Asianet News TeluguAsianet News Telugu

జైల్లో గ్యాంగ్ వార్: తెగిపడిన తలలు, కాలిపోయిన శరీరాలు

బ్రెజిల్‌లోని ఓ జైలులో రెండు వర్గాల మధ్య చోటు చేసుకున్న ఘర్షణ 57 మంది మరణానికి కారణమైంది. అల్టామిరా జైలులో పాతకక్షల కారణంగా ఓ గదిలో బంధించబడిన ఖైదీలు సోమవారం ఉదయం 7 గంటలకు పరస్పరం దాడులకు దిగారు. ఈ ఘటనలో మొత్తం 57 మంది మరణించారు.

57 killed in gang war in brazil
Author
Brazil, First Published Jul 30, 2019, 1:01 PM IST

బ్రెజిల్‌లోని ఓ జైలులో రెండు వర్గాల మధ్య చోటు చేసుకున్న ఘర్షణ 57 మంది మరణానికి కారణమైంది. బ్యాంకు దొంగతనాలు, సెల్‌ఫోన్ల స్మగ్లింగ్, తుపాకులు, డ్రగ్స్ రవాణా తదితర నేరాల్లో అరెస్టైన దాదాపు 7 లక్షల యాభై వేల మంది బ్రెజిల్ జైళ్లలో మగ్గుతున్నారు.

అక్కడ కొందరు బలమైన వ్యక్తులు గ్రూపులుగా ఏర్పడి.. తమ వర్గంలోని సభ్యుడికి సౌకర్యాలు అందించేందుకు.. ప్రత్యర్థుల నుంచి తమ వారిని రక్షించేందుకు ఎంతకైనా తెగిస్తారు. ఈ క్రమంలో అల్టామిరా జైలులో పాతకక్షల కారణంగా ఓ గదిలో బంధించబడిన ఖైదీలు సోమవారం ఉదయం 7 గంటలకు పరస్పరం దాడులకు దిగారు.

ఈ ఘటనలో మొత్తం 57 మంది మరణించారు. ప్రత్యర్థుల దాడిలో 16 మంది తలలు తెగిపడగా.. మరికొంతమంది సజీవదహనమయ్యారు. కాలిపోయిన శరీర భాగాలు, తల లేని మొండాలతో అల్టామిరా జైలు స్మశానాన్ని తలపిస్తోంది.

ఈ ఘటన కారణంగా బ్రెజిల్ అధ్యక్షుడు జాయర్ బోసా నారు పాలనపై విమర్శలు వెల్లువెత్తుతున్నాయి. ఈ క్రమంలో బ్రెజిల్ న్యాయ మంత్రిత్వ శాఖ దాడికి గల కారణాలపై దర్యాప్తు జరిపి బాధ్యులపై కఠిన చర్యలు తీసుకుంటామని పేర్కొంది. 

Follow Us:
Download App:
  • android
  • ios