Best Tourist Places: తక్కువ ఖర్చుతో ప్రపంచంలో చూడదగ్గ టాప్ 10 ప్రదేశాలు ఇవే
Best Tourist Places: ప్రపంచం చుట్టి రావాలంటే చాలా డబ్బులు కావాలని చాలామంది అనుకుంటారు. అయితే తక్కువ బడ్జెట్‌లో ప్రపంచంలోని వివిధ దేశాల్లో అద్భుతమైన ప్రదేశాలు చూసి రావచ్చు. అలాంటి తక్కువ ఖర్చుతో చూడదగ్గ కొన్ని ముఖ్యమైన ప్రదేశాల గురించి ఇక్కడ తెలుసుకుందాం.
- FB
- TW
- Linkdin
Follow Us
 "Asianet Image")
శ్రీలంక
తక్కువ ఖర్చుతో చూడదగిన అందమైన ప్రదేశం శ్రీలంక. ఇక్కడ అందమైన బీచ్‌లు, తేయాకు తోటలు, పురాతన శిథిలాలు ఉన్నాయి. భారత దేశం నుంచి శ్రీలంకకు ఫ్లైట్ టికెట్స్ సుమారు రూ.10 వేల నుంచి ఉంటాయి. అక్కడ రోజుకు స్టేయింగ్, ఫుడ్ కోసం రోజుకు సుమారు రూ.4 వేలు అవుతుంది.
జార్జియా
యూరప్, ఆసియా మధ్యలో ఉన్న జార్జియాలో కొండ ప్రాంతాలు చాలా అందంగా ఉంటాయి. ఇండియా నుంచి ఈ దేశం వెళ్లాలన్నా కేవలం రూ.15 వేల లోపు ఖర్చు చేస్తే సరిపోతుంది.
మెక్సికో
మెక్సికోలో పురాతన శిథిలాలు, సందడిగా ఉండే నగరాలు, అందమైన బీచ్‌లు చాలా ఫేమస్. మెక్సికో సంస్కృతి చాలా భిన్నంగా ఉంటుంది. అది తెలుసుకోవడానికైనా ఆ దేశం ఓసారి చూసి రావాలి.
వియత్నాం
వియత్నాం బడ్జెట్ ట్రావెలర్స్‌కు స్వర్గంలాంటిది. ఇక్కడ రుచికరమైన వీధి ఆహారం దొరుకుతుంది. వియత్నాం వెళ్లాలంటే భారతీయులకు వీసా అవసరం లేదు. అందువల్ల డబ్బు కూడా ఎక్కువ ఖర్చు కాదు. వియత్నాం వెళ్లాలంటే సుమారు రూ.15 వేల నుంచి రూ.20 వేల మధ్య ఖర్చు పెడితే సరిపోతుంది.
ఇండోనేషియా
ఈ దేశంలో బాలి చాలా ఫేమస్ అయిన ప్రదేశం. ఇండోనేషియాలో 17,000కు పైగా దీవులు ఉన్నాయి. అందుకే వీటిని చూసి ఎంజాయ్ చేయడానికి ఎక్కడెక్కడి నుంచో పర్యాటకులు వస్తుంటారు. ఆ దేశానికి పర్యాటకం పెద్ద ఆదాయ మార్గం. ఇండోనేషియా వెళ్లాలన్నా భారతీయులు వీసా తీసుకోవాల్సిన అవసరం లేదు. అయితే విమాన ఖర్చులు రూ.20 వేల నుంచి రూ.25 వేల మధ్య ఉంటాయి.
అల్బేనియా
యూరప్‌లో తక్కువ బడ్జెట్ తో వెళ్లగలిగిన ప్రాంతం అల్బేనియా. ఎక్కువ ఖర్చు పెట్టకుండా మెడిటరేనియన్ అందాలను చూడాలనుకుంటే అల్బేనియా బెస్ట్ ప్లేస్.
నేపాల్
తక్కువ బడ్జెట్‌లో అల్టిమేట్ అడ్వెంచర్ ప్లేస్ నేపాల్. మీరు ప్రకృతి ప్రేమికులైతే లేదా ట్రెక్కింగ్ చేయాలనుకుంటే నేపాల్ బెస్ట్ ప్లేస్. నేపాల్ వెళ్లాలంటే భారతీయులకు వీసా అవసరం లేదు. అందువల్ల అన్ని ఖర్చులకు కేవలం రూ.10 వేల లోపే సరిపోతాయి.
పోర్చుగల్
యూరప్‌లో బడ్జెట్ ఫ్రెండ్లీ ప్లేస్ పోర్చుగల్. యూరప్‌లోనే తక్కువ ధరలో చూడదగ్గ ప్రదేశం ఇది. ఇక్కడ రుచికరమైన వంటకాలను మీరు రుచి చూడొచ్చు.
ఈజిప్ట్
ఈజిప్ట్‌లో పురాతన కట్టడాలు చూసి వాటి చరిత్ర తెలుసుకోవడం చాలా ముఖ్యం. ఇక్కడ అడ్వెంచర్ ప్లేస్ లు కూడా ఉన్నాయి. భారతదేశానికి ఈజిప్ట్ కాస్త దూరంగానే ఉన్నా తక్కువ ఖర్చులో తీసుకెళ్లి, తీసుకొచ్చే ఇంటర్నేషన్ టూర్స్ అండ్ ట్రావెల్స్ ఉన్నాయి.
బొలీవియా
సౌత్ అమెరికాలో తక్కువ ధరలో చూడదగ్గ ప్రదేశం బొలీవియా. బడ్జెట్ ట్రావెలర్స్‌కు డ్రీమ్ డెస్టినేషన్ అని చెప్పొచ్చు. భారతీయులు వీసా ఆన్ అరైవల్ సదుపాయం ద్వారా బొలీవియా వెళ్లొచ్చు. కేవలం రూ.30 వేల లోపే ఈ దేశం చుట్టి రావచ్చు.
