Follow Us "Iraq Iran United States: అమెరికా రాయబార కార్యాలయంపై 12 క్షిపణులతో దాడి..")
Iraq-Iran-United States: అమెరికా రాయబార కార్యాలయంపై క్షిపణుల దాడులు జరిగాయి. ఒక్క‌టి కాదు రెండు కాదు ఏకంగా 12కు పైగా క్షిపణులు యూఎస్ కాన్సులేట్‌పై విరుచుకుప‌డ్డాయి. అయితే, ఈ ఘ‌ట‌న‌లో ఎలాంటి ప్రాణనష్టం జ‌ర‌గ‌లేద‌ని సంబంధిత వ‌ర్గాలు పేర్కొన్నాయి.
Iraq-Iran-United States: ఒక్క‌టి కాదు రెండు కాదు ఏకంగా 12కు పైగా క్షిపణులు యూఎస్ కాన్సులేట్‌పై విరుచుకుప‌డ్డాయి. అయితే, ఈ ఘ‌ట‌న‌లో ఎలాంటి ప్రాణనష్టం జరగలేదు. ఉత్తర ఇరాక్‌లోని ఇర్బిల్ నగరంలో ఉన్న యుఎస్ రాయబార కార్యాలయంపై దాదాపు ఆరు క్షిపణులను ప్రయోగించినట్లు ఇరాకీ-యూఎస్ భద్రతా అధికారులు తెలిపారు. పొరుగున ఉన్న ఇరాన్ నుండి ఈ క్షిపణులు ప్రయోగించబడ్డాయ‌ని తెలిపారు. ఈ క్షిపణులు ఇరాక్ లోని అమెరికా రాయబార కార్యాల‌య భవనాన్ని తాకినట్లు అధికారులు తెలిపారు. అయితే ఈ ఘ‌ట‌న‌లో ఎటువంటి ప్రాణనష్టం జరగలేదు.
మరో అధికారి ఈ ఘటనపై మాట్లాడుతూ... "ఇరాక్‌లోని యూఎస్ ఎంబసీపై పన్నెండు క్షిపణులు ప్రయోగించబడ్డాయి. వాటిలో ఆరు క్షిపణులు అమెరికా రాయబార కార్యాల‌యం భ‌వ‌నంపై విరుచుకుప‌డ్డాయి. మిగిలిన మరో ఆరు క్షిపణుల పూర్తి వివ‌రాల ఇంకా తెలియలేదు అని అన్నారు.
ఇరాక్ భద్రతా అధికారులు మాట్లాడుతూ.. ఈ దాడిలో ప్రాణనష్టం గురించి తక్షణ నివేదిక లేదు, ఇది అర్ధరాత్రి తర్వాత కొద్దిసేపటికే జరిగింది. క్షిప‌ణిదాడులు జ‌రిగిన ప్రాంతంలో పెద్దఎత్తున భౌతిక నష్టం చోటుచేసుకుంద‌ని వెల్ల‌డించారు. ఈ సంఘటనపై ఇరాక్ ప్రభుత్వం మరియు కుర్దిష్ ప్రాంతీయ ప్రభుత్వం దర్యాప్తు చేస్తున్నాయని US అధికారి తెలిపారు. "ఇరాక్ సార్వభౌమాధికారంపై దారుణమైన దాడి మరియు హింసను ప్రదర్శించడం వంటి ఈ చ‌ర్య‌లు ఇవి" అని పేర్కొంటూ.. అమెరికా దీనిని ఖండించింది.
సిరియాలోని డమాస్కస్ సమీపంలో ఇజ్రాయెల్ దాడులలో ఇరాన్ కు చెందిన రివల్యూషనరీ గార్డ్‌లోని ఇద్దరు సభ్యులను చంపిన కొద్ది రోజుల తర్వాత ఈ దాడి జరిగింది. ఇరాన్ విదేశాంగ మంత్రిత్వ శాఖ దాడిని తీవ్రంగా ఖండించింది. దీనిపై ప్రతీకారం తీర్చుకుంటామని ప్రతిజ్ఞ చేసింది. ఆదివారం తెల్లవారుజామున ఇర్బిల్‌ను అనేక క్షిపణులతో లక్ష్యంగా చేసుకుని దాడులు జ‌రిగాయ‌నీ, భద్రతా దళాలు ఈ ఘటనపై దర్యాప్తు చేస్తున్నాయని, మరిన్ని వివరాలను తర్వాతలోనే వెల్ల‌డిస్తామ‌ని అక్క‌డి అధికార యంత్రాంగం పేర్కొంది.
యూఎస్ జో బైడెన్ పరిపాలన యంత్రాంగం డిసెంబర్ 31 నాటికి ఇరాక్‌లో US పోరాట యాత్రను ముగించాలని గత జూలైలో నిర్ణయించింది. US దళాలు క్రమంగా గత సంవత్సరం సలహా పాత్రకు మారాయి. ఇస్లామిక్ స్టేట్‌కు వ్యతిరేకంగా ఇరాక్ చేస్తున్న పోరాటానికి సైనికులు ఇప్పటికీ వైమానిక మద్దతు మరియు ఇతర సైనిక సహాయాన్ని అందిస్తార‌ని తెలిపింది.
