Holidays : తెలుగోళ్లకు వచ్చేవారం సెలవులే సెలవులు .. 9 రోజుల్లో నాల్రోజులే వర్కింగ్ డేస్, ఐద్రోజులు హాలిడేస్

విద్యార్థులకు వేసవి సెలవులు కొనసాగుతున్నాయి. వర్షాల మొదలవడంతో ఎండలు కూడా తగ్గాయి. ఇలాంటి సమయంలో ఉద్యోగులకు కూడా వరుస సెలవులు వస్తే… హాయిగా కుటుంబంతో ఎంజాయ్ చేయవచ్చు. తెలుగు రాష్ట్రాల్లో పనిచేసే ఉద్యోగులకు ఈ అద్భుత అవకాశం వచ్చింది. 

Image Credit : freepik

వచ్చేవారం ఉద్యోగులకు సెలవులే సెలవులు

Holidays in June : సెలవులంటే ఎవరికి ఇష్టం ఉండదు చెప్పండి... విద్యార్థులే కాదు ఉద్యోగులు కూడా హాలిడే అన్న పదం వింటేచాలు ఎగిరి గంతేస్తారు. ఇక లాంగ్ వీకెండ్ వస్తే ఉద్యోగుల ఆనందాన్ని మాటల్లో వర్ణించలేం. కుటుంబంతో లేదంటే స్నేహితులతో సరదాగా బయటకు వెళ్లాలన్నా, రెండుమూడు రోజుల పనేదైనా ఉన్నా... ఈ లాంగ్ వీకెండ్స్ ను వాడుకుంటారు ఉద్యోగులు. అంటే లీవ్ తీసుకోకుండా సెలవులను ఎంజాయ్ చేయవచ్చమాట. అందుకే ఉద్యోగులు సరదాగా లాంగ్ వీకెండ్ ను తమకు దేవుడిచ్చిన వరంగా చెబుతుంటారు.

Image Credit : iSTOCK

వచ్చేది లాంగ్ వీకెండే...

ఇలా లాంగ్ వీకెండ్స్ కోసం ఎదురుచూసే తెలుగు ప్రజలకు గుడ్ న్యూస్. ఈ వారంలో ఒకటి కాదు రెండు లాంగ్ వీకెండ్స్ వస్తున్నాయి. అంటే వచ్చే  తొమ్మిది రోజుల్లో ఏకంగా ఐద్రోజుల సెలవులు వస్తున్నాయి... కేవలం నాలుగురోజులే వర్కింగ్ డే. ఇంకా చెప్పాలంటే ఉద్యోగులు పక్కాగా ప్లాన్ చేసుకున్నారో వచ్చేవారమంతా సెలవులను పొందవచ్చు. ప్రస్తుతం పిల్లలకు వేసవి సెలవులు కొనసాగుతున్నాయి కాబట్టి ఈ వీకెండ్స్ లో హాయిగా హాలిడే ట్రిప్ ప్లాన్ చేసుకోవచ్చు.

Image Credit : our own

వరుసగా మూడురోజులు సెలవులు

ఇవాళ (శుక్రవారం) ఒక్కరోజే పూర్తిస్థాయి వర్కింగ్ డే... రేపట్నుంచి వీకెండ్ స్టార్ట్. ముఖ్యంగా సాప్ట్ వేర్ తో పాటు వివిధ రంగాల్లో మల్టీ నేషనల్ కంపెనీల్లో పనిచేసే ఉద్యోగులకు సాధారణంగా శని, ఆదివారం సెలవు ఉంటుంది. కొందరు ప్రభుత్వ ఉద్యోగులకు కూడా వారంలో రెండ్రోజుల సెలవు వర్తిస్తుంది. అంటే వీరికి రేపట్నుంచి ఎలాగు రెండ్రోజులు సెలవులే. దీనిని మరో సెలవు అదనంగా వచ్చే అవకాశాలున్నాయి.

