తక్కువ ధరకే లేటెస్ట్ ఫీచర్లతో పోకో ఎం3 స్మార్ట్ ఫోన్ లాంచ్.. ఆకట్టుకుంటున్న ఫీచర్లు ఇవే..
స్మార్ట్ ఫోన్ తయారీ సంస్థ పోకో ఇండియా ఒక కొత్త స్మార్ట్ఫోన్ పోకో ఎం3ని భారత్లో విడుదల చేసింది. పెద్ద డిస్ ప్లే, ట్రిపుల్ రియర్ కెమెరా సెటప్, 6000 ఎంఏహెచ్ బ్యాటరీతో పోకో ఎం3 వచ్చేసింది. తక్కువ ధరకే మంచి కెమెరాతో ఎక్కువ ర్యామ్, స్టోరేజ్ ఉన్న ఫోన్ కోసం చూస్తున్న వినియోగదారులను దృష్టిలో ఉంచుకుని పోకో ఎం3 స్మార్ట్ఫోన్ను ప్రవేశపెట్టారు. ఫోన్ ఫీచర్స్ గురించి తెలుసుకుందాం ...
ఇండియాలో పోకో ఎం3 ధర
భారతదేశంలో పోకో ఎం3 ప్రారంభ ధర రూ .10,999. ఈ ధర వద్ద 6 జీబీ ర్యామ్తో 64 జీబీ స్టోరేజ్ లభించగా, 6 జీబీ ర్యామ్, 128 జీబీ స్టోరేజ్ వేరియంట్ ధర రూ .11,999. మీరు ఐసిఐసిఐ బ్యాంక్ కార్డుతో కొనుగోలు చేస్తే లేదా ఫోన్ను ఇఎంఐలో కొనుగోలు చేస్తే మీకు క్యాష్ బ్యాక్ కూడా పొందవచ్చు. ఈ పోకో ఎం3 కూల్ బ్లూ, పోకో ఎల్లో, పవర్ బ్లాక్ కలర్ వేరియంట్లలో లభిస్తుంది. ఈ ఫోన్ 9 ఫిబ్రవరి 2021 నుండి ఫ్లిప్కార్ట్ ద్వారా అమ్మకానికి వస్తుంది.
పోకో ఎం3 స్పెసిఫికేషన్లు
ఈ ఫోన్కు డ్యూయల్ సిమ్ సపోర్ట్తో ఆండ్రాయిడ్ 10 బేస్డ్ ఎంఐయూఐ 12 లభిస్తుంది. 1080x2340 పిక్సెల్స్ రిజల్యూషన్తో 6.53-అంగుళాల ఫుల్ హెచ్డి ప్లస్ డిస్ప్లేతో గొరిల్లా గ్లాస్ ప్రొటెక్షన్ తో వస్తుంది. ఈ ఫోన్లో స్నాప్డ్రాగన్ 662 ప్రాసెసర్, 6 జీబీ ర్యామ్, 64/128 జీబీ స్టోరేజ్ ఆప్షన్స్ ఉన్నాయి.
పోకో ఎం3 కెమెరా
కెమెరా గురించి మాట్లాడితే పోకో ఈ ఫోన్లో ట్రిపుల్ రియర్ కెమెరా సెటప్ అందించింది. దీనిలో ప్రధాన లెన్స్ 48 మెగాపిక్సెల్స్ కెమెరా, రెండవ లెన్స్ 2 మెగాపిక్సెల్ మాక్రో కెమెరా, మూడవ లెన్స్ 2 మెగాపిక్సెల్స్ కెమెరా ఉన్నాయి. ఈ ఫోన్లో సెల్ఫీ కోసం 8 మెగాపిక్సెల్ కెమెరా ఉంది.
పోకో ఎం3 బ్యాటరీ
ఈ పోకో ఫోన్ లో కనెక్టివిటీ కోసం 4జి ఎల్టిఇ, వై-ఫై, బ్లూటూత్, జిపిఎస్ / ఎ-జిపిఎస్, యుఎస్బి టైప్-సి, 3.5 ఎంఎం హెడ్ఫోన్ జాక్ ఉంది. ఫోన్ పవర్ బటన్లో ఫింగర్ ప్రింట్ సెన్సార్ ఇచ్చారు. దీనిలో 6000 ఎమ్ఏహెచ్ బ్యాటరీ ఉంది, అంతేకాకుండా 18 వాట్ల ఫాస్ట్ ఛార్జింగ్ తో వస్తుంది. ఫోన్ బరువు 198 గ్రాములు. ఫోన్లో స్టీరియో స్పీకర్ ఉంటుంది.