రాఖీ పండగ రోజున అంబానీ కూతురు ఏం చేసిందో తెలుసా? ఏకంగా రూ.100కోట్ల డీల్..!

రాఖీ పండగ రోజున అమ్మాయిలందరూ తమ సోదరులకు రాఖీలు కడుతుంటారు. దాదాపు వారికి సంబంధించిన కథలే వినపడుతూ ఉంటాయి. కానీ అంబానీ కుమార్తె ఇషా అంబానీ మాత్రం.. ఓ వ్యాపార డీల్ తో వార్తల్లో నిలిచింది. 

ఈషా అంబానీ దేశంలోనే కాదు, ప్రపంచంలోని అగ్ర పారిశ్రామికవేత్తలలో ఒకరైన ముఖేష్ అంబానీ కుమార్తె. ఆమె రాజస్థాన్‌లోని జుంఝును జిల్లాకు చెందిన పిరమల్ కుటుంబానికి కోడలు.

ప్రస్తుతం  ఈషా అంబానీ రిలయన్స్ రిటైల్ అధిపతిగా బాధ్యతలు నిర్వర్తిస్తున్నారు. తాజాగా  రాఖీ పండగ సందర్భంగా  ఈషా అంబానీ ఇటలీకి చెందిన కాస్మెటిక్ బ్రాండ్ కికో మిలానోతో ఒప్పందం కుదుర్చుకున్నారు.

ఈ ఇటాలీ కాస్మెటిక్ బ్రాండ్‌తో దాదాపు రూ. 100 కోట్లకు పైగా విలువైన ఒప్పందం కుదుర్చుకున్నారు. ఈ ఒప్పందం ద్వారా విడుదలయ్యే ఉత్పత్తులు భారతదేశంలో ఉన్న అనేక దేశీయ, విదేశీ ఉత్పత్తులకు గట్టి పోటీని ఇస్తాయి.

ఈషా అంబానీతో ఒప్పందం కుదుర్చుకున్న ఇటలీ కంపెనీ కికో మిలానో 12 కంటే ఎక్కువ స్కిన్ కేర్ , ఇతర బ్యూటీ ఉత్పత్తులను తయారు చేయనుంది. 

ఈషా అంబానీ ఒప్పందం ఇతర కంపెనీలతో  కుదుర్చుకోవడం ఇదే మొదటిసారి కాదు. ఇంతకుముందు ఆమె అంతర్జాతీయ బ్యూటీ బ్రాండ్ టియెర్రాను కూడా తన సంస్థలోకి తీసుకువచ్చారు. ఇప్పుడు కాస్మెటిక్ బ్రాండ్ తో డీల్ చేసుకోవడం విశేషం.

మీడియా కథనాల ప్రకారం, ఈషా అంబానీ విదేశీ కంపెనీ కికోతో కలిసి 6 నగరాల్లో బ్రాండ్ స్టోర్‌లను ప్రారంభించాలని ప్లాన్ చేస్తున్నారట. ఈషా అంబానీతో ఒప్పందం కుదుర్చుకున్న కికో స్టోర్‌లు దేశంలోని ప్రముఖ మహానగరాలైన ఢిల్లీ, ముంబై, పూణే, లక్నో వంటి పెద్ద నగరాల్లో ప్రారంభం కానున్నాయి. త్వరలోనే దీనికి సంబంధించిన పనులు కూడా ప్రారంభం కానున్నాయి.