Russia Ukraine Crisis: ఉక్రెయిన్ పై రష్యా దాడి కొనసాగుతోంది. ఇప్పటివరకు నెమ్మదిగా ముందుకు సాగుతున్న రష్యా బలగాలు.. పుతిన్ ఆదేశాలతో మరింత దూకుడుగా ముందుకుసాగుతూ.. విధ్వంసం సృష్టిస్తున్నాయి. ఈ క్రమంలోనే అంతర్జాతీయ సమాజం రష్యాపై ఆంక్షలు విధిస్తోంది. గూగుల్, ఫేస్ బుక్ లు రష్యా మీడియాపై ఆంక్షలు విధించాయి.
Russia Ukraine Crisis: ఉక్రెయిన్ పై రష్యా దాడి కొనసాగుతూనే ఉంది. సోమవారం ఇరు దేశాల మధ్య శాంతి చర్చలు విఫలమయ్యాయి. రష్యా మరింత దూకుడుగా ప్రదర్శిస్తుండటంతో అంతర్జాతీయ సమాజం ఆందోళన వ్యక్తం చేస్తోంది. ఈ క్రమంలోనే శాంతియుతంగా ఈ వివాదాన్ని పరిష్కరించుకోవాలని చాలా దేశాలు కోరుతున్నాయి. అయినప్పటికీ రష్యా ఏమాత్రం పట్టించుకోకుండా దూకుడుగా ముందుకు సాగుతూ.. ఉక్రెయిన్ పై బాంబుల వర్షం కురిపిస్తోంది. దీంతో చాలా దేశాలు రష్యా తీరును ఖండిస్తూ.. అధ్యక్షుడు పుతిన్ పై ఆగ్రహం వ్యక్తం చేస్తున్నాయి. ఆ దేశంపై ఆంక్షలు విధిస్తున్నాయి. దీని కారణంగా ఇప్పటికే ఆ దేశ కుబేరులు తీవ్రంగా సంపద కోల్పోయారు.
ఉక్రెయిన్పై రష్యా యుద్ధం నేపథ్యంలో ఆ దేశానికి టెక్ దిగ్గజం గూగుల్ షాక్ ఇచ్చింది. తమ ద్వారా డబ్బు అర్జన నుంచి రష్యా దేశం మీడియా నియంత్రిస్తున్నట్లు అమెరికా టెక్ దిగ్గజం గూగుల్ ప్రకటించింది. ఇలాంటి చర్యలే దానీ అనుబంధ సంస్థ యూట్యూబ్ రష్యన్ చానెళ్లపై ఆంక్షలు విధించింది. అలాగే, ఫేస్బుక్ కూడా సంస్థలు కూడా విధించాయి. ఉక్రెయిన్పై దాడులు చేస్తున్న రష్యాపై చర్యల నేపథ్యంలో రష్యాకు చెందిన మీడియా సంస్థలపై గూగుల్ మోనెటైజేషన్ను నిలుపుదల చేసినట్టు గూగుల్ అధికార ప్రతినిధి ప్రకటించారు. RT, స్పుత్నిక్ యూట్యూబ్ ఛానెల్లను బ్లాక్ చేస్తున్నట్లు గూగుల్ ప్రకటించింది.
ఈ క్రమంలో దాడులను పెంచిన రష్యా.. ఉక్రెయిన్ విధ్వంసం సృష్టిస్తోంది. ఖార్కివ్ లోని సాధారణ పౌరులు ఉన్న ప్రాంతాల్లోనూ బాంబుల వర్షం కురిపించింది. దీనికి సంబంధించిన వీడియోలు వైరల్ అవుతున్నాయి.
అలాగే, ఉక్రెయిన్పై దాడికి పాల్పడినందుకు ప్రఖ్యాత క్రీడా సమాఖ్య రష్యా అధ్యక్షుడు వ్లాదిమిర్ పుతిన్ కు అందించిన గౌరవ టైక్వాండో బ్లాక్ బెల్ట్ను తొలగించింది. ఈ విషయాన్ని వరల్డ్ టైక్వాండో ట్విటర్లో వెల్లడించింది. "విజయం కంటే శాంతి అత్యంత విలువైనది" అనే ప్రపంచ టైక్వాండో భావిస్తుంది. వరల్డ్ టైక్వాండ్ విలువలకు వ్యతిరేకంగా ఉక్రెయిన్లో అమాయకుల జీవితాలపై జరిగిన క్రూరమైన దాడులను ప్రపంచ టైక్వాండో తీవ్రంగా ఖండిస్తున్నట్లు క్రీడల పాలకమండలి ఒక ప్రకటనలో పేర్కొంది. ఉక్రెయిన్ పై రష్యా దాడిని ఖండించిన వరల్డ్ టైక్వాండ్.. "ఈ విషయంలో, నవంబర్ 2013లో రష్యా అధ్యక్షుడు వ్లాదిమిర్ పుతిన్కు ప్రదానం చేసిన గౌరవ 9వ డాన్ బ్లాక్ బెల్ట్ను ఉపసంహరించుకోవాలని వరల్డ్ టైక్వాండో నిర్ణయించింది" అని పేర్కొంది. అలాగే, ఆంక్షలను మరింత కఠినతరం చేస్తూ, రష్యా మరియు బెలారస్లో టైక్వాండో ఈవెంట్లను నిర్వహించడం లేదా గుర్తించడం లేదని వరల్డ్ టైక్వాండో వెల్లడించింది.
ఫుట్బాల్ సంస్థలు FIFA మరియు UEFA రష్యా జాతీయ జట్టు, క్లబ్లను పోటీల నుండి సస్పెండ్ చేసినట్లు తెలిపిన అనంతరం వరల్డ్ టైక్వాండ్ ఈ నిర్ణయం తీసుకుంది. "FIFA మరియు UEFA ఈ రోజు అన్ని రష్యన్ జట్లను, జాతీయ ప్రతినిధి జట్లు లేదా క్లబ్ జట్లు అయినా, తదుపరి నోటీసు వచ్చేవరకు FIFA మరియు UEFA పోటీలలో పాల్గొనకుండా సస్పెండ్ చేయాలని నిర్ణయించాయి" అని రెండు సంస్థలు సంయుక్త ప్రకటనలో తెలిపాయి. అలాగే, ఫుట్బాల్ గవర్నింగ్ బాడీలు రెండూ ఉక్రెయిన్లో ప్రభావితమైన ప్రజలందరికీ పూర్తి సంఘీభావంతెలుపుతున్నట్టుష ప్రకటించాయి. కాగా, రష్యా ఫుట్బాల్ యూనియన్ సస్పెన్షన్ను ఖండించింది. ఈ చర్య వివక్షతో కూడుకున్నది అని పేర్కొంది.
