48 మెగాపిక్సెల్ కెమెరా, ఏ‌ఐ సపోర్ట్ తో టెక్నో స్మార్ట్ ఫోన్ లాంచ్.. అమెజాన్ ద్వారా ఫస్ట్ సేల్..
టెక్నో మొబైల్ ఇండియా గత నెలలో ప్రపంచవ్యాప్తంగా స్పార్క్ 7 సిరీస్ కింద టెక్నో స్పార్క్ 7 ప్రో స్మార్ట్ ఫోన్ ను విడుదల చేసింది. దీనికి ముందు ఈ సిరీస్ కింద స్పార్క్ 7, స్పార్క్ 7 పిలను లాంచ్ చేసింది. కంపెనీ ఇప్పుడు ఈ సిరీస్ నుండి నాల్గవ ఫోన్ టెక్నో స్పార్క్ 7 ప్రోను భారత మార్కెట్లో విడుదల చేయబోతోంది.
)
Followటెక్నో స్పార్క్ 7 ప్రో మే 25న భారతదేశంలో లాంచ్ కానుంది. దీనిని అమెజాన్ ఇండియా నుండి విక్రయించనున్నారు. అయితే లాంచ్ ముందు ఈ ఫోన్ కొన్ని ఫీచర్స్ బయటికి వచ్చాయి. టెక్నో స్పార్క్ 7 ప్రో 90 హెర్ట్జ్ రిఫ్రెష్ రేటుతో 6.6-అంగుళాల హెచ్‌డి ప్లస్ డిస్ ప్లేతో వస్తుంది. ఈ ఫోన్‌కు 6 జీబీ ర్యామ్, 128 జీబీ స్టోరేజ్ సపోర్ట్‌తో మీడియాటెక్ హెలియో జీ 80 ప్రాసెసర్ అందించారు.
)
కెమెరా విషయానికొస్తే 48 మెగాపిక్సెల్ ట్రిపుల్ రియర్ కెమెరా సెటప్‌ను టెక్నో స్పార్క్ 7 ప్రోలో చూడవచ్చు. అంతే కాకుండా ఆండ్రాయిడ్ 11 ఆధారిత హయోస్ 7.5ను ఫోన్‌లో అందించారు. ఫోన్‌కి సైడ్ మౌంటెడ్ ఫింగర్ ప్రింట్ సెన్సార్ ఇచ్చారు.
టెక్నో స్పార్క్ 7 ప్రోలో 8 మెగాపిక్సెల్ సెల్ఫీ కెమెరా, ఏ‌ఐ సపోర్ట్ లభిస్తుంది. ఇవి కాకుండా డ్యూయల్ సిమ్ సపోర్ట్, 4జీ ఎల్‌టీఈ, డ్యూయల్ బ్యాండ్ వై-ఫై, బ్లూటూత్ 5.0, జీపీఎస్, 3.5 ఎంఎం ఆడియో జాక్‌ను అందించారు. ఈ ఫోన్‌కు 5000 ఎంఏహెచ్ బ్యాటరీ లభిస్తుంది, అలాగే 10W ఫాస్ట్ ఛార్జింగ్‌కు సపోర్ట్ చేస్తుంది.
దేశంలో పెరుగుతున్న కరోనా కేసుల దృష్ట్యా టెక్నో స్మార్ట్‌ఫోన్ వారంటీని రెండు నెలల పాటు పొడిగిస్తున్నట్లు ఇటీవల ప్రకటించింది. 15/04/21 నుండి 15/06/21 మధ్య గడువు ముగిసిన వినియోగదారుల వారంటీని వచ్చే రెండు నెలల వరకు పొడిగించినట్లు టెక్నో పేర్కొంది.
గూగుల్ ప్లే-స్టోర్ నుండి కార్ల్‌కేర్ యాప్ డౌన్‌లోడ్ చేయడం ద్వారా ఈ వారంటీని పొందవచ్చు. ఈ యాప్ లో మీరు మీ ఫోన్ ఐ‌ఎం‌ఈ‌ఐ నంబర్‌ను రిజిస్టర్ చేయాలి. పొడిగించిన వారంటీని పొందడానికి మీరు 30/06/21 ముందు యాప్ లో దరఖాస్తు చేసుకోవాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
