పెంపుడు కుక్క మీద ప్రేమతో.. ఓ మహిళ ఏం చేసిందంటే...!
పెంపుడు జంతువు ఒక్కసారిగా దూరమైతే తట్టుకోవడం కష్టమే. ఓ మహిళ విషయంలో అదే జరిగింది. ప్రాణం కన్నా ఎక్కువగా పెంచుకున్న పెంపుడు కుక్క చనిపోయింది. దీంతో... దాని గుర్తుగా ఆమె.. తన రెండు చెవుల్లో టాటూ వేయించుకుంది.
 )
Followఇంట్లో పిల్లలను ఎంత ప్రేమిస్తామో... పెంపుడు జంతువులు ఉంటే... వాటిని కూడా అంతే ప్రేమిస్తాం. వాటిని కూడా ఇంట్లో సభ్యుడిగా చేసుకొని... వాటి ఆలనా, పాలనా చూసుకుంటాం. అవి కూడా మనపై అంతే ప్రేమ కురిపిస్తాయి. అయితే... అలాంటి పెంపుడు జంతువు ఒక్కసారిగా దూరమైతే తట్టుకోవడం కష్టమే. ఓ మహిళ విషయంలో అదే జరిగింది. ప్రాణం కన్నా ఎక్కువగా పెంచుకున్న పెంపుడు కుక్క చనిపోయింది. దీంతో... దాని గుర్తుగా ఆమె.. తన రెండు చెవుల్లో టాటూ వేయించుకుంది. ఇప్పుడు దీనికి సంబంధించిన వీడియో.. నెట్టింట వైరల్ కాగా... అది అందరినీ విపరీతంగా ఆకట్టుకుంటోంది.
నెట్టింట వైరల్ అవుతున్న వీడియో ప్రకారం.. ఓ మహిళ తన రెండు చెవుల్లో గీతలతో టాటూ వేయించుకుంది. ఆ రెండు చెవుల్లోనూ టాటూ ఒకేలా లేకపోవడం గమనార్హం. ఇదే విషయాన్ని ఆమెను ప్రశ్నించగా.. తన కుక్క గుర్తుగా ఈ టాటూ వేయించుకున్నానని చెప్పింది. రెండు వైపులా టాటూ ఒకేలా ఎందుకు లేదు అంటే.. తన కుక్క రెండు చెవులు ఒకేలా ఉండవని.. అందుకే.. తాను అలా టాటూ వేయించుకున్నానని ఆమె చెప్పడం విశేషం. ఆ వీడియోలో ఆమె కుక్కని, గతంలో.. ఆమె దానితో గడిపిన క్షణాలను కూడా పంచుకోవడం విశేషం. ఈ టాటూతో తన కుక్కకు నివాళులర్పిస్తున్నట్లు ఆమె చెప్పారు.
మూగజీవిపై ఆమె చూపించిన ప్రేమకు నెటిజన్లు ఫిదా అయ్యారు. తన కుక్క ప్రస్తుతం తనతో లేకపోయినప్పటికీ.. ఈ టాటూ రూపంలో తనతో ఉంటుందని ఆమె చెప్పడం విశేషం. ఆ వీడియో చూసి చాలా మంది ఎమోషనల్ అయ్యారు. ఆవిషయాన్ని ట్విట్టర్ వేదికగా పంచుకోవడం గమనార్హం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
