చరిత్రను కళ్లకు కట్టినట్టు చూపించే .. ఇండియాలో ఉన్న 5 ఫేమస్ మ్యూజియంలు ఇవే..
ఈ సువిశాల భారతదేశంలో గొప్ప గొప్ప చారిత్రక కట్టడాలకు ప్రసిద్ది. మనం దేశంలో.. ఎన్నో అత్యద్బుతమైన కట్టడాలున్నాయి. ఇవన్నీ మనకు ఎన్నో విషయాలను తెలియజేస్తాయి. అందులో మ్యూజియాలు ఆనాటి పరిస్థితులు, కళాకండాల గురించి తెలియజేస్తాయి. వీలున్నప్పుడల్లా మ్యూజియాలను చూస్తే.. చరిత్ర గురించి ఎన్నో విషయాలను తెలుసుకుంటారు.
ప్రపంచ వ్యాప్తంగా గొప్ప సంస్కృతి, జ్ఞానం, చరిత్రతో నిండిన ఎన్నో మ్యూజియంలు ఉన్నాయి. ఇక మనదేశంలో కూడా సుమారు 1,000 మ్యూజియాలు ఉన్నాయి. ఇందులో అత్యంత ప్రఖ్యాతి పొందిన ఐదు మ్యూజియంల గురించి ఇప్పుడు తెలుసుకుందాం..
1) నేషనల్ మ్యూజియం - ఢిల్లీ
ఇది న్యూ ఢిల్లీలోని జన్ పథ్ లో ఉంది. 1949 లో స్థాపించబడిన భారతదేశంలోని అతిపెద్ద మ్యూజియంలలో ఇది ఒకటి. మొహెంజొదారో, హరప్పా నాగరికతల కాలం నుంచి ఆధునిక కాలం వరకు చరిత్రను దీనిలో చూడొచ్చు. దీనిలో శతాబ్దాలుగా గొప్ప గొప్ప భారతీయ రాజులు ఉపయోగించిన ఆయుధాలు ఉంటాయి. అలాగే మొఘల్ యుగానికి చెందిన సాక్షి కళాఖండాలు, సింధు లోయ నాగరికత, సార్వభౌమ అశోకుడు నిర్మించిన గౌతమ బుద్ధుని అవశేషాలు కూడా దీనిలో చూస్తారు. క్రీ.పూ 3 వ శతాబ్దంలో భారతదేశంలో అత్యధికంగా సందర్శించే మ్యూజియంలలో ఇది ఒకటిగా నిలిచింది.
2) ఇండియన్ మ్యూజియం - కోల్ కతా
ఇది జవహర్ లాల్ నెహ్రూ రోడ్, తల్తాలా, కోల్ కతా.. పశ్చిమ బెంగాల్ లో 1814 లో స్థాపించబడింది. ఇది భారతదేశంలోనే అతిపెద్ద మ్యూజియం. ఇది ప్రపంచంలోని 9 వ పురాతన మ్యూజియంగా గుర్తించబడింది. ఇది భారతదేశంలో మొదటి పురాతన మ్యూజియంగ కూడా. దీనిలో ఆరు విభాగాలు 35 గ్యాలరీలు ఉంటాయి. తప్పక సందర్శించాల్సిన గ్యాలరీలలో కొన్ని - పాలియో-ఆంత్రోపాలజీ గ్యాలరీ, మొఘల్ పెయింటింగ్ గ్యాలరీ, కాయిన్స్ గ్యాలరీ, ముసుగు గ్యాలరీ, మ్యూజికల్ ఇన్ స్ట్రుమెంట్ గ్యాలరీ, మొదలైనవి. పురావస్తు, భూగర్భ శాస్త్రం, కళ, ఆంత్రోపాలజీ, బోటనీ, జువాలజీ వంటి శాస్త్రీయ, సృజనాత్మక కళాకృతిని చూడండి. దీనిలో ఒక ఈజిప్టు మమ్మీ కూడా ఉంది. మీరు కోల్ కతాలో ఉంటే దీన్ని తప్పకుండా చూడండి.
