ఒక అమెరికన్ కంపెనీ బొద్దింకల విషయంలో చాలా విచిత్రమైన ఆఫర్ అందిస్తోంది. ఆఫర్ గురించి తెలిస్తే ప్రజలు షాక్ తింటారు. బొద్దింకలు పెంచే కుటుంబానికి ఓ కంపెనీ లక్షన్నర రూపాయల ఆఫర్ చేస్తోంది.
అమెరికా : ప్రపంచంలో ప్రకృతి ప్రేమికులు, జంతు ప్రేమికులు లక్షలాది మంది ఉన్నారు. జంతువులను పక్షులను మాత్రమే కాదు… అడవిలోని క్రూర జంతువులను సైతం ప్రేమించి... వాటిని రక్షించే వారు అనేక మంది ఉన్నారు. ఇక కుక్కలు, పిల్లులను సొంత కుటుంబ సభ్యులుగా భావించి వాటిని పెంచుకోవడానికి ఎక్కువ మంది ఆసక్తి చూపిస్తారు. వీటికి మనిషికి గొప్ప అనుబంధం ఉంటుంది. వీటిని మాత్రమే కాదు ఆవులు, మేకలు, కుందేళ్లు, గుర్రాలు, ఏనుగులు వంటి జంతువులను కూడా పెంచుకుంటారు. అయితే ఎవరైనా బొద్దింకలను కూడా ఇంట్లో పెంచుకోవడం మొదలుపెడతారా? అలా ఎప్పుడైనా చూశారా?
బొద్దింకలు ఇంట్లో కనిపిస్తే చాలు వాటిని చంపేవరకు నిద్రపోరు ఇంటి సభ్యులు. ఎందుకంటే అవి వంటగదిలో ఆహారపదార్థాలను నాశనం చేస్తాయి. వ్యాధులను వ్యాపింప చేస్తాయి. అందుకే ఇంట్లో బొద్దింకలు కనిపిస్తే చాలు వెంటనే మార్కెట్లోకి పెస్టిసైడ్స్ కోసం పరిగెడతారు. అయితే ఒక అమెరికన్ కంపెనీ మాత్రం బొద్దింకల విషయంలో చాలా విచిత్రమైన ఆఫర్ అందిస్తోంది. ఆఫర్ గురించి తెలిస్తే ప్రజలు షాక్ తింటారు. 100 బొద్దింకలను పెంచే కుటుంబానికి ఓ కంపెనీ లక్షల రూపాయలను ఆఫర్ చేస్తోంది. ఇది చాలా విచిత్రంగా అనిపిస్తుంది కదా.. బొద్దింకలను పెంచడానికి అంత డబ్బు ఎందుకు ఇస్తుంది అని ఆలోచిస్తున్నారా? దీని వల్ల ఉపయోగం ఏమిటి? ఆ కంపెనీ ఎందుకు ఇలా బొద్దింకలు పెంచమని కోరుతుందో ఇప్పుడు తెలుసుకోవాలని ఉందా… నిజమే కదా.. ఎవరైనా.. ఎలాంటి కారణం లేకుండా లేకుండా లక్ష రూపాయలు ఖర్చు చేయరు. అది కూడా పనికిరాని జీవి అయిన బొద్దింకలను పెంచడం కోసం…
సేఫ్టీ సైక్లింగ్కు సహకరించాలంటూ.. నగ్నంగా సైకిల్ తొక్కి , 17 కిలోమీటర్ల పాటు వందల మంది మారథాన్
బొద్దింకలు ఎందుకు అంటే..
డైలీ స్టార్ పత్రిక నివేదిక ప్రకారం.. నార్త్ కరోలినా లోని ఒక పెస్ట్ కంట్రోల్ కంపెనీ తన కొత్త ఔషధాన్ని పరిశోధిస్తుంది. ఈ పరిశోధనకు బొద్దింకలు చాలా అవసరం. పురుగులను నిర్మూలించడంలో ఇది ఎంత ప్రభావవంతంగా పనిచేస్తుందో తెలుసుకోవడానికి కంపెనీ ఆ బొద్దింకలపై మందును పరీక్షిస్తుంది. ఇందుకోసం కంపెనీ బొద్దింకలను పెంచుకునే ఇళ్లను వెతుకుతోంది. కంపెనీ ఆ ఇళ్లలో కనీసం 100 బొద్దింకలను విడుదల చేస్తుంది. ఆ బొద్దింకల కదలికలను కెమెరాల ద్వారా నిరంతరం పర్యవేక్షిస్తుంది. ప్రతిఫలంగా కంపెనీ రెండు వేల డాలర్లు అంటే దాదాపు లక్షా యాభై వేల రూపాయలను ఇంటి యజమాని ఇస్తుంది.
ఈ పరిశోధన దాదాపు నెల రోజుల పాటు కొనసాగనుంది. నెల రోజుల తర్వాత ఇంట్లో బొద్దింకలు లేకుండా నిర్మూలించబడితే ఓకే.. లేదంటే రీసర్చ్ పూర్తయ్యాక కంపెనీయే ట్రీట్మెంట్ ద్వారా మిగిలిపోయిన బొద్దింకలు తొలగించి మళ్లీ బొద్దింకలు లేకుండా చేస్తుంది. అయితే ఈ రీసెర్చ్ లో బొద్దింకలను పెంచే ఇళ్లన్నీ అమెరికాలోనే ఉండాలని కంపెనీ షరతు విధించింది.