పాక్‌ ఎన్నికల్లో అపశృతి. క్వెట్టాలో భారీ పేలుడు.. 30 మంది మృతి
పాకిస్తాన్‌లో సార్వత్రిక ఎన్నికల పోలింగ్ వేళ విషాదం చోటు చేసుకుంది.. క్వెట్టాలో భారీ పేలుడు సంభవించింది. ఓ పోలింగ్ కేంద్రం సమీపంలో ఈ పేలుడు చోటు చేసుకుంది.
పాకిస్తాన్‌లో సార్వత్రిక ఎన్నికల పోలింగ్ వేళ విషాదం చోటు చేసుకుంది.. క్వెట్టాలో భారీ పేలుడు సంభవించింది. ఓ పోలింగ్ కేంద్రం సమీపంలో ఈ పేలుడు చోటు చేసుకుంది.. పోలింగ్ కేంద్రాన్ని లక్ష్యంగా చేసుకుని ఓ ఉగ్రవాది ఆత్మహుతి దాడికి పాల్పడేందుకు అక్కడికి వచ్చాడు. అయితే అతన్ని పోలీసులు అడ్డుకుని ప్రశ్నిస్తుండగా.. ముష్కరుడు తనను తాను పేల్చేసుకున్నాడు...
దీంతో పెద్దశబ్ధంతో అక్కడ పేలుడు సంభవించింది. క్షణాల్లో ఆ ప్రాంతమంతా మృతదేహాలతో.. తెగిపడిన శరీర భాగాలతో నిండిపోయింది. ఈ ఘటనలో 30 మందికి పైగా మరణించగా.. 40 మందికి పైగా గాయపడ్డారు. చనిపోయిన వారిలో ముగ్గురు పోలీసులు, ఇద్దరు చిన్నారులు కూడా ఉన్నారు. ఈ ఘటనతో పోలింగ్ కేంద్రంలో ఉన్న ఓటర్లు భయాందోళనలకు గురై పరుగులు పెట్టారు..
రంగంలోకి దిగిన పోలీసులు క్షతగాత్రులను దగ్గర్లోని ఆసుపత్రికి తరలించారు.. డాగ్ స్వ్కాడ్ బృందాలు ఆ ప్రాంతాన్ని జల్లెడ పట్టి... పేలని బాంబులను స్వాధీనం చేసుకున్నాయి. పేలుడు దృష్ట్యా సార్వత్రిక ఎన్నికల జరిగే పోలింగ్ కేంద్రాల వద్ద భద్రతను కట్టుదిట్టం చేశారు. సమస్యాత్మక ప్రాంతాల్లో భారీగా సైన్యాన్ని మోహరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
