ప్రపంచ కుబేరుడు ఎలన్ మస్క్ పై ఇండియన్ విద్యార్థి పరువు నష్టం కేసు
హోతి దాఖలు చేసిన ఆరోపణలు నిరాధారమైనవని, తన భావ ప్రకటన స్వేచ్ఛకు భంగం కలిగించేలా ఉందనే మస్క్ వాదనను న్యాయమూర్తి తోసిపుచ్చారు. దీంతో మస్క్‌కు కోర్టులో చుక్కెదురైనట్లైంది.
ప్రపంచ కుబేరుడు, ప్రముఖ ఎలక్ట్రిక్ కార్ల తయారీ సంస్థ టెస్లా అధినేత ఎలన్ మస్క్ పై ఓ విద్యార్థి కేసు వేయడం గమనార్హం. రణదీప్ హోతి అనే భారత సంతతి విద్యార్థి.. తన పరువుకి నష్టం వాటిల్లిందంటూ ఎలన్ మస్క్ పై కేసు పెట్టడం విస్మయానికి గురిచేసింది.
ఈ మేరకు సదరు విద్యార్థి అమెరికాలోని ఓ న్యాయస్థానంలో దావా వేశాడు. కాగా.. ఈ కేసు తాజాగా విచారణకు వచ్చింది. అయితే, హోతి దాఖలు చేసిన ఆరోపణలు నిరాధారమైనవని, తన భావ ప్రకటన స్వేచ్ఛకు భంగం కలిగించేలా ఉందనే మస్క్ వాదనను న్యాయమూర్తి తోసిపుచ్చారు. దీంతో మస్క్‌కు కోర్టులో చుక్కెదురైనట్లైంది.
వివరాల్లోకి వెళ్తే.. రణదీప్ హోతి బర్కిలీలోని యూనివర్సిటీ ఆఫ్ కాలిఫోర్నియాలో గ్రాడ్యుయేట్ విద్యార్థి. 2019 ఫిబ్రవరిలో ఫ్రీమోంట్లోని టెస్లా ఆటో ప్లాంట్‌లోకి విద్యుత్ కార్లపై అధ్యయనం కోసం వెళ్లాడు. ఆ సమయంలో అక్కడి సెక్యూరిటీ సిబ్బంది హోతిని అడ్డుకున్నారు. దీంతో సెక్యూరిటీ సిబ్బంది, హోతి మధ్య చిన్న ఘర్షణ చోటుచేసుకుంది. ఆ తర్వాత అదే ఏడాది ఏప్రిల్లో హోతి కారులో వెళ్తూ టెస్లా టెస్టు కారు ఫొటోలు తీశాడు. అనంతరం వాటిని సోషల్ మీడియాలో షేర్ చేశాడు. ఈ రెండు సంఘటనలు మస్క్‌ను ఆగ్రహాం తెప్పించాయి. ఈ నేపథ్యంలో హోతిపై మస్క్ ఆన్లైన్ టెక్ ఎడిటర్కు ఫిర్యాదు చేశారు. హోతి తన కారులో దూసుకురావడంతో పాటు తమ ఉద్యోగులపై దాడికి పాల్పడ్డాడని తన ఫిర్యాదులో పేర్కొన్నారు. అంతేగా అతడు అబద్ధాలకోరని తెలిపాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
