DGCA: విమాన పైలెట్ల గురించి డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) సంస్థ విస్తుపోయే వాస్తవాల్ని బయట పెట్టింది. గత నాలుగు నెలల కాలంలో నిర్వహించిన బ్రీత్ ఎనలైజర్ (బీఏ) టెస్టుల్లో విఫలమైన 9 మంది పైలట్లు, 32 మంది క్యాబిన్ సిబ్బందిపై DGCA వేటు వేసింది.
DGCA: విమానం పైలెట్ల గురించి డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) సంస్థ విస్తుపోయే వాస్తవాల్ని బయట పెట్టింది. ఏవియేషన్ రూల్స్ ప్రకారం .. విమానంలో ప్రయాణించే ముందు ఫైలెట్స్ కు బ్రీత్ ఎనలైజర్ (బీఏ) టెస్టు నిర్వహిస్తారు. కానీ, ఈ టెస్టులో సిబ్బంది విఫలం కావడంపై డీజీసీఏ ఆగ్రహం వ్యక్తం చేస్తుంది. గత నాలుగు నెలల్లో బ్రీత్ ఎనలైజర్ పరీక్షలో విఫలమైన 9 మంది పైలట్లు, 32 మంది క్యాబిన్ సిబ్బందిని భారత విమానయాన నియంత్రణ సంస్థ డీజీసీఏ మంగళవారం సస్పెండ్ చేసింది.
వీరంతా జనవరి 1 నుంచి ఏప్రిల్ 30వ తేదీ మధ్య జరిపిన ప్రీ-ఫ్లైట్ బ్రీత్ ఎనలైజర్ టెస్ట్ లో విఫలమైనట్లు డీజీసీఏ తెలిపింది. వీరిలో రెండోసారి పరీక్షలో విఫలమైనందుకు ఇద్దరు పైలట్లు, ఇద్దరు సిబ్బందిని మూడేళ్లపాటు సస్పెండ్ చేసినట్లు DGCA తెలిపింది. BA (బ్రీత్ ఎనలైజర్ టెస్ట్) పరీక్షలో మొదట పాజిటివ్గా తేలినందున మూడు నెలల పాటు సస్పెండ్ చేయనున్నారు.
DGCA ప్రకారం, ఇండిగోలో నలుగురు పైలట్లు, 10 మంది సిబ్బంది వేటు పడింది. GoFirst పైలట్, ఐదుగురు సిబ్బంది, ఒక స్పైస్జెట్ పైలట్, ఆరుగురు సిబ్బంది, ఒక ఎయిర్ ఇండియా ఎక్స్ప్రెస్ పైలట్, AirAsia ఇండియా సిబ్బంది ఉన్నారని తెలిపింది. CWGలోని నలుగురు సభ్యులు ముందుగా విఫలమయ్యారు.
విస్తారాకు చెందిన ఒక పైలట్, ఇద్దరు సిబ్బంది, అలయన్స్ ఎయిర్కు చెందిన ఒక పైలట్, ఎయిర్ ఇండియాకు చెందిన ఐదుగురు సిబ్బంది కూడా విచారణలో విఫలమయ్యారని ఏవియేషన్ రెగ్యులేటర్ తెలిపింది. విమానయాన సంస్థలు కాక్పిట్, క్యాబిన్ క్రూ సభ్యులలో 50 శాతం మందిని రోజూ ప్రీ ఫ్లైట్ ఆల్కహాల్ టెస్ట్లు చేయించుకోవాలని గత నెలలో DGCA ఆదేశాలు జారీ చేసిన విషయం తెలిసిందే
COVID-19 మహమ్మారి వ్యాప్తి చెందడానికి ముందు, విమానానికి ముందు ఆల్కహాల్ వినియోగాన్ని గుర్తించడానికి సిబ్బంది అందరూ ఈ పరీక్ష చేయించుకోవాలి. అయితే, మహమ్మారి దాడి చేయడంతో, విచారణ కొన్ని నెలల పాటు వాయిదా పడింది. తాజాగా నిర్వహించిన ఈ టెస్ట్ల్లో విమానయాన సిబ్బంది బాగోతం బట్టబయలైంది.
