ఇంట్లో నిధి... తవ్వి చూస్తే 264బంగారు నాణేలు...!
ఇటీవల ఆ ఇంటిని రీ మోడలింగ్ చేయడం మొదలుపెట్టారు. ఈ క్రమంలో... వారికి ఊహించని విధంగా నిధి కనపడింది. వాళ్లు ఉంటున్న ఇంట్లోని కిచెన్ గదిలో తవ్వుతుండగా ఈ నాణేలు బయటపడటం గమనార్హం.
ఇల్లు రీమోడలింగ్ చేపిస్తుంటే.. అనూహ్యంగా మీ ఇంట్లో బంగారు నిధి ఒకటి బయటపడితే మీ రియాక్షన్ ఎలా ఉంటుంది..? ఓ దంపతుల విషయంలో అదే జరిగింది. యూకేకి చెందిన ఓ జంట ఇల్లు రీ మోడలింగ్ చేపిస్తుంటే.. వారి ఇంట్లోకిచెన్ గదిలో 264 బంగారు నాణేలు బయటపడ్డాయి. వాటి విలువ దాదాపు రూ.2.3 కోట్లు కావడం గమనార్హం.
పూర్తి వివరాల్లోకి వెళితే.... యూకేకి చెందిన ఓ జంట పదేళ్ల క్రితం ఓ ఇంటిని కొనుగోలు చేశారు. ఇటీవల ఆ ఇంటిని రీ మోడలింగ్ చేయడం మొదలుపెట్టారు. ఈ క్రమంలో... వారికి ఊహించని విధంగా నిధి కనపడింది. వాళ్లు ఉంటున్న ఇంట్లోని కిచెన్ గదిలో తవ్వుతుండగా ఈ నాణేలు బయటపడటం గమనార్హం. ఈ నాణేలు 400ఏళ్ల క్రితం నాటివిగా భావిస్తున్నారు. నార్త్ యార్క్ షైర్ కు చెందిన ఈ జంట... ఈ నాణేలను త్వరలోనే విక్రయించాలని అనుకుంటన్నారట. భారత కరెన్సీలో వీటి విలువ రూ.2.3 కోట్లు గా తేలింది. దీంతో... ఈ జంట ఇప్పుడు ఆనందంలో తేలిపోతోంది.
తాము ఇదే ఇంట్లో గత పదేళ్లుగా ఉంటున్నామని... ఇలా అదృష్టం కలిసొస్తుందని తాము అనుకోలేదని వారు చెప్పారు. అయితే.. సదరు దంపతులు తమ పేర్లు బయటకు చెప్పడానికి నిరాకరించడం గమనార్హం. ఇల్లు పాతగా మారిందని... ఆధునీకరిద్దామని ఆ పనులు చేస్తుండగా.. లక్ష్మీదేవి కాటక్షం లభించిందని వారు చెప్పారు.
కిచెన్ లో తవ్వుతున్న సమయంలో గట్టిగా తగలడంతో ఏదైనా విద్యుత్ వైర్ల పైపు అయ్యుంటుందని ఆ దంపతులు భావించారు. మరికాస్త తవ్వగా, ఓ లోహపు క్యాన్ కనిపించింది. దాంట్లో బంగారు నాణేలు ఉండడంతో ఆ జంట ఆనందానికి హద్దుల్లేకుండా పోయింది. ఆ నాణేలపై 1610-1727 నాటి ముద్రలు ఉన్నాయి. ఇవి ఒకటో జేమ్స్, ఒకటో చార్లెస్ రాజుల కాలం నాటివని అంచనా వేశారు. ఎవరైనా వ్యాపారి కుటుంబం గతంలో ఇక్కడ నివసించి ఉండవచ్చని అక్కడి మీడియా పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
