అమెరికాలో కాల్పుల కలకలం: హంతకుడు మిస్సింగ్, ప్రజలు జాగ్రత్తగా ఉండాలని సూచన
అమెరికాలో చాలా రోజుల తర్వాత కాల్పుల కలకలం రేపాయి. మిన్నెయాపోలిస్ నగరంలో ఓ గుర్తు తెలియని వ్యక్తి అక్కడి పౌరులపై కాల్పులకు తెగబడ్డాడు. ఈ దుర్ఘటనలో ఓ వ్యక్తి మరణించగా, 11 మందికి గాయాలయ్యాయి
అమెరికాలో చాలా రోజుల తర్వాత కాల్పుల కలకలం రేపాయి. మిన్నెయాపోలిస్ నగరంలో ఓ గుర్తు తెలియని వ్యక్తి అక్కడి పౌరులపై కాల్పులకు తెగబడ్డాడు. ఈ దుర్ఘటనలో ఓ వ్యక్తి మరణించగా, 11 మందికి గాయాలయ్యాయి.
శనివారం అర్ధరాత్రి 12.30 గంటలకు జరిగిన ఈ ఘటనలో 11 మంది గాయపడగా, ఒకరు మరణించినట్లుగా అధికారులు ధ్రువీకరించారు. నిందితుడి ఆచూకీ తెలియరాలేదని, ఆ ప్రాంత ప్రజలెవ్వరూ బయట తిరగొద్దని పోలీసులు సూచించారు.
ఈ ఘటనను ఓ వ్యక్తి ఫేస్‌బుక్‌లో లైవ్ వీడియో పెట్టగా అందులో ప్రజల హాహాకారాలు వినిపిస్తున్నాయి. సమాచారం అందుకున్న పోలీసులు ఆ ప్రాంతానికి చేరుకుని క్షతగాత్రులను ఆసుపత్రికి తరలించారు. ఇందుకు సంబంధించిన మరిన్ని వివరాలు తెలియాల్సి వుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
