బతుకమ్మ స్పెషల్ వంటకం.. నువ్వుల సద్ది తయారీ విధానం
సద్దుల బతుకమ్మ నాడు గౌరీ దేవికి నైవేధ్యంగా నువ్వుల సద్దిని పెడతారు. నువ్వుల పొడి, మసాలా దినుసులతో చేసే ఈ నువ్వుల సద్ది ఎంతో టేస్టీగా ఉంటుంది. మరి దీన్ని ఎలా తయారుచేసుకోవాలో తెలుసుకుందాం పదండి.
తెలంగాణ రాష్ట్ర పండుగ అయిన బతుకమ్మను ప్రతి ఏడాది అంగ రంగ వైభవంగా జరుపుకుంటారు. ఈ పండుగను అశ్వయుజ మాస శుద్ధ పాడ్యమి నుంచి సెలబ్రేట్ చేసుకుంటారు. తొమ్మిది రోజుల పాటు జరిగే ఈ పండుగ ఆడపడుచులకు ఎంతో ప్రత్యేకమైంది. బతుకమ్మ వేడుకల చివరి రోజను సద్దుల బతుకమ్మ అని పిలుస్తారు. ఈ రోజున గౌరీ దేవికి ఐదు లేదా తొమ్మిది రకాల సద్దులను సమర్పించి వచ్చే ఏడాది త్వరగా రావాలని దేవిని ప్రార్థిస్తారు.
నువ్వుల సద్ది బతుకమ్మ కోసం తయారుచేసే సంప్రదాయ, సాధారణ వంటకం. దీన్ని ఎలా తయారుచేసుకోవాలో తెలుసుకుందాం పదండి.
కావాల్సిన పదార్థాలు:
4 కప్పుుల వండిన అన్నం
½ కప్పు నువ్వులు
½ టీస్పూన్ మెంతి గింజలు
2 టేబుల్ స్పూన్ల ధనియాలు
5 ఎండు మిరపకాయలు
3 టేబుల్ స్పూన్ల వంటనూనె
1 టీస్పూన్ ఆవాలు
1 టీస్పూన్ జీలకర్ర
3 టేబుల్ స్పూన్ల శెనగలు
4 మొత్తం ఎండు మిరపకాయలు
1 కొమ్మ కరివేపాకు ఆకులు
½ టీస్పూన్ పసుపు పొడి
నువ్వుల మసాలా మిశ్రమం తయారీ విధానం:
నువ్వులు, మెంతి గింజలు, ధనియాలను వేయించి పక్కన పెట్టుకోవాలి. ఇప్పుడు ఒక పాన్ స్టవ్ పై పెట్టుకుని .. అందులో ఒక టీస్పూన్ నూనె పోసి అందులో ఎండు మిరపకాయను చిన్న ముక్కలుగా చేసి వేయించి పక్కన పెట్టుకోండి. చల్లారిన తర్వాత వీటన్నింటినీ గ్రైండ్ లో వేసి పొడి చేసుకోండి.
ఆ తర్వాత స్టవ్ పై పాన్ పెట్టి.. వేడెక్కిన తర్వాత నూనె పోసి.. జీలకర్ర, ఆవాలు, శెనగలు, ఎండుమిర్చి, కరివేపాకు, పసుపు, వేసి నిమిషం లేదా రెండు నిమిషాల పాటు వేయించి పక్కన పెట్టుకోండి. ఇప్పుడు వెడల్పాటి ప్లేట్ తీసుకుని వండిన అన్నాన్ని గది ఉష్ణోగ్రత వచ్చేంత వరకు ఉంచి.. అందులో నువ్వుల గింజల మసాలా మిశ్రమం, ఉప్పు వేసి బాగా కలపండి. అంతే.. రుచికరమైన నువ్వుల సద్దీ తయారైనట్టే. దీన్ని పెరుగు లేదా ఫ్రై లతో సర్వ్ చేసేయండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
