సినిమా డైలాగ్ రీల్ చేసిన మహిళా కానిస్టేబుల్.. వీడియో వైరల్ అవ్వడంతో..!
ఆగ్రాలో తాను పనిచేస్తున్న పోలీస్ స్టేషనులో ప్రియాంక మిశ్రా అనే కానిస్టేబుల్ ఓ హిందీ డైలాగ్కు లిప్ సింక్ చేస్తూ వీడియో చిత్రీకరించారు.
ఆమె ఒక మహిళా కానిస్టేబుల్. సరదా కోసం చేసిన ఓ ప్రయత్నం బెడసి కొట్టడంతో.. ఉన్నతాధికారులతో చివాట్లు తినాల్సి వచ్చింది. ఆమె సినిమా రీల్ చేయడమే దానికి కారణం కావడం గమనార్హం. ఈ సంఘటన ఉత్తరప్రదేశ్ లో చోటుచేసుకోగా.. ఈ ఘటనకు సంబంధించిన పూర్తి వివరాలు ఇలా ఉన్నాయి.
ఆగ్రాలో తాను పనిచేస్తున్న పోలీస్ స్టేషనులో ప్రియాంక మిశ్రా అనే కానిస్టేబుల్ ఓ హిందీ డైలాగ్కు లిప్ సింక్ చేస్తూ వీడియో చిత్రీకరించారు. ‘‘హర్యానా, పంజాబ్ అనవసరంగా చెడ్డపేరు తెచ్చుకున్నాయి.. గానీ ఇక్కడికి రండి. ఇక్కడ ఐదేళ్ల పిల్లలకు కూడా తుపాకులు వాడటం తెలుసు’’ అంటూ వివాదంలో చిక్కుకున్నారు.
ఈ వీడియో సోషల్ మీడియాలో వైరల్ కావడంతో స్పందించిన ఉన్నతాధికారులు ఆమెను మందలించారు. ఆగ్రా పోలీస్ లైన్స్కు అటాచ్ చేశారు. దర్యాప్తు పూర్తయ్యేంత వరకు అక్కడే ఉండాలని ఆదేశించారు. ఈ విషయం గురించి ఆగ్రా ఎస్ఎస్పీ మునిరాజ్ ‘ది ప్రింట్’తో మాట్లాడుతూ... ‘‘ప్రవర్తనా నియమావళిని ఆమె ఉల్లంఘించారు. ఆ వీడియో మా దృష్టికి వచ్చిన వెంటనే చర్యలు తీసుకున్నాం. పోలీస్ లైన్స్కు ఆమెను పంపించాం. ఘటనపై దర్యాప్తు చేపట్టాం. నివేదిక వచ్చిన తర్వాత తదుపరి నిర్ణయం తీసుకుంటాం’’ అని పేర్కొన్నారు.