Asianet News TeluguAsianet News Telugu

అబార్షన్ మాత్రలకు సంబంధించిన పోస్టులు తొలగిస్తున్న ఫేస్ బుక్,ఇన్ స్టాగ్రామ్..ఎందుకంటే...

అబార్షన్ మాత్రలకు సంబంధించిన పోస్టులను డిలీట్ చేస్తూ ఫేస్ బుక్, ఇన్ స్టాగ్రామ్ నిర్ణయం తీసుకుంది. ఈ మేరకు నిబంధనల ఉల్లంఘన కింద ఇలాంటి పోస్టులను డిలీట్ చేస్తోంది. 

Instagram, Facebook Remove Posts Offering Abortion Pills
Author
Hyderabad, First Published Jun 28, 2022, 11:36 AM IST

ఫేస్‌బుక్, ఇన్‌స్టాగ్రామ్‌లు ఓ సంచలన నిర్ణయాన్ని తీసుకున్నాయి. ఈ రెండు సోషల్ మీడియా సైట్లలో అబార్షన్ టాబ్లెట్లకు సంబంధించిన పోస్ట్‌లను తొలగిస్తుంది. అబార్షన్ కు సంబంధించిన ఇలాంటి పిల్స్ విషయంలో  సుప్రీం కోర్టు గైడ్ లైన్స్ ప్రకారం వాటిని తీసేయాలని నిర్ణయం తీసుకుంది. 

ఇలాంటి సోషల్ మీడియా పోస్ట్‌లు అబార్షన్‌ను నిషేధించే ముందస్తు చట్టాలు శుక్రవారం నుండి హాఠాత్తుగా అమల్లోకి వచ్చిన రాష్ట్రాల్లోని మహిళలనే టార్గెట్ గా చేసుకున్నాయి. అబార్షన్‌ను రాజ్యాంగ హక్కుగా ప్రకటించే 1973 నిర్ణయాన్ని హైకోర్టు రో వర్సెస్ వేడ్‌ని రద్దు చేసింది. మహిళలు మెయిల్‌లో అబార్షన్ మాత్రలను చట్టబద్ధంగా ఎలా పొందవచ్చో వివరించే మీమ్స్, స్టేటస్ అప్‌డేట్‌లు సామాజిక ప్లాట్‌ఫారమ్‌లలో వెల్లువెత్తాయి. కొందరు అబార్షన్ విధానాన్ని నిషేధించే రాష్ట్రాల్లోని మహిళలకు ప్రిస్క్రిప్షన్లను మెయిల్ చేయడానికి కూడా ముందుకొచ్చారు.

ఈ పోస్టులను వెంటనే, Facebook, Instagram ఈ పోస్ట్‌లలో కొన్నింటిని తీసివేయడం ప్రారంభించాయి. US అంతటా మిలియన్ల మంది అబార్షన్ యాక్సెస్ గురించిన స్పష్టత కోసం నెట్ లో సెర్చ్ చేస్తున్నారు.  మీడియా ఇంటెలిజెన్స్ సంస్థ జిగ్నల్ ల్యాబ్స్ విశ్లేషణ ప్రకారం, అబార్షన్ మాత్రల గురించిన సాధారణ ప్రస్తావనలు, అలాగే మైఫెప్రిస్టోన్, మిసోప్రోస్టోల్ వంటి నిర్దిష్ట వెర్షన్‌లను పేర్కొన్న పోస్ట్‌లు శుక్రవారం ఉదయం ట్విట్టర్, ఫేస్‌బుక్, రెడ్డిట్, టీవీ ప్రసారాలలో అకస్మాత్తుగా పెరిగాయి. ఆదివారం నాటికి, జిగ్నల్ 250,000 కంటే ఎక్కువ అటువంటి ప్రస్తావనలను లెక్కించింది.

