Russia Ukraine Crisis: ఉక్రెయిన్ పై రష్యా చేస్తున్న ముప్పేట దాడిని NATO తీవ్రంగా వ్యతిరేకించింది. ఈ ఉద్రిక్తత మధ్య నాటో దేశాల రాయబారులు అత్యవసర సమావేశాన్ని నిర్వహించింది. అంతర్జాతీయ చట్టాల ఉల్లంఘించడమే కాకుండా యూరో-అట్లాంటిక్ భద్రతను భంగపరిచిందని రష్యాపై నాటో ఆగ్రహం వ్యక్తం చేసింది.
Russia Ukraine Crisis: రష్యా- ఉక్రెయిన్ దేశాల మధ్య యుద్ధం జరుగుతోంది. ఉక్రెయిన్పై రష్యా ముప్పేట దాడికి దిగింది. ఉక్రెయిన్లోని ప్రధాన నగరాలను టార్గెట్ చేసుకుని.. రష్యా దాడి చేస్తుంది. ఇప్పటికే ఉక్రెయిన్ కేపిటల్ కీవ్తోపాటు 20కి పైగా నగరాలపై బాంబుల దాడి చేస్తునట్టు తెలుస్తుంది. రష్యా దాడితో ఉక్రెయిన్ విలవిలలాడుతోంది. అయితే.. ఏ మాత్రం తగ్గేదేలే అన్నట్టు ఉక్రెయిన్ ప్రతి దాడికి దిగింది. రష్యా బాంబు దాడులకు భయపడి తలవంచేది లేదని. రష్యా సైనిక చర్యకు వ్యతిరేకంగా పోరాడతానని ఉక్రెయిన్ అధ్యక్షుడు వోలోడిమిర్ జెలెన్స్కీ ప్రతిజ్ఞ చేశారు.
ఈ ఉద్రిక్తత పరిస్థితుల నడుమ NATO అత్యవసరంగా సమావేశాన్ని నిర్వహించింది. రష్యా .. ఉక్రెయిన్లో ''మిలిటరీ ఆపరేషన్'' ప్రకటించిన తరువాత, ఇరు దేశాల పొరుగున ఉన్న మిత్రదేశాలలో దాని రక్షణను బలోపేతం చేయడానికి నాటో దేశాల రాయబారులు అత్యవసర సమావేశాన్ని నిర్వహించారు.
ఉక్రెయిన్పై రష్యా చేస్తున్న దాడిని తీవ్రంగా ఖండించారు NATO సెక్రటరీ-జనరల్ జెన్స్ స్టోల్టెన్బర్గ్. ఈ దాడిని "తీవ్రమైన ఉల్లంఘన అని పేర్కొన్నారు. అంతర్జాతీయ చట్టాలను ఉల్లంఘించడమే కాకుండా.. యూరో-అట్లాంటిక్ భద్రతకు భంగం కలిగించడమేని ఆగ్రహం వ్యక్తం చేశారు. రష్యా దూకుడు చర్యలకు ఆపాలని హెచ్చరించింది. ఈ యుద్దం తరువాత పర్యవసానాలకు రష్యానే బాధ్యత వహించాలని అన్నారు.
NATO అనేది 30 దేశాల కూటమి అనీ, ఈ కూటమీ ఉక్రెయిన్కు ఆయుధాలు, మందుగుండు సామగ్రిని సరఫరా చేయడం లేదనీ, అయితే, కొన్ని సభ్య దేశాలు ఉన్నాయి. ఉక్రెయిన్కు మద్దతుగా నాటో ఎటువంటి సైనిక చర్యను ప్రారంభించిదని నివేదించింది. ఈ భయంకరమైన సమయంలో ఉక్రెయిన్ ప్రజలతో నిలబడతామనీ, మిత్రదేశాలన్నీ రక్షించడానికి, నాటో చేయాల్సిందల్లా చేస్తుందని స్టోల్టెన్బర్గ్ అన్నారు. ఉక్రెయిన్పై రష్యా దాడిని అనాగరిక చర్య గా పరిగణించారు. ఈ దాడితో యూరోపియన్ ఆర్థిక మార్కెట్లకు దాని బ్యాంకుల ప్రాప్యతను నిలిపివేస్తారని తెలిపారు. మరో సారి ఈ రోజు సాయంత్రం ప్రారంభమయ్యే అత్యవసర శిఖరాగ్ర సమావేశంలో ఉక్రెయిన్కు EU అభ్యర్థి హోదాను అందించడం గురించి కూడా చర్చిస్తారని లిథువేనియా అధ్యక్షుడు గిటానాస్ నౌసెడా తెలిపారు. అభ్యర్థిత్వం కోసం చాలా రోజులుగా వేచిచూస్తున్నప్పటికీ.. నాయకులందరూ నుండి ఆమోదం పొందకపోవచ్చునని అన్నారు.
