ఇస్రో చరిత్రలో మరో మైలురాయి: తుదికక్ష్యలోకి ప్రవేశించిన ఆదిత్య ఎల్ -1
ఆదిత్య ఎల్ -1 తుది కక్ష్యలోకి చేరింది. ఇవాళ సాయంత్రం నాలుగు గంటలకు ఆదిత్య ఎల్-1 ను ఇస్రో శాస్త్రవేత్తలు నిర్ధేశిత కక్ష్యలోకి ప్రవేశపెట్టారు.
న్యూఢిల్లీ: ఆదిత్య ఎల్ 1 వ్యోమ నౌక శనివారంనాడు తుది కక్ష్యలోకి ప్రవేశించింది.ఇవాళ సాయంత్రం నాలుగు గంటల సమయంలో శ్రీహరికోట నుండి శాస్త్రవేత్తలు వ్యోమనౌకను తుది కక్ష్యలోకి ప్రవేశ పెట్టారు.
also read:నేడు తుది కక్ష్యలోకి :అందరి చూపు ఆదిత్య ఎల్-1పైనే
2023 సెప్టెంబర్ 2 వ తేదీన ఆదిత్య ఎల్ -1 ను శ్రీహరికోటలోని సతీష్ ధావన్ స్పేస్ సెంటర్ నుండి ప్రయోగించారు. ఈ127 రోజుల పాటు ప్రయాణించిన ఆదిత్య ఎల్-1 ఇవాళ సాయంత్రం నాలుగు గంటలకు తుది కక్ష్యలోకి చేరింది.ఐదేళ్ల పాటు ఆదిత్య ఎల్ -1 సేవలను అందించనుంది. సూర్యుడికి సమీపంలోని లాంగ్రాజ్ పాయింట్ హాలో కక్ష్యలోకి ఇవాళ సాయంత్రం ఆదిత్య ఎల్ -1 శాటిలైట్ ను ఇస్రో శాస్త్రవేత్తలు ప్రవేశపెట్టారు.
ప్రధాని నరేంద్ర మోడీ అభినందనలు
ఆదిత్య ఎల్-1 తుది కక్ష్యలోకి విజయవంతంగా ప్రవేశించడంపై ప్రధాన మంత్రి నరేంద్ర మోడీ శాస్త్రవేత్తలను అభినందించారు. ఆదిత్య ఎల్ -1 విజయవంతంగా తుది కక్ష్యలోకి ప్రవేశించడం మరో ముఖ్యమైన మైలు రాయిని సూచిస్తుందని మోడీ పేర్కొన్నారు.
అత్యంత క్లిష్టమైన అంతరిక్ష యాత్రను సాధించడంలో భారత శాస్త్రవేత్తుల అచంచలమైన అకింతభావాన్ని ప్రదర్శిస్తున్నారన్నారు. మానవాళి మెరుగుదలకు ఈ ప్రయోగాలు పనికొస్తాయని మోడీ అభిప్రాయపడ్డారు . కొత్త శాస్త్రీయ పరిధులను అన్వేషించడానికి భారత్ నిబద్దతను ఈ ప్రయోగాలు రుజువు చేస్తున్నాయని మోడీ చెప్పారు.
ఆదిత్య ఎల్-1 ద్వారా చేయనున్న పరిశోధనలు
సూర్యుని బయటి పొరలు ఎలా వేడేక్కుతున్నాయో అధ్యయనం చేయనున్నారు.సూర్యుని చుట్టూ ఉన్న కణాలు ప్లాస్మా వాటి గతిశీలతను అధ్యయనం చేయడానికి డేటాను సేకరించనున్నారు. సౌర కొరొనా , దాని లూప్ ల ఉష్ణోగ్రత, వేగం, సాంద్రతను కూడ అధ్యయనం చేయనున్నారు. సౌర తుఫానులకు గల కారణాలను కూడ అధ్యయనం చేయనున్నారు శాస్త్రవేత్తలు.సూర్యుడి వివిధ పొరలలో సౌర విస్పోటనం సంఘటనలకు దారితీసే ప్రక్రియలపై కూడ శాస్త్రవేత్తలు పరిశోధనలు చేస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
