32,500 జీతంతో ప్రభుత్వ సంస్థలో ఉద్యోగం ...అదీ హైదరాబాద్ లో: ఇంకెందుకు ఆలస్యం, వెంటనే దరఖాస్తు చేసుకొండి

Jobs in Hyderabad : నిరుద్యోగులకు గుడ్ న్యూస్. తెలంగాణ రాజధాని హైదరాబాద్ లో మంచి జీతంతో కూడిన ఉద్యోగాల భర్తీ ప్రక్రియ కొనసాగుతోంది. మీకు అన్ని అర్హతలు వుండి హైదరాబాద్ ఉద్యోగం చేయాలనుకుంటే వెంటనే దరఖాస్తు చేసుకొండి.   

నిమ్స్ లో ఉద్యోగాల భర్తీ : 

హైదరాబాద్ లో నిమ్స్ గురించి తెలియనివారు వుండరు... ఎన్నో దశాబ్దాలుగా తెలుగు ప్రజలకే కాదు చుట్టుపక్కల రాష్ట్రాలవారికి కూడా వైద్యసేవలు అందిస్తున్న పురాతన హాస్పిటల్. ఇలా ప్రతిష్టాత్మక నిజాం ఇన్ట్సిట్యూట్ ఆఫ్ మెడికల్ సైన్సెన్స్ (NIMS) లో పనిచేసే అద్భుత అవకాశాన్ని మీరూ పొందవచ్చు. అయితే ఇందుకోసం తగిన విద్యార్హతలు వుండాలి.  

నిమ్స్ లో పలు విభాగాల్లో పనిచేసేందుకు ఉద్యోగులు అవసరమయ్యారు... దీంతో 101 పోస్టుల భర్తీకి నోటిఫికేషన్ జారీ చేసారు. భర్తీ చేయనున్న పోస్టుల వివరాలను...అందుకు కావాల్సిన అర్హతలను నోటిఫికేషన్ లో పేర్కొన్నారు.  ఇప్పటికే అర్హుల నుండి దరఖాస్తులను స్వీకరిస్తున్న అధికారులు రాత పరీక్ష,ఇంటర్వ్యూ ద్వారా అభ్యర్థులను ఎంపిక చేయనున్నారు.  

వైద్యంకోసం హైదరాబాద్ నిమ్స్ కు ప్రతిరోజు వందలాదిమంది వస్తుంటారు. కానీ పేషెంట్స్ కు సరిపడా సిబ్బంది లేరు. ముఖ్యంగా పేషెంట్స్ సమస్యను నిర్దారించే ల్యాబ్స్ లో టెక్నీషియన్ల కొరత ఎక్కువగా వుంది. దీంతో వివిధ విభాగాల్లో టెక్నీషియన్ల భర్తీ చేపట్టింది.  రేడియాలజీ, పాథాలజీ,మైక్రోబయాలజీ,బయో మెడికల్, థెరపిస్ట్, న్యూక్లియర్ మెడిసిన్, అనస్తీషియా, బ్లడ్ బ్యాంక్ విభాగాల్లో ఖాళీల భర్తీ చేపట్టారు. 

నోటిఫికేషన్ లో ఏ పోస్టుకు ఏ అర్హతలు వుండాలో పేర్కొన్నారు. మీకు ఆ అర్హతలు వుంటే ఈ నెల (ఆగస్ట్) 24 లోపు దరఖాస్తు చేసుకొండి. కేవలం ఆఫ్ లైన్ లోనే దరఖాస్తులను స్వీకరిస్తున్నారు. ఈ పోస్టులకు మీరు ఎంపికయితే ప్రతినెలా రూ.32,000 వేల జీతం పొందవచ్చు. 

పోస్టులను భట్టి విద్యార్హతలు, వయో పరిమితి నిర్ణయించారు. అలాగే దరఖాస్తు వివరాలు, ఫీజు, ఎంపిక విధానం వంటి పూర్తి వివరాల కోసం అధికారిక వెబ్ సైట్  https://www.nims.edu.in/ చూడండి. ఈ నెల 24,2024 లోపు పంజాగుట్ట నిమ్స్ హాస్పిటల్లోని ఓల్డ్ ఓపిడి బ్లాక్ లోని ఎగ్జిక్యూటివ్  రిజిస్ట్రార్ కార్యాలయంలో దరఖాస్తు అందించవచ్చు. అయితే ఈ ఉద్యోగాలను కాంట్రాక్ట్ పద్దతిలో భర్తీ చేస్తున్నట్లు నోటిఫికేషన్ లో పేర్కొన్నారు.