Valentines Day Offer : ఒకే టికెట్ డబ్బులతో ఇద్దరి ప్రయాణం ... ఇండిగో సూపర్ ఆఫర్ మిస్ కాకండి

ఇండిగో ప్రేమికుల రోజు సందర్భంగా జంటలకు అద్భుతమైన ఆఫర్‌ను ప్రకటించింది. నేటి నుండి నాలుగు రోజుల పాటు జంటలకు తగ్గింపు ధరలకే టికెట్ అందిస్తోంది... ఆ తగ్గింపు ఎంతో తెలిస్తే అవాక్కవుతారు. 

Valentines Day Offer

ప్రయాణికులు బడ్జెట్ ప్రైస్ లో విమానప్రయాణం చేయాలంటే ముందుగు గుర్తుకువచ్చేది ఇండిగో ఎయిర్ లైన్స్. సామన్య మధ్యతరగతి ప్రజల ప్రయాణానికి కూడా అనుకూలంగా ఈ విమాన ఛార్జీలు వుంటాయి. అందువల్లే ఈ ఎయిర్ లైన్స్ ప్రయాణికులకు బాాగా దగ్గరయ్యింది.  

ఇలా ఇప్పటికే ప్రయాణికులకు అతి తక్కువ ఛార్జీలకే అత్యుత్తమ సేవలు అందిస్తున్న ఇండిగో ఈ వాలంటైన్స్ డే సందర్భంగా ప్రత్యేక ఆఫర్లు ప్రకటించింది. ఇవాళ బుధవారం (ఫిబ్రవరి 12) నుండి ఈ ఆఫర్ ప్రారంభం అవుతోంది. మనసుకు నచ్చినవారితో ఎక్కడికైనా వెళ్లాలని ప్లాన్ చేసుకుంటున్నవారు ఈ ఆఫర్ ను వాడుకోవచ్చు. 

IndiGo Airline Offer

వాలంటైన్ డే సందర్భంగా నాలుగురోజుల పాటు ఇండిగో ఎయిర్ లైన్ ఈ ఆఫర్ ను అందిస్తోంది. ఈ నాలుగు రోజుల పాటు బేస్ ఫేర్‌లో సగం ధరకే టిక్కెట్లు బుక్ చేసుకోవచ్చు... అంటే ఒక్క టికెట్ ధరకే ఇద్దరు ప్రయాణించవచ్చన్నమాట.  ఈ ఆఫర్ కొన్ని రూట్లకు మాత్రమే వర్తిస్తుంది.

ప్రేమికుల రోజున ఎక్కడికైనా వెళ్లాలనుకునే జంటల కోసం ఇండిగో ఎయిర్‌లైన్స్ ఈ ప్రత్యేక ఆఫర్ ప్రకటించింది. ఈ ఆఫర్ ద్వారా జంటలు తక్కువ ధరకే ప్రయాణించవచ్చు. ఇద్దరి టిక్కెట్లు బుక్ చేసుకుంటే బేస్ ఫేర్‌లో 50% వరకు తగ్గింపు లభిస్తుందన్నమాట.

IndiGo Offer

ఇండిగో వాలంటైన్స్ డే ఆఫర్ ఫిబ్రవరి 12, 2025 (మధ్యాహ్నం 12:01) నుండి ఫిబ్రవరి 16, 2025 (రాత్రి 11:59) వరకు మాత్రమే అందుబాటులో ఉంటుంది. ఎయిర్‌లైన్ వెబ్‌సైట్‌లో ఈ ఆఫర్ కు సంబంధించిన పూర్తి వివరాలు తెలుసుకోవచ్చు. ఈ ఆఫర్ కొన్ని దేశీయ, అంతర్జాతీయ రూట్లకు మాత్రమే వర్తిస్తుంది. ప్రయాణ తేదీ బుకింగ్ తేదీ తర్వాత కనీసం 15 రోజులకు ఉండాలి.

ఇండిగో ఆఫర్‌ను వివిధ మార్గాల్లో ఉపయోగించుకోవచ్చు. ఇండిగో వెబ్‌సైట్, మొబైల్ యాప్, ఇండిగో 6E స్కై, ఇండిగో భాగస్వామ్య సంస్థల ద్వారా ఆఫర్ పొందవచ్చు. ఇండిగో టిక్కెట్లతో పాటు ఇతర ప్రయాణ సంబంధిత సేవలపై కూడా తగ్గింపులు అందిస్తోంది.

కొన్ని దేశీయ, అంతర్జాతీయ రూట్లలో లగేజీపై 15% వరకు తగ్గింపు లభిస్తుంది. స్టాండర్డ్ సీట్లను ఎంచుకుంటే 15% తగ్గింపు ఉంది. ఎక్కువ సౌకర్యం కోరుకుంటే XL సీట్లు పొందవచ్చు. దేశీయ విమానాలకు రూ.599 నుండి, అంతర్జాతీయ విమానాలకు రూ.699 నుండి XL సీట్లు అందుబాటులో ఉన్నాయి.

ఇండిగో విమానంలో ఆహారం, పానీయాలపై కూడా తగ్గింపులు ఉన్నాయి. ముందుగానే ఆహారం బుక్ చేసుకుంటే 10% తగ్గింపు లభిస్తుంది. ఫాస్ట్ ఫార్వర్డ్ సర్వీస్‌పై 50% వరకు తగ్గింపు ఉంది. దీని ద్వారా ప్రయాణీకులకు చెక్-ఇన్‌లో ప్రాధాన్యత లభిస్తుంది. 6E ప్రైమ్, 6E సీట్ & ఈట్ వంటి ఇండిగో ప్యాకేజీలపై 15% వరకు తగ్గింపు ఉంది.

ఇండిగో ఫిబ్రవరి 14, 2025న 'ఫ్లాష్ సేల్' నిర్వహిస్తుంది. వెబ్‌సైట్ లేదా మొబైల్ యాప్ ద్వారా చేసే మొదటి 500 బుకింగ్‌లకు అదనంగా 10% తగ్గింపు లభిస్తుంది. ఈ ఆఫర్ ప్రేమికుల రోజున రాత్రి 8 గంటల నుండి 11:59 వరకు ఉంటుంది. కొన్ని దేశీయ, అంతర్జాతీయ రూట్లకు మాత్రమే వర్తిస్తుంది. ఈ సేల్‌లో కూడా ప్రయాణ తేదీ బుకింగ్ తేదీ తర్వాత కనీసం 15 రోజులకు ఉండాలి.