3) సాలార్ జంగ్ మ్యూజియం - హైదరాబాద్
ఇది హైదరాబాదులోని దారుల్షిఫాలో ఉంది. 1951 లో స్థాపించబడిన ఈ మ్యూజియం జాతీయ ప్రాముఖ్యత కలిగిన సంస్థగా భారత పార్లమెంటు గుర్తించింది. ఈ మ్యూజియంలో 1.1 మిలియన్లకు పైగా కళాఖండాలు ఉన్నాయి. ఇవన్నీ మూడో సాలార్ జంగ్ స్వయంగా సేకరించినవి. సాలార్ జంగ్ చైనా, ఈజిప్టు, ఉత్తర అమెరికా, బర్మా, నేపాల్, ఐరోపా, భారతదేశం వంటి అనేక దేశాల నుండి లోహపు కళాఖండాలు, పెయింటింగ్స్, వస్త్రాలు, గడియారాలు, చెక్కడాలను సేకరించాడు. గడియారపు గది, ఖురాన్ సేకరణ, రాజా రవివర్మ పెయింటింగ్స్, టిప్పు సుల్తాన్ వార్డ్ రోబ్, ఔరంగజేబు కత్తులు, మొఘల్ యుగానికి చెందిన పురాతన వస్తువులు వస్తువులు ఉంటాయి.
4) కాలికో మ్యూజియం ఆఫ్ టెక్స్ టైల్స్ -అహ్మదాబాద్
గుజరాత్ లోని అహ్మదాబాద్ లోని షాహిబాగ్ లో ఉన్న కాలికో మ్యూజియం ఆఫ్ టెక్స్ టైల్స్ ను 1949లో గిరా సారాభాయ్, ఆమె సోదరుడు గౌతమ్ సారాభాయ్ చే స్థాపించబడింది. ఇది ప్రపంచంలోని అత్యుత్తమ టెక్స్ టైల్ మ్యూజియంలలో ఒకటిగా పరిగణించబడుతుంది. ఇది పురాతన ప్రజల అసాధారణ ప్రతిభను వివరిస్తుంది. చరిత్ర పూర్వ ఫ్యాబ్రిక్ పెయింటింగ్స్ నుంచి బట్టల వరకు వారి నైపుణ్యాలను కళ్లకు కట్టినట్టు చూడొచ్చు. మొఘల్ యుగంలో భారతదేశంలో తయారైన పురాతన దుస్తులు, వస్త్రాలు దీనిలో మనం చూడొచ్చు. అలాగే ఇది భారతదేశంలో వస్త్ర పరిశ్రమ పురోగతికి సాక్ష్యంగా నిలుస్తుంది.
5) ఛత్రపతి శివాజీ మహారాజ్ వాస్తు సంగ్రహాలయ -ముంబై
మహారాష్ట్రలోని ఫోర్ట్ లో ఉన్న దీనిని 1922లో జార్జ్ విట్టే రూపొందించారు. ఈ మ్యూజియంను హిందూ, ఇస్లామిక్, బ్రిటిష్ శైలిలో నిర్మించారు. ఇది మూడు విభాగాలను కలిగి ఉంటుంది. కళ, పురావస్తు శాస్త్రం, సహజ చరిత్ర విభాగం. ఈ మ్యూజియంలో శిల్పాలు, పాత తుపాకులు, అరుదైన నాణేలు, సింధు లోయ నాగరికత, గుప్త, చాళుక్యుల యుగాల నుంచి పురాతన వస్తువులు ఉన్నాయి. అంతేకాదు దీనిలో పురాతన భారతీయ యుద్ధ ఆయుధాలు కూడా ఉన్నాయి.
ప్రభుత్వ మ్యూజియం, చెన్నై, నేషనల్ రైల్ మ్యూజియం, ఢిల్లీ, శంకర్స్ ఇంటర్నేషనల్ డాల్స్ మ్యూజియం, ఢిల్లీ, నేపియర్ మ్యూజియం, తిరువనంతపురం, హెచ్ఏఎల్ హెరిటేజ్ సెంటర్, ఏరోస్పేస్ మ్యూజియం, బెంగళూరు మొదలైన గొప్ప మ్యూజియాలు భారతదేశంలో ఉన్నాయి. ఇవి చరిత్రను పరిరక్షించడానికి, సమాజాన్ని విద్యావంతులను చేయడానికి దోహదపడుతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
