రాష్ట్ర సమగ్రాభివృద్ధికి కమిటీ: విధి విధానాలు విడుదల చేసిన ఏపీ సర్కార్
ఏపీ ప్రభుత్వం మరో కమిటీని ఏర్పాటు చేసింది. రాష్ట్ర అభివృద్ధి కోసం ఈ కమిటీ పనిచేయనుంది. ఈ కమిటీ పలువురితో సంప్రదింపులు చేసి ప్రభుత్వానికి నివేదిక అందించనుంది.
గుంటూరు: ఏపీ రాజధాని అమరావతి, రాష్ట్ర సమగ్రాభివృద్ధి ప్రణాళిక రూపకల్పన కోసం నియమించిన నిపుణుల కమిటీ విధి విధానాలపై ఏపీ ప్రభుత్వం ఉత్తర్వులు జారీ చేసింది. ఈ కమిటీకి స్పెషల్ చీఫ్ సెక్రటరీ హోదాలో రాష్ట్రంలో నిపుణుల కమిటీ పర్యటించనుంది.
ప్రభుత్వ ఉద్యోగులతో పాటు అన్ని వర్గాలకు చెందిన ఉద్యోగుల నుండి ఈ కమిటీ సమాచారాన్ని సేకరించనుంది.ఈ మేరకు ఈ కమిటీకి ప్రభుత్వం అధికారాన్ని కట్టబెట్టింది. క్షేత్రస్థాయి పర్యటనలు, వివిధ వర్గాలతో సంప్రదింపులు జరపనుంది కమిటీ.
ఈ కమిటీకి అవసరమైన సిబ్బందిని సీఆర్డీఏ అందించనుంది. ప్రభుత్వంతో సంప్రదింపుల కోసం సీఆర్డీఏ అదనపు కమిషనర్ విజయ కృష్ణన్ నోడల్ ఆఫీసర్ గా వ్యవహరించనున్నారు. ఈ కమిటీ తొలి సమావేశం జరిగిన ఆరు వారాల్లోనే ప్రభుత్వానికి నివేదికను సమర్పించాలని ప్రభుత్వం ఆదేశాలు జారీ చేసింది.
ఏపీ ప్రభుత్వం అన్ని విభాగాల్లో సంస్కరణలు తీసుకొని రావాలని భావిస్తోంది.ఈ మేరకు ఈ నిర్ణయం తీసుకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
