SSC MTS recruitment:స్టాఫ్ సెలెక్షన్ కమిషన్ నోటిఫికేషన్ 2022 విడుదల.. ఎలా దరఖాస్తు చేయాలో తెలుసుకోండి
ఈ రిక్రూట్మెంట్ కోసం దరఖాస్తు చేసుకునే అభ్యర్థులు రూ.100 అప్లికేషన్ ఫీజు చెల్లించాలి. మహిళలు, ఎస్సీ, ఎస్టీ, దివ్యాంగులు, మాజీ సైనికులకు దరఖాస్తు ఫిజు ఉచితం. ఈ రిక్రూట్మెంట్ కోసం దరఖాస్తు ప్రక్రియ ఆన్‌లైన్‌లో మాత్రమే నిర్వహించబడుతుందని అభ్యర్థులు గమనించాలి.
ప్రభుత్వ ఉద్యోగాల కోసం ప్రిపేర్ అవుతున్న యువతకు సువర్ణావకాశం. స్టాఫ్ సెలక్షన్ కమిషన్ (SSC) MTS రిక్రూట్మెంట్ కోసం దరఖాస్తు ప్రక్రియను ప్రారంభమైంది. ఈ రిక్రూట్మెంట్ కోసం దరఖాస్తు చేసుకోవాలనుకునే అభ్యర్థులందరూ స్టాఫ్ సెలక్షన్ కమిషన్ అధికారిక వెబ్‌సైట్ ssc.nic.inని సందర్శించడం ద్వారా వీలైనంత త్వరగా దరఖాస్తు చేసుకోవాల్సి ఉంటుంది. ఈ రిక్రూట్మెంట్ కోసం దరఖాస్తు ప్రక్రియ ఆన్‌లైన్‌లో మాత్రమే నిర్వహించబడుతుందని అభ్యర్థులు గమనించాలి. ఇతర మార్గాల ద్వారా దరఖాస్తులు అంగీకరించబడవు.
ఏప్రిల్ 30 దరఖాస్తుకు చివరి తేదీ
SSC MTS రిక్రూట్మెంట్ కోసం ఆన్‌లైన్ దరఖాస్తు ప్రక్రియ మొదలైంది. స్టాఫ్ సెలక్షన్ కమిషన్ దరఖాస్తుకు చివరి తేదీని 30 ఏప్రిల్ 2022 నిర్ణయించింది. SSC MTS దేశంలోని ప్రసిద్ధ రిక్రూట్‌మెంట్‌లలో ఒకటి. చివరి క్షణంలో అధికారిక వెబ్‌సైట్‌లో ఓవర్‌లోడింగ్ కారణంగా అభ్యర్థులు దరఖాస్తు చేయడంలో సమస్యను ఎదుర్కోవచ్చు. కాబట్టి మీ దరఖాస్తును చివరి తేదీకి ముందే సబ్మిట్ చేయండి.
రిక్రూట్‌మెంట్‌కు సంబంధించిన ముఖ్యమైన తేదీలు
దరఖాస్తు ప్రక్రియ ప్రారంభ తేదీ - 22 మార్చి 2022
దరఖాస్తు ప్రక్రియ ముగింపు తేదీ - 30 ఏప్రిల్ 2022
దరఖాస్తు ఫారమ్‌లో దిద్దుబాటు తేదీ - 9 మే 2022
పరీక్ష తేదీ- జూలై, 2022
విద్యా అర్హత అండ్ వయో పరిమితి
ఈ రిక్రూట్మెంట్ కోసం దరఖాస్తు చేసుకునే అభ్యర్థులు గుర్తింపు పొందిన బోర్డు నుండి 10వ తరగతి ఉత్తీర్ణత పొంది ఉండాలి. అభ్యర్థుల వయస్సు పరిమితి 18 నుండి 25 సంవత్సరాల మధ్య ఉండాలి. నిబంధనల ప్రకారం రిజర్వ్‌డ్ కేటగిరీ అభ్యర్థులకు గరిష్ట వయోపరిమితిలో సడలింపు ఇవ్వబడుతుంది. మరిన్ని వివరాల కోసం అభ్యర్థులు కమిషన్ అధికారిక వెబ్‌సైట్‌లో అందుబాటులో ఉన్న నోటిఫికేషన్‌ను చెక్ చేయవచ్చు.
అప్లికేషన్ ఫీజు
ఈ రిక్రూట్మెంట్ కోసం దరఖాస్తు చేసుకునే అభ్యర్థులు రూ. 100 అప్లికేషన్ ఫీజును డిపాజిట్ చేయాలి. మహిళలు, ఎస్సీ, ఎస్టీ, దివ్యాంగులు, మాజీ సైనికులకు దరఖాస్తు ఫీజు ఉచితం. ఈ రిక్రూట్మెంట్ ద్వారా ఎంపికైన అభ్యర్థులకు CBIC, CBNలలో MTS అండ్ హవల్దార్ పోస్టుల క్రింద వివిధ పోస్టులకు అపాయింట్‌మెంట్ ఇవ్వబడుతుంది.
పరీక్ష నమూనా
SSC MTS 2021 పరీక్ష ఆన్‌లైన్ మోడ్‌లో నిర్వహించబడుతుంది. ఇందులో రీజనింగ్, ఇంగ్లిష్, జనరల్ నాలెడ్జ్, న్యూమరికల్ ఆప్టిట్యూడ్ (numerical aptitude) నుంచి మల్టిపుల్ చాయిస్ ప్రశ్నలు అడుగుతారు. మొత్తం ప్రశ్నపత్రంలో 100 ప్రశ్నలు ఉంటాయి, వీటికి 100 మార్కులు ఉంటాయి. ఈ ప్రశ్నలను 90 నిమిషాల్లో పూర్తి చేయాల్సి ఉంటుంది.
ఎలా దరఖాస్తు చేసుకోవాలి?
క్రింద ఇచ్చిన సులభమైన మార్గదర్శకాలను అనుసరించడం ద్వారా అభ్యర్థులు దరఖాస్తు చేసుకోవచ్చు.
1. అభ్యర్థులు ముందుగా SSC MTS అధికారిక వెబ్‌సైట్, ssc.nic.inని సందర్శించండి.
2. హోమ్‌పేజీలో సంబంధిత రిక్రూట్మెంట్ కోసం దరఖాస్తుపై క్లిక్ చేయండి.
3. ఇప్పుడు అభ్యర్థించిన సమాచారాన్ని ఎంటర్ చేయడం ద్వారా రిజిస్టర్ చేసుకోండి.
4. ఇప్పుడు మీ ID అండ్ పాస్‌వర్డ్ ద్వారా లాగిన్ అవ్వండి.
5. ఇప్పుడు దరఖాస్తు ఫారమ్‌ను నింపి, అవసరమైన డాక్యుమెంట్స్ అప్‌లోడ్ చేయండి.
6. ఇప్పుడు అప్లికేషన్ ఫీజు చెల్లించి సబ్మిట్ పై క్లిక్ చేయండి.
7. తదుపరి అవసరం కోసం దరఖాస్తు ఫారమ్ ప్రింట్ అవుట్ తీసుకోండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
