పాకిస్థాన్ ప్రధాని ఇమ్రాన్ ఖాన్ మరోసారి భారత్ పై ఊహించని విధంగా కామెంట్ చేశారు. ఇండియాకు సంబందించిన అన్ని విషయాలు మాకు నచ్చినవే అంటూ ఒక్క విషయంలో మాత్రం విభేదించాల్సి వస్తోందని ఆ సమస్య కూడా చర్చలతో పరిష్కరించుకోవచ్చని అన్నారు. 

ఇటీవల ఇంటర్నేషనల్ మీడియా సమావేశంలో పాల్గొన్న పాక్ ప్రధాని ఇమ్రాన్ భారత్ - పాకిస్థాన్ ల మధ్య నెలకొన్న పరిస్థితుల గురించి మాట్లాడారు. భారత్ తో తాము విభేదించేది ఒక్క కాశ్మీర్ అంశమే అంటూ..అదొక్కటే టెన్షన్ అని చర్చల ద్వారా ఆ సమస్యను పరిష్కరించుకోవాల్సిన బాధ్యత ఉందని అన్నారు. 

ఈ విషయంపై ఎన్నికల కంటే ముందే తాము చర్చలు జరపాలని అనుకున్నప్పటికీ ఆ సమయంలో యుద్ధ వాతావరణం వల్ల పాక్ పై వ్యతిరేక బావాలు నెలకొన్నందున మాట్లాడలేకపోయామని అన్నారు. ఇక మోడీ అత్యధిక మెజారిటీతో గెలిచారు కాబట్టి కాశ్మీర్ విషయంతో పాటు అన్ని విషయాల్లోను శాంతియుతంగా నడుచుకుంటారని భావిస్తున్నట్లు ఇమ్రాన్ ఖాన్ వివరణ ఇచ్చారు.