతిరోజూ రాత్రి ఇంటి బయటకు కాపలాకాయడం ఈ నాలుగు కుక్కలకు అలవాటు. ఈ క్రమంలోనే రెండు రోజుల క్రితం అవి ఇంటికి కాపలాగా ఉన్న సమయంలో... ఇంట్లోకి ఓ పాము ప్రవేశించాలని చూసింది. దానిని అడ్డుకోవడానికి ఈ నాలుగు కుక్కలు ప్రయత్నించాయి.
ఈ క్రమంలోనే పాము కాటుకి గురయ్యి.. ప్రాణాలు విడిచాయి. కాగా... ఈ ఘటనంతా సమీపంలోని సీసీ టీవీ కెమేరాలో రికార్డు అయ్యింది. దీంతో వీడియో వైరల్ గా మారింది. తాము ఎంతో ప్రేమగా పెంచుకున్న కుక్కలు ప్రాణాలు విడవడంతో డాక్టర్ కుటుంబసభ్యులు విలపించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