Image Credit : our own

తెలంగాణ అవతరణ దినోత్సవం రోజున సెలవు ఉందా?

జూన్ 2న తెలంగాణ అవతరణ దినోత్సవం. ఈ రోజు తెలంగాణలో జాతీయ పతాకాన్ని ఎగరేసి వేడుకలు జరుపుకుంటారు. కాబట్టి ఈరోజు ప్రభుత్వం అధికారికంగా సెలవు ఇచ్చే అవకాశాలున్నాయి. ఉద్యోగులు కూడా అవతరణ వేడుకల్లో పాల్గొనే వెసులుబాటు కల్పిస్తూ వేతనంతో కూడిన సెలవును ప్రకటించాలని డిమాండ్ చేస్తున్నారు. ఈరోజు సెలవు ఇస్తే వరుసగా మూడ్రోజులు వస్తాయి... ఈ వీక్ కాస్త లాంగ్ వీకెండ్ గా మారుతుంది.

Image Credit : our own

వచ్చేవారం నాల్రోజులే వర్కింగ్ డే

ఇలా ఈ మూడ్రోజుల సెలవుల తర్వాత ఓ నాలుగురోజులు వర్కింగ్ డే. మళ్లీ జూన్ 7న ముస్లింల పవిత్ర పండగ బక్రీద్ ఉంది. ఈ పండగను వారు ఎంతో ఘనంగా జరుపుకుంటారు కాబట్టి దేశవ్యాప్తంగా అనేక రాష్ట్రాల్లో సెలవు ఉంది. తెలంగాణలో కూడా బక్రీద్ పండగరోజు సెలవు ఇచ్చారు. తర్వాతి రోజు అంటే జూన్ 8 ఆదివారమే కాబట్టి సాధారణ సెలవు. ఇలా జూన్ ఫస్ట్ వీక్ లో అందరు ఉద్యోగులకు వరుసగా రెండ్రోజులు సెలవు వస్తోంది.

Image Credit : our own

వరుసగా తొమ్మిదిరోజులు సెలవు కావాలంటే..

మొత్తంగా చూసుకుంటే మే 31 తో ప్రారంభమయ్యే సెలవులు జూన్ 8 వరకు కొనసాగనున్నాయి. మే 31, జూన్ 1,2 తేదీలతో పాటు జూన్ 7, 8 సెలవులు ఉంటాయి. మధ్యలో జూన్ 3,4,5,6 వర్కింగ్ డేస్. ఈ రోజుల్లో కూడా లీవ్ తీసుకుంటే ఉద్యోగులకు వరుసగా తొమ్మిదిరోజులు హాలిడేసే. లీవ్ తీసుకోకున్నా ఐదురోజుల సెలవులు మాత్రం వస్తాయి.

Image Credit : our own

పిల్లలతో సరదాగా ఎంజాయ్ చేయాలంటే ఇదే మంచి సమయం

జూన్ 11తో వేసవి సెలవులు ముగుస్తాయి... జూన్ 12 నుండి పిల్లలకు స్కూళ్లు పున:ప్రారంభం అవుతాయి. కాబట్టి పిల్లలను సరదాగా ఏదయినా ట్రిప్ కు తీసుకెళ్లాలని అనుకునే ఉద్యోగులకు ఇదే మంచి అవకాశం. ప్రస్తుతం ఎండల తీవ్రత తగ్గి తొలకరి జల్లులు కురుస్తున్నాయి... ఇదే సమయంలో సెలవులు కూడా వస్తున్నాయి. ఈ ఆహ్లాదకర వాతావరణంలో సరదాగా ప్రకృతి అందాలతో కూడిన పర్యాటక ప్రాంతాలను వెళ్లివచ్చేలా ప్లాన్ చేసుకొండి. ఇది పిల్లలకు సరదాగా, ఉద్యోగులకు రిఫ్రెష్మెంట్ లా ఉంటుంది.