మహిళలు, యువతులతో పాటు చిన్నారులపైనా దారుణాలు ఆగడం లేదు. తాజాగా ఒడిశాలో 7వ తరగతి విద్యార్ధినిపై 60 ఏళ్ల వృద్ధుడు లైంగిక దాడికి పాల్పడి గర్భవతిని చేశాడు. వివరాల్లోకి వెళితే.. కోరాపుట్ జిల్లాలో ఓ పాఠశాలకు నిందితుడి భార్య ప్రధానోపాధ్యాయురాలుగా పనిచేస్తూ స్టాఫ్ భవనంలో నివసిస్తున్నారు.

Also Read:దిశ నిందితుల ఎన్‌కౌంటర్: బుల్లెట్ గాయాలివే, పోస్టుమార్టం రిపోర్ట్ ఇదీ...

అయితే 7వ తరగతి చదువుతున్న విద్యార్ధినిని ఆ వృద్ధుడు ఇంటికి పిలిపించుకుని ఆ బాలికపై పలుమార్లు లైంగిక దాడికి పాల్పడ్డాడు. దీంతో ఆ బాలిక గర్భం దాల్చింది. ఈ విషయం ఆమె ఇంట్లో తెలియడంతో చిన్నారి తల్లిదండ్రులు పోలీసులకు ఫిర్యాదు చేశారు.

Also read:దిశ నిందితుల ఎన్‌కౌంటర్: దేశం చూపు తెలంగాణ వైపు, ఆర్టీసీ కార్మికులకు వరాలు

రంగంలోకి దిగిన పోలీసులు ఆ బాలికకు వైద్య పరీక్షలు నిర్వహించగా, 3 నెలల గర్భిణీగా తేలింది. దీంతో నిందితుడైన వృద్ధుడిని అరెస్ట్ చేసిన పోలీసులు అతనిపై పోక్సో చట్టం, ఎస్సీ, ఎస్టీ అట్రాసిటీ చట్టం కింద కేసులు నమోదు చేశారు. ఆ చిన్నారిని ప్రస్తుతం బాలల సంరక్షణ కేంద్రానికి తరలించారు.