ముఖంపై ముడతలు పొగొట్టి వయస్సును దాచే... మ్యాజికల్ టిప్స్...!

First Published Apr 28, 2021, 11:42 AM IST

వేలకు వేలు పెట్టి... క్రీములు కొని రాసుకునేవాళ్లు మనలో చాలా లమంది ఉన్నారు. అయితే.. అలాంటి క్రీములు అవసరం లేకుండా కొన్ని మ్యాజికల్ టిప్స్ తో యవ్వనంగా మెరిసిపోవచ్చని నిపుణులు చెబుతున్నారు

యవ్వనంగా కనిపించాలని ప్రతి ఒక్కరూ కోరుకుంటారు. అందుకోసం వేలకు వేలు పెట్టి... క్రీములు కొని రాసుకునేవాళ్లు మనలో చాలా లమంది ఉన్నారు. అయితే.. అలాంటి క్రీములు అవసరం లేకుండా కొన్ని మ్యాజికల్ టిప్స్ తో యవ్వనంగా మెరిసిపోవచ్చని నిపుణులు చెబుతున్నారు. అదెలాగో ఇప్పుడు చూద్దాం..

కొన్ని ఆహార పదార్థాలు మీకు ఎప్పటికీ యవ్వనంగా ఉండటానికి సహాయపడతాయి. శరీరాన్ని, మనస్సును ఆరోగ్యంగా మరియు యవ్వనంగా ఎక్కువ కాలం ఉంచడానికి కొన్ని ఆహారపదార్థాలు సహాయపడుతాయి. ఈ ఆహారం తింటే వృద్ధాప్యం వరకు ముఖంలో ముడతలు రావు. అలాంటి ఫుడ్స్ ఏంటో ఓసారి చూద్దాం..

గుమ్మడికాయ గింజలు అనేక ఆరోగ్య ప్రయోజనాలకు ప్రసిద్ది చెందాయి. విత్తనాలలో సైటోస్టెరాల్ అనే పెద్ద సమ్మేళనం ఉంటుంది, ఇది పురుషుల శరీరంలో టెస్టోస్టెరాన్ హార్మోన్ను సమతుల్యం చేస్తుంది.

గుమ్మడికాయ విత్తనాలలో యాంటీ ఆక్సిడెంట్లు, ఎసెన్షియల్ యాసిడ్స్ ఉంటాయి. ఇది శారీరక బలాన్ని పెంచడానికి పనిచేస్తుంది. దీనిలోని యాంటీ ఆక్సిడెంట్ వృద్ధాప్య ప్రభావాన్ని తగ్గిస్తుంది. ఇవి తినడం వల్ల యంగ్ గా కనిపించే అవకాశం ఎక్కువగా ఉంది.

ఆయుర్వేదంలో వెల్లుల్లిని గొప్ప ఔషధంగా పనిగణిస్తారు. ఎందుకంటే ఇందులో అల్లిసిన్ అనే భాగం ఉంటుంది, ఇది శరీర ఇంద్రియాలలో రక్త ప్రవాహాన్ని పెంచుతుంది.

మీరు ఏదైనా శారీరక సమస్యతో బాధపడుతుంటే, మీ ఆహారంలో వెల్లుల్లిని కలపండి. వెల్లుల్లి వృద్ధాప్యం యొక్క ప్రభావాలను తగ్గిస్తుంది. అంతేకాకుండా.. అందంగా కనిపించేలా చేస్తుంది.

ఆకుకూరలు శరీరానికి అవసరమైన పోషకాలను అందించడంలో ఎల్లప్పుడూ సహాయపడతాయి. అందులోనూ పాలకూరలో ఫైబర్, పొటాషియం, విటమిన్లు ఖనిజాలతో సహా అవసరమైన పోషకాలు పుష్కలంగా ఉన్నాయి.

పాలక్ యాంటీఆక్సిడెంట్స్ అధికంగా ఉండే కూరగాయ. ఈ యాంటీఆక్సిడెంట్లు శరీరం నుండి ఫ్రీ రాడికల్స్ ను నాశనం చేస్తాయి. వృద్ధాప్య ఛాయలను కూడా తగ్గిస్తుంది.

క్యారెట్లు, టమోటాలు ఎల్లప్పుడూ చర్మం మరియు ఆరోగ్యానికి చాలా ప్రయోజనకరంగా ఉంటాయి. ఈ రెండు ఆహారాలు చర్మం యవ్వనంగా కనిపించడానికి సహాయపడతాయి.

క్యారెట్లు, టమోటాలలో ఫైటోన్యూట్రియెంట్స్ యాంటీఆక్సిడెంట్లు పుష్కలంగా ఉన్నాయి. అంతే కాదు, ఇందులో బీటా కెరోటిన్ లుటిన్ కూడా ఉన్నాయి, ఇది యవ్వనంగా కనిపించడానికి సహాయం చేస్తాయి.