అబార్షన్‌కు రాజ్యాంగ హక్కును రద్దు చేయాలని కోర్టు తీర్పు ఇచ్చిన నిమిషాల తర్వాత, మెయిల్ ద్వారా అబార్షన్ మాత్రలను కొనుగోలు చేయడానికి లేదా ఫార్వార్డ్ చేయడానికి ఆఫర్ చేసిన మహిళ నుండి APకి శుక్రవారం ఒక ఇన్‌స్టాగ్రామ్ పోస్ట్ స్క్రీన్‌షాట్‌ దొరికింది. అంతేకాదు, మీరు అబార్షన్ మాత్రలను ఆర్డర్ చేయాలనుకుంటే, వాటిని మీ ఇంటికి నేరుగా తెప్పించుకోవాలంటే ఇబ్బందిగా ఉంటే... బదులుగా నా అడ్రస్ కు పంపించండి. దీనికోసం నాకు DM చేయండి” అని ఇన్‌స్టాగ్రామ్‌లో ఒక పోస్ట్ వెలిసింది. దీన్ని ఇన్‌స్టాగ్రామ్ క్షణాల్లో దాన్ని తీసివేసింది. ఫేస్‌బుక్, ఇన్‌స్టాగ్రామ్ రెండింటి పేరెంట్ సంస్థ అయిన మెటా అబార్షన్ మాత్రల గురించి పోస్ట్‌లను తీసివేస్తున్నట్లు  సోమవారం మొదట వైస్ మీడియా గుర్తించింది.

సోమవారం, AP రిపోర్టర్ Facebookలో ఇలాంటి పోస్ట్‌కి కంపెనీ ఎలా స్పందిస్తుందో పరీక్షించారు : ‘‘మీరు అబార్షన్ మాత్రలను ఆర్డర్ చేయాలనుకుంటే, వాటిని మీ ఇంటికి నేరుగా తెప్పించుకోవాలంటే ఇబ్బందిగా ఉంటే... బదులుగా నా అడ్రస్ కు పంపించండి. దీనికోసం నాకు DM చేయండి” అని పోస్ట్ చేశారు. ఈ పోస్ట్ ఒక నిమిషంలో తీసివేయబడింది.

ఆ ఫేస్ బుక్ అకౌంట్ ను ఈ పోస్ట్ చేసినందుకు వార్నింగ్ స్టేటల్ లో పెట్టారు. "తుపాకులు, జంతువులు, ఇతర నియంత్రిత వస్తువుల"పై గైడ్ లైన్స్ ను ఉల్లంఘించినట్లు Facebook పేర్కొంది. అయితే, AP రిపోర్టర్ ఇదే పోస్టును.. గన్, “గర్భస్రావం మాత్రలు” అనే పదాలు లేకుండా చేసినప్పుడు పోస్ట్ డిలీట్ కాలేదు. "వీడ్" మెయిల్ చేయడానికి ఇలా చేయండి అంటూ చేసిన పోస్ట్ కూడా డిలీట్ లిస్ట్ లో లేదు. ఇవి ఉల్లంఘనలుగా పరిగణించబడలేదు.

జోర్డాన్ పోర్ట్ సిటీ అకాబాలో క్లోరిన్‌ గ్యాస్‌ లీక్.. 13 మంది మృతి

ఫెడరల్ చట్టం ప్రకారం గంజాయి చట్టవిరుద్ధం, మెయిల్ ద్వారా పంపడం కూడా చట్టవిరుద్ధం. అబార్షన్ మాత్రలు ధృవీకరించబడిన, శిక్షణ పొందిన ప్రిస్క్రిప్టర్ల నుండి ఆన్‌లైన్ సంప్రదింపుల తర్వాత చట్టబద్ధంగా మెయిల్ ద్వారా పొందవచ్చు. ఒక ఇమెయిల్‌లో, మెటా ప్రతినిధి తుపాకులు, ఆల్కహాల్, డ్రగ్స్, ఫార్మాస్యూటికల్‌లతో సహా కొన్ని వస్తువుల అమ్మకాన్ని నిషేధించే కంపెనీ విధానాలను సూచించారు. ఆ పాలసీని అమలు చేయడంలో స్పష్టమైన వ్యత్యాసాలను కంపెనీ వివరించలేదు.

మెటా ప్రతినిధి ఆండీ స్టోన్ సోమవారం ఒక ట్వీట్‌లో ధృవీకరించారు, కంపెనీ వ్యక్తులు తన ప్లాట్‌ఫారమ్‌లో ఫార్మాస్యూటికల్‌లను బహుమతిగా లేదా విక్రయించడానికి అనుమతించదు, అయితే మాత్రలను ఎలా యాక్సెస్ చేయాలనే దానిపై సమాచారాన్ని పంచుకునే కంటెంట్‌ను అనుమతిస్తుంది. Facebook మరియు Instagram వంటి ప్లాట్‌ఫారమ్‌లలో ఆ విధానాన్ని అమలు చేయడంలో కొన్ని సమస్యలను స్టోన్ గుర్తించింది.

Follow Us:
Download App:
  • android
  • ios