UPI Payments : మీ అకౌంట్లో రూపాయి లేకున్నా.. ఫోన్ పే, గూగుల్ పే ద్వారా పేమెంట్స్ చేయొచ్చు. ఎలాగో తెలుసా?

మీ బ్యాంక్ అకౌంట్లో రూపాయి లేకున్నా సరే యూపిఐ యాప్స్ ద్వారా పేమెంట్స్ చేయవచ్చు. ఇది ఎలా సాధ్యమో ఇక్కడ తెలుసుకుందాం… ఎలాంటి ఆటంకం లేకుండా యూపిఐ పేమెంట్స్ చేద్దాం.

Image Credit : Gemini AI

ఏమిటీ క్రెడిట్ లైన్ ఆన్ యూపీఐ?

భారతదేశంలో కరెన్సీ వినియోగం బాగా తగ్గిపోయింది… డిజిటల్ కరెన్సీ వినియోగం పెరిగింది. స్మార్ట్ ఫోన్ ఉన్న ప్రతిఒక్కరూ ఫోన్ పే, గూగుల్ పే, పేటిఎం వంటి UPI (యూనిఫైడ్ ఫేమెంట్స్ ఇంటర్‌ఫేస్) యాప్స్ వాడుతున్నారు… రోడ్డుపక్కల బజ్జీల బండి నుండి బంగారం షాపుల వరకు ప్రతి చోట యూపిఐ పేమెంట్సే జరుగుతున్నాయి. రాత్రి, పగలు అని తేడాలేదు… శనివారం, ఆదివారం సెలవులంటూ భయపడాల్సిన పనిలేదు… వారంలో ప్రతిరోజు, రోజులో 24 గంటలు నిరంతరాయంగా యూపిఐ సేవలు అందుబాటులో ఉంటాయి… తక్షణమే, సురక్షితంగా డబ్బులు పంపవచ్చు.

అయితే ఫోన్ నుండి డబ్బులు బదిలీ చేయాలంటే మన అకౌంట్లో కచ్చితంగా డబ్బులు ఉండాలి… లేకుంటే పేమెంట్స్ జరగవు. ఇది గతంలో పరిస్థితి… కానీ ఇప్పుడు బ్యాంక్ అకౌంట్లో డబ్బులు లేకున్నా యూపిఐ పేమెంట్స్ చేయవచ్చు. ఇందుకోసం యూపిఐ యాప్స్ లో సరికొత్త ఫీచర్ వచ్చింది… అదే 'క్రెడిట్ లైన్ ఆన్ యూపీఐ'.  

Image Credit : Gemini

క్రెడిట్ లైన్ యూపిఐ ఎలా పనిచేస్తుంది..?

ఈ క్రెడిట్ లైన్ యూపిఐ కూడా మామూలు యూపీఐ లావాదేవీలాగే పనిచేస్తుంది. కానీ డబ్బులు మీ సేవింగ్స్ అకౌంట్ నుంచి కాకుండా, బ్యాంకు మీకు ముందుగా మంజూరు చేసిన లోన్ లిమిట్ (క్రెడిట్ లిమిట్) నుంచి కట్ అవుతాయి.

ఇది బ్యాంకులు అందించే ప్రీ-అప్రూవ్డ్ లోన్ సౌకర్యం. ఈ క్రెడిట్ లిమిట్‌ను మీ యూపీఐ ఐడీతో లింక్ చేశాక గూగుల్ పే, ఫోన్‌పే, పేటీఎం వంటి యాప్స్‌లో నేరుగా వాడుకోవచ్చు. క్యూఆర్ కోడ్ స్కాన్ చేసి డబ్బులు చెల్లించేటప్పుడు, మీ బ్యాంకు ఖాతాకు బదులుగా 'క్రెడిట్ లైన్' ఆప్షన్ ఎంచుకుని లావాదేవీ పూర్తి చేయవచ్చు.

Image Credit : Getty

క్రెడిట్ లైన్ యూపిఐ ఎలా వాడాలి..?

మీ ఆదాయం, కేవైసీ, క్రెడిట్ హిస్టరీ ఆధారంగా మీ బ్యాంకు ఒక క్రెడిట్ లిమిట్‌ను ఆమోదిస్తుంది. ఆ క్రెడిట్ లైన్‌ను యూపీఐ యాప్‌లో లింక్ చేయాలి. డబ్బులు చెల్లించేటప్పుడు సేవింగ్స్ అకౌంట్‌కు బదులుగా క్రెడిట్ లైన్ ఎంచుకోవచ్చు. మీరు ఖర్చు చేసిన మొత్తం అప్పుగా నమోదవుతుంది. తర్వాత బ్యాంకు నిర్దేశించిన గడువులోగా ఆ మొత్తాన్ని తిరిగి చెల్లించాలి. 

Image Credit : Getty

ఈ ఫీచర్ ఎవరికి లభిస్తుంది?

ఈ క్రెడిట్ లైన్ యూపిఐ వినియోగదారులు అందరికీ ఆటోమేటిక్‌గా రాదు. మంచి సిబిల్ స్కోర్, స్థిరమైన ఆదాయం, పూర్తి కేవైసీ ఉన్న కస్టమర్లకు మాత్రమే బ్యాంకులు ఈ క్రెడిట్ లైన్ అందిస్తాయి. ప్రస్తుతం కొన్ని బ్యాంకులు, కొందరు ఎంపిక చేసిన కస్టమర్లకు మాత్రమే ఈ సౌకర్యాన్ని ఇస్తున్నాయి.

Image Credit : PR

క్రెడిట్ లైన్ యూపిఐ ప్రధాన ప్రయోజనాలివే..

బ్యాంక్ అకౌంట్లో డబ్బులు లేకపోయినా యూపిఐతో యధావిధిగా డబ్బులు చెల్లించవచ్చు.   అత్యవసర ఖర్చులకు ఎంతగానో ఉపయోగపడుతుంది. 

ప్రత్యేకంగా క్రెడిట్ కార్డు వెంట తీసుకెళ్లాల్సిన పనిలేదు. యూపీఐ యాప్స్‌లోనే నేరుగా వాడుకోవచ్చు. ఇది 'ఇప్పుడు కొని, తర్వాత చెల్లించు' (Pay Now, Repay Later) పద్ధతిలో పనిచేస్తుంది. 

గమనించాల్సిన విషయాలు :  

క్రెడిట్ లైన్ అనేది ఉచితంగా వచ్చే డబ్బు కాదు. ఇది అవసరం అయినప్పుడు లభించే అప్పు మాత్రమే. గడువులోగా తిరిగి చెల్లించకపోతే ఫైన్ పడుతుంది… వడ్డీ, ఆలస్య రుసుములు విధిస్తారు. చెల్లింపులు ఆలస్యం అయితే క్రెడిట్ స్కోర్‌పై కూడా ప్రభావం చూపే అవకాశం ఉంది.

మొత్తంగా 'క్రెడిట్ లైన్ ఆన్ యూపీఐ' ఫీచర్‌తో బ్యాంకు ఖాతాలో డబ్బు లేనప్పుడు కూడా సురక్షితంగా, సులభంగా చెల్లింపులు చేయవచ్చు. కానీ ఇది ఒక అప్పు కాబట్టి, బాధ్యతాయుతంగా ఉపయోగించడం చాలా ముఖ్యం.