ప్రపంచంలో రెండో అతి పెద్ద డైమండ్... ఎక్కడ దొరికిందో తెలుసా?
ఈ వజ్రం దొరికిన విషయాన్ని లుకారా డైమండ్ కార్పొరేషన్ ఓ ప్రకటన లో తెలియజేసింది. కరోవే గనిలో ఏర్పాటు చేసిన ఎక్స్ రే డిటెక్షన్ టెక్నాలజీ ఆధారంగా దీనిని గుర్తించారు.
 )
డైమండ్స్.. మీరు ఇప్పటి వరకు ఎన్ని క్యారెట్లవి చూసి ఉంటారు...? కానీ... ఎప్పుడైనా 2,492 క్యారెట్ల విలువచేసే వజ్రాన్ని ఎప్పుడైనా చూశారా..? అంత పెద్ద వజ్రాన్ని తాజాగా కనుగొన్నారు. ఈ వజ్రాన్ని బోట్స్ వానా దేశంలో కనుగొన్నారు. ప్రపంచంలో అధికంగా వజ్రాలను ఉత్పత్తి చేసే దేశాల్లో ఇది ఒకటి. కాగా... ఈ దేశంలోని కరోవే గనిలో 2, 492 క్యారెట్ల డైమండ్ దొరికింది. ఇది ప్రపంచంలోనే రెండో అతి పెద్ద వజ్రం కావడం విశేషం.
ఈ వజ్రం దొరికిన విషయాన్ని లుకారా డైమండ్ కార్పొరేషన్ ఓ ప్రకటన లో తెలియజేసింది. కరోవే గనిలో ఏర్పాటు చేసిన ఎక్స్ రే డిటెక్షన్ టెక్నాలజీ ఆధారంగా దీనిని గుర్తించారు.
గతంలో అంటే 1905లో దక్షిణాఫ్రికాలో ఓ వజ్రాన్ని కనుగొన్నారు. అది 3, 106 క్యారెట్లు కావడం విశేషం. అది మొదటి అతి పెద్ద వజ్రం కాగా.. ఇప్పుడు దొరికింది రెండో అతి పెద్ద డైమండ్. 2019లో ఇదే గనిలో ఓ డైమండ్ దొరికింది. ఈ డైమండ్ 1,758 క్యారెట్లు కాగా... ఈసారి దొరికింది అంతకంటే పెద్దది కావడం విశేషం.
బోట్స్ వానా ప్రపంచంలోని అతిపెద్ద వజ్రాలను ఉత్పత్తి చేసే దేశాల్లో ఒకటి, ఇది ప్రపంచ ఉత్పత్తిలో 20% వాటాను కలిగి ఉంది. ఇప్పటి వరకు వెలికి తీసిన అతి పెద్ద వజ్రం ఇదేనని లుకారా సంస్థ చెప్పడం విశేషం. ఇంత అసాధారణమైన వజ్రం దొరికినందుకు చాలా సంతోషంగా ఉందని లుకారా హెడ్ విలియం లాంబ్ తెలిపారు. అయితే... ఈ వజ్రం ధర, నాణ్యత వివరాలను మాత్రం కంపెనీ ఇప్పటి వరకు ప్రకటించకపోవడం గమనార్హం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
