ఈ ఫేస్ మాస్క్ కరోనా ఉందో లేదో క్షణాల్లో చెప్పేస్తుంది.. ఎలా పనిచేస్తుందో తెలుసా ?
కరోనా వాక్సిన్ అందుబాటులోకి వచ్చిన తర్వాత ప్రజలకు కొంత ఉపశమనం లభించినప్పటికీ, గత సంవత్సరం నుండి కరోనా మహమ్మారి వల్ల ప్రపంచం మొత్తం స్తంభించిపోయింది. ఫేస్ మాస్క్‌లు ఇన్‌ఫెక్షన్లును నివారించడంలో చాలా ప్రభావవంతంగా ఉపయోగపడ్డాయి. ప్రజల అవసరాన్ని బట్టి రకరకాల ఫేస్ మాస్క్‌లు కూడా మార్కెట్‌లోకి వచ్చాయి.
)
Followవాటిలో కొన్ని హైటెక్ మరికొన్ని సింపుల్ గా ఇలా వివిధ ధరలకు విక్రయిస్తున్నారు. ఫేస్ మస్కూలు, కరోనా వ్యాక్సిన్ వచ్చిన తర్వాత కూడా కరోనా థర్డ్ వేవ్ గురించి ప్రజల మనస్సులలో భయం ఇంకా ఉంది. ఇటువంటి పరిస్థితిలో ఫేస్ మాస్క్ లు, జాగ్రత్తలు చాలా అవసరం. మసాచుసెట్స్ ఇన్స్టిట్యూట్ ఆఫ్ టెక్నాలజీ (ఎం‌ఐ‌టి) అండ్ హార్వర్డ్ విశ్వవిద్యాలయంలోని వైస్ ఇన్స్టిట్యూట్ ఫర్ బయోలాజికల్లీ ఇన్స్పైర్డ్ ఇంజనీరింగ్ ఫేస్ మాస్క్‌ను అభివృద్ధి చేశాయి. ఈ ఫేస్ మాస్క్ కరోనా ఇన్ఫెక్షన్ గురించి కూడా చెప్పగలవు. ఈ ఫేస్ మాస్క్‌లో బయోసెన్సర్ ఉపయోగించారు, ఇది కోవిడ్-19ను శ్వాస సహాయంతో గుర్తించడంలో సహాయపడుతుంది. అంటే శ్వాస ద్వారా మీకు కరోనా పాజిటివ్ లేదా నెగటివ్ తెలియజేస్తుంది.
)
పరిశోధన నివేదిక ప్రకారం, ఈ మాస్కులో జీవఅణువుల గుర్తింపు కోసం సింథటిక్ బయాలజీ సెన్సార్ ఉంది. ఈ పరిశోధన నేచర్ బయోటెక్నాలజీ పత్రికలో ప్రచురించారు. ఈ బయోసెన్సర్ మాస్క్ KN95 ఫేస్ మాస్క్ ప్రమాణంపై రూపొందించారు. ఈ మాస్క్ ద్వారా ఒక వ్యక్తి శ్వాసలో వైరస్ ఉందా లేదా అని 90 నిమిషాల్లో కనుగొనవచ్చు.
ఈ మాస్కులో అందించిన సెన్సార్ ఎల్లప్పుడూ ఆక్టివ్ గా ఉండదు. మీరు మీకు కరోనా పాజిటివ్ లేదా నెగటివ్ ఉందో లేదో తెలుసుకోవాలంటే మీరు ఒక బటన్ సహాయంతో సెన్సార్‌ను ఆక్టివేట్ చేయాలి. ఆ తర్వాత మీరు రీడౌట్ స్ట్రిప్ ద్వారా 90 నిమిషాల్లో ఫలితం పొందువచ్చు. ఆర్‌టి పి‌సి‌ఆర్ ఫలితంగా దాని ఖచ్చితత్వం క్లెయిమ్ చేయబడింది.
వైస్ ఇన్స్టిట్యూట్‌లోని పరిశోధనా శాస్త్రవేత్త అలాగే పరిశోధనలో పాల్గొన్న పీటర్ న్గుయెన్ ఈ మాస్క్ ద్వారా మొత్తం ల్యాబ్‌ను చిన్న మాస్క్ లో కప్పే ప్రయత్నం జరిగిందని చెప్పారు. ఈ మాస్క్ లో ఉపయోగించే సింథటిక్ బయాలజీ సెన్సార్ పరిమాణం చాలా తక్కువ. దీనిని ఇతర మాస్క్ లో కూడా ఉపయోగించవచ్చు. కరోనాతో పాటు ఈ సెన్సార్ ఇతర వైరస్, బ్యాక్టీరియా మొదలైనవాటిని కూడా గుర్తించగలదు. ఈ మాస్క్ ఉత్పత్తి కోసం పరిశోధనా బృందం భాగస్వామ్యాం కోసం వెతుకుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