ఉక్రెయిన్ అధ్యక్షుడి సంచలన ప్రకటన
ఉక్రెయిన్ అధ్యక్షుడు వోలోడిమిర్ జెలెన్స్కీ రష్యాతో దౌత్య సంబంధాలను తెంచుకున్నాము. ఉక్రేనియన్ ను నాశనం చేయాలని పుతిన్ కోరుకుంటున్నారని, రష్యాపై సాధ్యమయ్యే అన్ని ఆంక్షలు విధించాలని జెలెన్స్కీ ప్రపంచ నాయకులకు విజ్ఞప్తి చేశారు.
"మేము మా స్వేచ్ఛ కోసం పోరాడుతున్నాము, మా దేశాన్ని రక్షించడానికి, మా చేతుల్లోని ఆయుధాలతో మన దేశాన్ని రక్షించడానికి మేము సిద్ధంగా ఉన్నాము. మేము పోరాడుతాం.. అని Zelenskiy అన్నారు, రష్యా దాడిలో ఇప్పటివరకూ 40 మందికి పైగా ఉక్రేనియన్ సైనికులు మరణించారని, మరియు వందలాది మంది సైనికులు గాయపడ్డారని ఉక్రేయిన్ పేర్కోంది.
ఈ సంక్షోభానికి నాటో కూడా కారణమా?
రష్యా, ఉక్రెయిన్ మధ్య సంక్షోభం వెనుక నార్త్ అట్లాంటిక్ ట్రీటి ఆర్గనైజేషన్(నాటో) కూడా ఓ కారణం..
నాటో 1949లో ఏర్పడింది. ఈ కూటమిలో చేరాలని ఉక్రెయిన్ చాలా కాలంగా ప్రయత్నిస్తుంది. కానీ, రష్యా తిరస్కరిస్తున్నది. ఒక వేళ ఉక్రెయిన్ కూడా నాటో కూటమిలో చేరితే.. నాటో దేశాల బలగాలు రష్యా సరిహద్దులోకి వస్తాయని రష్యా భావన.
రెండో ప్రపంచ యుద్ధం 1939 నుంచి 1945 మధ్య కాలంలో జరిగింది. ఈ తరుణంలో నాజీల పాలకుల నుంచి పలు దేశాలను రక్షించడంలో, హిట్లర్కు చరమ గీతం పాడటంలో రష్యా కీలకంగా వ్యవహరించింది. అయితే, రెండో ప్రపంచ యుద్ధం తరువాత.. సోవియట్ యూనియన్ తూర్పు ఐరోపా దేశాల్లో విస్తరించిన తమ సైన్యాన్ని వెనక్కి తీసుకోవడానికి నిరాకరించింది. దీంతో 1948లో బెర్లిన్ను రష్యా సైన్యం చుట్టుముట్టింది. మరోవైపు .. సోవియట్ యూనియన్ విస్తరణకు అడ్డుకట్ట వేయాలని అమెరికా ప్రయత్నించింది. ఆ ఆలోచనల నుంచే నాటో కూటమి 1949లో ఆవిర్భవించింది.
నాటో ప్రారంభంలో కేవలం 12 సభ్య దేశాలు మాత్రమే.. ఇప్పడు ఆ కూమిటిలో సభ్య దేశాల సంఖ్య 30కి చేరాయి. నాటో అనేది ఒక మిలిటరీ కూటమి. కామన్ సెక్యూరిటీ పాలసీ కింద పని చేసే ఆర్గనైజేషన్. అంటే.. సభ్య దేశాలన్నీ కలిసి ఏ ముప్పు వచ్చినా కలిసి ఎదుర్కోవాలనే లక్ష్యంగా ఇది ఏర్పడింది. ఒక వేళ నాటో సభ్య దేశాన్ని మరే దేశం దురాక్రమించినా.. మిగిలిన దేశాలు అన్నీ ఆ దేశంపై దాడికి సిద్ధం అవుతాయి.
