ఒప్పో నుండి మరో కొత్త ఎయిర్ బడ్స్, స్మార్ట్ బ్యాండ్ లాంచ్.. 10నిమిషాల చార్జ్ తో 8గంటల బ్యాకప్..
చైనా కన్యుమార్ ఎలక్ట్రానిక్స్ బ్రాండ్ ఒప్పో ట్రూ వైర్‌లెస్ స్టీరియో ఒప్పో ఎన్‌కో ఎయిర్ అలాగే ఒప్పో బ్యాండ్ వైటాలిటీ ఎడిషన్ స్మార్ట్ బ్యాండ్‌ను విడుదల చేసింది. ఈ రెండు డివైజెస్ ని ఒప్పో కె9 5జి అండ్ ఒప్పో కె9 స్మార్ట్ టివిలతో లాంచ్ చేశారు.
)
Followఒప్పో ఎన్‌కో ఎయిర్‌లో బేస్ బూస్టర్ ట్యూబ్ అలాగే ఫాస్ట్ ఛార్జింగ్ టెక్నాలజీ ఉన్నాయి. ఒప్పో బ్యాండ్ వైటాలిటీ ఎడిషన్‌లో ఎన్‌ఎఫ్‌సి, బ్లడ్ ఆక్సిజన్ మానిటర్, అమోలెడ్ డిస్‌ప్లే ఉన్నాయి. ప్రస్తుతం చైనాలో అందుబాటులో ఉన్నాయి, ఇతర దేశాలలో లభ్యతపై ఎలాంటి సమాచారం లేదు.
)
ఒప్పో ఎన్‌కో ఎయిర్ టిడబ్ల్యుఎస్, ఒప్పో బ్యాండ్ వైటాలిటీ ఎడిషన్
ప్రస్తుతం చైనాలో ఒప్పో ఎన్‌కో ఎయిర్ టిడబ్ల్యుఎస్ ప్రీ-బుకింగ్ మొదలయ్యాయి. దీని ధర 299 చైనీస్ యువాన్ అంటే 3,400 రూపాయలు. దీనిని బ్లాక్, బ్లూ, గ్రీన్, వైట్ రంగులలో కొనుగోలు చేయవచ్చు. ఒప్పో బ్యాండ్ వైటాలిటీ ఎడిషన్ స్మార్ట్ బ్యాండ్ ధర 199 చైనీస్ యువాన్ అంటే సుమారు 2,200 రూపాయలు. ఈ స్మార్ట్ బ్యాండ్‌ను బ్లాక్ ఇంకా నారింజ రంగులలో కొనుగోలు చేయవచ్చు.
ఒప్పో ఎన్‌కో ఎయిర్ టిడబ్ల్యుఎస్ స్పెసిఫికేషన్లు
ఒప్పో ఎన్‌కో ఎయిర్ టిడబ్ల్యుఎస్ బ్యాటరీ 24-గంటల బ్యాకప్ కోసం క్లెయిమ్ చేయబడింది. ప్రతి బడ్స్ గంటలు తరబడి బ్యాటరీ లైఫ్ ఉంటుందని ఒప్పో తెలిపింది. దీనికి క్విక్ ఛార్జ్ కూడా ఉంది, 10 నిమిషాల ఛార్జింగ్ తో 8 గంటల ప్లేబ్యాక్‌ను అందిస్తుందని పేర్కొంది. ఛార్జింగ్ కోసం యూ‌ఎస్‌బి టైప్-సి పోర్ట్ ఉంది. బడ్స్‌లో 10 ఎంఎం డైనమిక్ డ్రైవర్ ఇచ్చారు.
మెరుగైన కనెక్టివిటీ కోసం అందులో రెండు మైక్రోఫోన్లు ఉంటాయి. రెండు బడ్స్ కూడా బేస్ బూస్టర్ ట్యూబ్ కలిగి ఉంటాయి. ఇయర్‌బడ్స్‌లో 47 ఎంఎస్‌ల లో ల్యాటెన్సి గేమ్ మోడ్ కూడా ఉంది. ఛార్జింగ్ కేసు తెరిచిన వెంటనే బడ్స్ కనెక్ట్ అవుతాయి. ఇది వాటర్ రెసిస్టెంట్ కోసం IPX4గా రేట్ చేయబడింది.
ఒప్పో బ్యాండ్ వైటాలిటీ ఎడిషన్ స్పెసిఫికేషన్లు
ఒప్పో బ్యాండ్ వైటాలిటీ ఎడిషన్‌లో 12 ఎక్సైజ్ మోడ్‌లతో 1.1-అంగుళాల ఏ‌ఎం‌ఓ‌ఎల్‌ఈ‌డి డిస్ ప్లే ఉంది. అలాగే బ్యాండ్‌లో స్లీప్ మానిటర్, హార్ట్ బీట్ సెన్సార్ మానిటర్, బ్లడ్ ఆక్సిజన్ (SpO2) మానిటర్ ఉన్నాయి. బ్యాండ్‌కు ఎన్‌ఎఫ్‌సికి సపోర్ట్ కూడా ఉంది. ఈ బ్యాండ్ వాటర్ రిసిస్టంట్. దీని బ్యాటరీకి సంబంధించి 14 రోజుల బ్యాకప్ ఇస్తుందని క్లెయిమ్ చేయబడింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
