అక్రమ వలసలకు సహకరిస్తున్న భారత ట్రావెల్ ఏజెన్సీల యజమానులు, అధికారులపై అమెరికా వీసా ఆంక్షలు విధించింది.
"అక్రమ వలసలకు సహకరిస్తున్న భారత ట్రావెల్ ఏజెన్సీల యజమానులు, అధికారులపై వీసా ఆంక్షలు విధిస్తున్నామని అని అమెరికా విదేశాంగ శాఖ ఒక ప్రకటనలో తెలిపింది."అక్రమ వలసలకు పాల్పడే వారిని గుర్తించడానికి, వారిపై చర్యలు తీసుకోవడానికి మా రాయబార కార్యాలయం, కాన్సులేట్లలోని కాన్సులర్ అఫైర్స్, డిప్లమాటిక్ సెక్యూరిటీ సర్వీస్ ప్రతిరోజూ పనిచేస్తున్నాయి" అని ప్రకటనలో పేర్కొంది.అక్రమ వలసలను అరికట్టడానికి ట్రావెల్ ఏజెన్సీల యజమానులు, అధికారులపై వీసా ఆంక్షలు విధించడం కొనసాగిస్తామని ప్రకటనలో అధికారులు పేర్కొన్నారు.
ఇరవై వేల మంది అక్రమ వలసదారులను..
అమెరికా వలస విధానం విదేశీయులకు అక్రమ వలసల ప్రమాదాల గురించి తెలియజేయడం, అమెరికా చట్టాలను ఉల్లంఘించిన వారిని జవాబుదారీగా చేయడంపై దృష్టి సారిస్తుందని ప్రకటన నొక్కి చెప్పింది.డొనాల్డ్ ట్రంప్ అధ్యక్షుడిగా ఉన్న మొదటి నెలలో 20,000 మందికి పైగా అక్రమ వలసదారులను అరెస్టు చేసినట్లు అధికారులు తెలిపారు.
అక్రమ వలసలను..
ట్రంప్ పరిపాలన తన పదవీకాలం ప్రారంభంలోనే వలసలపై కఠిన చర్యలు ప్రారంభించింది, అరెస్టుల సంఖ్యను వెల్లడించింది.గత నెలలో, అమెరికా సరిహద్దు చీఫ్ టామ్ హోమన్, మాజీ అధ్యక్షుడు జో బైడెన్ అమెరికా-మెక్సికో సరిహద్దును ఉద్దేశపూర్వకంగా అసురక్షితంగా మార్చారని విమర్శించారు.ట్రంప్ విధానాలు అక్రమ వలసలను 96% తగ్గించాయని, లెక్కలేనంత మంది మహిళలను లైంగిక వేధింపుల నుండి, లైంగిక అక్రమ రవాణా నుండి కాపాడాయని హోమన్ అధ్యయనాలను వెల్లడించారు.
