Oppo Reno 14 Series ఇండియాలో లాంఛింగ్ త్వరలోనే.

ఒప్పో రెనో 14 ప్రో జులై మొదటి వారంలో ఇండియాలో లాంచ్ కానుంది. ఇందులో మీడియాటెక్ డైమెన్సిటీ 8450 SoC, 6,200mAh బ్యాటరీ , 50MP OIS కెమెరా వంటి ఫీచర్లు ఉన్నాయి.

Image Credit : Oppo India/X

ఇండియాకు రెనో 14 సిరీస్

ఇటీవల చైనాలో లాంచ్ అయిన ఒప్పో రెనో 14 సిరీస్ స్మార్ట్‌ఫోన్‌లు ఇప్పుడు ఇండియాతో సహా ప్రపంచవ్యాప్తంగా లాంచ్ కాబోతున్నాయి. ఈ స్మార్ట్‌ఫోన్‌లు శక్తివంతమైన మీడియాటెక్ డైమెన్సిటీ చిప్‌సెట్‌లు, అధిక రిజల్యూషన్ కెమెరాలతో వస్తున్నాయి. ఓపో రెనో 14,  రెనో 14 ప్రో రెండూ ఇండియన్ మార్కెట్‌లో కొత్త సంచలనం సృష్టిస్తాయని భావిస్తున్నారు.

Image Credit : Oppo website

జులైలో కొత్త రాక

ఒప్పో ఇంకా అధికారికంగా లాంచ్ తేదీని ప్రకటించనప్పటికీ, ఒక కొత్త నివేదిక ప్రకారం ఒప్పో రెనో 14 సిరీస్ జులై మొదటి వారంలో ఇండియాలో లాంచ్ అవుతుంది. చైనాలో అనేక రంగులలో లాంచ్ అయిన ఈ మోడల్స్ ఇండియాలో 'పెర్ల్ వైట్'   రంగులలో మాత్రమే అందుబాటులో ఉంటాయని భావిస్తున్నారు. రెనో 14 మోడల్  పెర్ల్ వైట్ కలర్ చిత్రం కూడా లీక్ అయింది. ఇందులో మెటల్ ఫ్రేమ్,  3D కస్టమైజ్డ్ ప్యాటర్న్ బ్యాక్ ప్యానెల్ కనిపిస్తుంది.

Image Credit : Twitter

అధిక పనితీరు.. అధునాతన కెమెరాలు

ఒప్పోరెనో 14 , రెనో 14 ప్రో రెండూ 50MP ప్రైమరీ కెమెరాలతో వస్తున్నాయి. ఇండియా కోసం రెనో 14 మోడల్ 6.7-అంగుళాల OLED డిస్‌ప్లేతో 1.5K రిజల్యూషన్‌తో వస్తుందని భావిస్తున్నారు.

Image Credit : Oppo

SUPERVOOC ఛార్జింగ్

ఇది మీడియాటెక్ డైమెన్సిటీ 8350 చిప్‌సెట్ ద్వారా శక్తిని పొందుతుంది, చైనీస్ మోడల్ మాదిరిగానే ఉంటుంది. ఇది 6,000mAh బ్యాటరీతో 80W SUPERVOOC ఛార్జింగ్ సపోర్ట్‌తో వస్తుంది.

Image Credit : Anvin Twitter

కెమెరా

అదేవిధంగా, రెనో 14 ప్రో 50MP అల్ట్రా-వైడ్-యాంగిల్ కెమెరా , 50MP టెలిఫోటో లెన్స్‌తో వస్తుందని భావిస్తున్నారు.

Image Credit : Oppo Website

6,200 mAh భారీ బ్యాటరీ

ఇది డైమెన్సిటీ 8450 SoC ద్వారా శక్తిని పొందుతుంది.  6,200 mAh భారీ బ్యాటరీతో 50W వైర్‌లెస్ ఛార్జింగ్ సపోర్ట్‌ను కలిగి ఉంటుంది. ఈ ఫీచర్లు వినియోగదారులకు గొప్ప అనుభవాన్ని అందిస్తాయి.